بۇگىن مەرەيتويلىق ح ەۋرازيالىق KAZENERGY فورۋمى شەڭبەرىندە «ەۋرازيا وڭىرىندەگى ەنەرگيا قاۋىپسىزدىگى: جاڭا ىنتىماقتاستىق مەحانيزمى» مۇناي-گاز كونفەرەنسياسى ءوتتى. شارانى KAZENERGY قاۋىمداستىعى مەن قحر ينجەنەرلىك اكادەمياسى جانە CNPC جۇڭگو مەملەكەتتىك مۇناي-گاز كورپوراسياسىمەن بىرلەسىپ ۇيىمداستىردى. بۇل تۋرالى قامشى پورتالى باك.كز-كە سىلتەمە جاساي وتىرىپ حابارلايدى.
سالا ماماندارى القالى جيىندا قازاقستاننىڭ مۇناي-گاز كەشەنىن تەرەڭ دامىتۋ، مۇناي-گاز جىبەك جولىنىڭ پايدا بولۋى جانە ستراتەگيالىق تۇجىرىمداماسى، «قازمۇنايگاز» ۇك اق-دا گەولوگيالىق بارلاۋ جۇمىستارىنىڭ جاعدايى مەن پەرسپەكتيۆالارى، قاراشىعاناق كەن ورنىن ۇلعايتۋ، مۇناي-گاز تەحنولوگيالارى جانە CNPC تەحنولوگيالارى جانە باسقالا دا ماسەلەلەر قارالدى. ال باسقوسۋدا ەنەرگەتيكا ءبىرىنشى ۆيسە-مينيسترى ۇزاقباي قارابالين، SINOPEC GROUP جۇڭگو مۇناي جانە حيميا كورپوراسياسىنىڭ ءتوراعاسى ۆان يۋي پۋ، حالىقارالىق ينجەنەرلىك اكادەميا جانە رەسەيلىك ينجەنەرلىك اكادەميا پرەزيدەنتى بوريس گۋسيەۆ، «قازترانسويل» اق باسقارما ءتوراعاسى قايىرگەلدى قابىلدين، PetroChina ۆيسە-پرەزيدەنتى ليۋي گۋنسيۋن سىندى ءوز سالاسىنىڭ بىلگىرلەرى ءسوز سويلەپ، تاقىرىپتى قاتىسۋشىلارمەن بىرلەسە تالقىلادى.
سوڭعى ونجىلدىقتا قازاقستان مەن جۇڭگو اراسىنداعى ساۋدا قاتىناسى تۇراقتى تۇردە ءوسىپ كەلە جاتقاندىعىن اتاپ وتكەن ۇزاقباي سۇيلەمەن ۇلى، قارقىنداپ دامىپ كەلە جاتقان ەنەرگەتيكا سالاسى ىنتىماقتاستىقتىڭ باسىمدىققا يە بولعان سالالارىنىڭ ءبىرى ەكەندىگىنە كەڭىنەن توقتالدى.
- قازىرگى ۋاقىتتا جۇڭگو كومپانيالارى ينجينيرينگ، ۇڭعىمالار قورىنا قىزمەت كورسەتۋ، مۇناي ءوندىرۋ، مۇناي جانە گاز قۇبىرلارى جۇيەسىنىڭ قۇرىلىسى جانە پايدالانىلۋى، مۇناي ونىمدەرىن ساقتاۋ جانە وتكىزۋ سالاسىنداعى قازاقستاندىق جوبالارعا قاتىسۋدا، - دەدى ول ءوز ءسوزىن ناقتىلاي ءتۇسىپ.
سونداي-اق، كونفەرەنسيا اياسىندا قازاقستان رەسپۋبليكاسى ۇلتتىق ينجەنەرلىك اكادەمياسى مەن جۇڭگو حالىق رەسپۋبليكاسىنىڭ ينجەنەرلىك اكادەمياسى اراسىنداعى ىنتىماقتاستىق تۋرالى مەموراندۋمعا قول قويۋ ارقىلى ەكى ەل اراسىنداعى ينجەنەرلىك عىلىم مەن تەحنولوگيالار سالاسىنداعى ىنتىماقتاستىق نىعايا ءتۇستى.
بۇل كەلىسىمدە ەكى ەل اراسىنداعى ينجەنەرلىك عىلىم جانە تەحنولوگيالار سالاسىنداعى، اتاپ ايتقاندا يعت ءتيىستى سالالارى اراسىنداعى بايلانىستى قالىپتاستىرۋ، ماماندارمەن تاجىريبە الماسۋ جانە باسقالار بويىنشا ىنتىماقتاستىق كوزدەلگەن. كەلىسىمگە ساي، قازاقستان مەن قىتايدىڭ ينجەنەرلىك اكادەميالارى ەنەرگەتيكا جانەن قورشاعان ورتا سالاسىندا بىرلەسكەن زەرتتەۋلەر جۇرگىزەدى. ستراتەگيالىق عىلىم مەن تەحنولوگيالىق ساياسات بويىنشا فورۋمدار جانە جىبەك جولىنىڭ ەكونوميكالىق بەلدەۋىن دامىتۋ، اۋىل شارۋاشىلىعى، مال شارۋاشىلىعى، كولىكتىك جۇيەلەر، اقپاراتتىق تەحنولوگيالار جانە كوممۋنيكاسيالار، ينجەنەرلىك ءبىلىم بەرۋ جانە باسقا دا ماڭىزدى قوعامدىق ماسەلەلەر بويىنشا بىرلەسىپ دەمەۋشىلىك جاسالاتىن وڭىرلىك نەمەسە حالىقارالىق عىلىمي كونفەرەنسيالار وتكىزەدى بولجانۋدا.
