مەملەكەتتىك كىرىستەر ورگاندارى لاۋازىمدى ادامدارىنىڭ تاۋارلارعا كەدەندىك تازارتۋدى جاساۋ قاعيدالارىن بەكىتۋ تۋرالى

«قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ 271-بابىنا سايكەس، بۇيىرامىن:
1. قوسا بەرىلىپ وتىرعان مەملەكەتتىك كىرىستەر ورگاندارى لاۋازىمدى ادامدارىنىڭ تاۋارلارعا كەدەندىك تازارتۋدى جاساۋ قاعيدالارى بەكىتىلسىن.
2. قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنە (د.ە. ەرعوجين) زاڭنامامەن بەلگىلەنگەن تارتىپتە:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن؛
2) وسى بۇيرىقتى مەملەكەتتىك تىركەۋدەن وتكىزگەننەن كەيىن كۇنتىزبەلىك ون كۇن ىشىندە مەرزىمدىك باسپا باسىلىمداردا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى؛
3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرسىندا ورنالاستىرۋىن قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.

مينيستر ب.سۇلتانوۆ.

قازاقستان رەسپۋبليكاسى قارجى ءمينيسترىنىڭ
2015 جىلعى 31 ناۋرىزداعى № 246 بۇيرىعىمەن بەكىتىلگەن

مەملەكەتتىك كىرىستەر ورگاندارى لاۋازىمدى ادامدارىنىڭ تاۋارلارعا
كەدەندىك تازارتۋدى جاساۋ قاعيدالارى

1. جالپى ەرەجەلەر
1. وسى مەملەكەتتىك كىرىستەر ورگاندارى لاۋازىمدى ادامدارىنىڭ تاۋارلارعا كەدەندىك تازارتۋدى جاساۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ (بۇدان ءارى – كودەكس) 271-بابىنا سايكەس ازىرلەندى جانە تاۋارلاردى كەدەندىك راسىممەن ورنالاستىرۋ كەزىندە كەدەندىك تازارتۋمەن جانە تاۋارلاردى شىعارۋمەن بايلانىستى كەدەندىك وپەراسيالاردى جاساۋ كەزىندە مەملەكەتتىك كىرىستەر ورگاندارى (كەدەن بەكەتتەرى) لاۋازىمدى ادامدارى ءىس-قيمىلىنىڭ دايەكتىلىگىن ايقىندايدى.
2. قاعيدا كەدەندىك ترانزيت كەدەندىك راسىمىمەن ورنالاستىرىلاتىن تاۋارلارعا كەدەندىك تازارتۋدى جۇزەگە اسىرۋ كەزىندە قولدانىلمايدى.
3. تاۋارلاردى كەدەندىك تازارتۋدى ءوزىنىڭ لاۋازىمدىق (فۋنكسيونالدىق) مىندەتتەرىنە سايكەس وسىنداي كەدەندىك وپەراسيالاردى جاساۋعا ۋاكىلەتتى كەدەن بەكەتتەرىنىڭ لاۋازىمدى ادامدارى (بۇدان ءارى – ۋاكىلەتتى لاۋازىمدى ادام) جۇزەگە اسىرادى.
4. ۋاكىلەتتى لاۋازىمدى ادام تاۋارلارعا كەدەندىك تازارتۋدى تاۋارلارعا ارنالعان دەكلاراسيانى (بۇدان ءارى – تد) جازباشا نەمەسە ەلەكتروندىق قۇجات تۇرىندە پايدالانا وتىرىپ جۇرگىزەدى.
5. تاۋارلاردى كەدەندىك تازارتۋ جانە كەدەندىك باقىلاۋدى جۇرگىزۋ كەزىندە ۋاكىلەتتى لاۋازىمدى ادام تاۋەكەلدەردى باسقارۋ جۇيەسىن پايدالانادى.
6. تاۋارلاردى كەدەندىك تازارتۋ كەزىندە تد–نى دەكلارانت نەمەسە كەدەن وكىلى ونىڭ قىزمەت ايماعىندا تاۋارلار كەدەندىك باقىلاۋدا تۇرعان مەملەكەتتىك كىرىستەر ورگانىنا ۇسىنادى.
كەدەن ءىسى سالاسىنداعى ۋاكىلەتتى ورگاننىڭ شەشىمى بويىنشا قۇبىرجول كولىگىمەن نەمەسە ەلەكتر بەرۋ جەلىسى بويىنشا وتكىزىلەتىن تاۋارلارعا كەدەندىك تازارتۋ پروسەسىن وڭتايلاندىرۋ ماقساتىندا كورسەتىلگەن تاۋارلارعا قاتىستى تد تاۋارلاردىڭ ورنالاسقان جەرىنە قاراماستان مەملەكەتتىك كىرىستەر ورگانىنا بەرىلەدى.

2ء-بولىم. تاۋارلاردى جازباشا نىساندا كەدەندىك دەكلاراسيالاۋ كەزىندە تاۋارلارعا كەدەندىك تازارتۋدى جاساۋ كەزىندە ۋاكىلەتتى لاۋازىمدى ادامنىڭ ءىس-قيمىلى

1-پاراگراف. تد-نى قابىلداۋ، تىركەۋ جانە تىركەۋدەن باس تارتۋ كەزىندە
ۋاكىلەتتى لاۋازىمدى ادامنىڭ ءىس-قيمىلى
7. تد-نى قابىلداۋمەن، تىركەۋمەن جانە تىركەۋدەن باس تارتۋمەن بايلانىستى كەدەندىك وپەراسيالار «تاۋارلارعا ارنالعان دەكلاراسيانى تىركەۋ، تىركەۋدەن باس تارتۋ جانە تاۋارلاردى شىعارۋدان باس تارتۋدى رەسىمدەۋ ءتارتىبى تۋرالى» كەدەن وداعى كوميسسياسىنىڭ 2010 جىلعى 20 مامىرداعى № 262 شەشىمىنە (بۇدان ءارى – تاۋارلارعا ارنالعان دەكلاراسيانى تىركەۋ، تىركەۋدەن باس تارتۋ جانە تاۋارلاردى شىعارۋدان باس تارتۋدى رەسىمدەۋ ءتارتىبى) سايكەس جۇزەگە اسىرىلادى.
8. وسى قاعيدالارمەن بەلگىلەنگەن تارتىپتە بەرىلگەن تد، ونىڭ بەرۋ كۇنىن جانە ۋاقىتىن، ونىڭ ەلەكتروندىق كوشىرمەسىن جانە قاجەتتى قۇجاتتاردى وسى قاعيدالارعا 1-قوسىمشامەن بەلگىلەنگەن نىسان بويىنشا قاعاز جانە (نەمەسە) ەلەكتروندىق تۇردە تد تىركەۋ جۋرنالىندا تىركەۋ جولىمەن مىندەتتى قابىلداۋعا جاتادى.
تد قابىلداۋدان باس تارتۋعا تىيىم سالىنادى.
9. دەكلارانت نە كەدەن وكىلى تد بەرگەن كەزدە ۋاكىلەتتى لاۋازىمدى ادام تاۋارلاردى كەدەندىك دەكلاراسيالاۋ كەزىندە ۇسىنىلاتىن كودەكستىڭ 281 جانە 282–باپتارىندا كورسەتىلگەن قۇجاتتاردىڭ، جانە تاۋارعا ارنالعان دەكلاراسيانى تىركەۋدى، تىركەۋدەن باس تارتۋدى رەسىمدەۋ تارتىبىمەن (بۇدان ءارى – تاۋارعا ارنالعان دەكلاراسيانى تىركەۋدى، تىركەۋدەن باس تارتۋدى، تاۋارلاردى شىعارۋدان باس تارتۋدى رەسىمدەۋ ءتارتىبى) بەلگىلەنگەن نىسان بويىنشا ەكى داناداعى قۇجاتتار تىزىمدەمەسىنىڭ بار بولۋىن تەكسەرەدى.
10. تد قابىلدانعانى تىزىمدەمەنىڭ ەكى داناسىنا، ونىڭ ىشىندە ءتيىستى كىشى جۇيەلەردى پايدالانۋعا ەنگىزۋ ساتىنەن باستاپ مەملەكەتتىك كىرىستەر ورگانىنىڭ اقپاراتتىق جۇيەسىندە ۋاكىلەتتى لاۋازىمدى ادامنىڭ تەگى مەن ءاتى-جونىن كورسەتە وتىرىپ، كۇنى مەن ۋاقىتىن، قولىن جانە جەكە نومىرلىك ءمور بەدەرىن قويۋمەن راستالادى.
11. تاۋارعا ارنالعان دەكلاراسيانى قابىلداعان كەزدە ۋاكىلەتتى لاۋازىمدى ادام ونى بەرۋ مەرزىمىن تەكسەرەدى.
ەگەر تد كودەكستىڭ 283–بابىمەن بەلگىلەنگەن مەرزىمدى بۇزا وتىرىپ بەرىلسە، ۋاكىلەتتى لاۋازىمدى ادام «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ 2014 جىلعى 5 شىلدەدەگى كودەكسىمەن كوزدەلگەن شارالاردى قابىلدايدى.
12. تد بەرگەن ساتتەن باستاپ ۋاكىلەتتى لاۋازىمدى ادام وتىز مينۋتتان اسپايتىن مەرزىمدە ونىڭ تىركەۋىن جۇرگىزەدى.
تد تىركەۋ كودەكستىڭ 138–بابىنا سايكەس تاۋارلاردى كەدەندىك دەكلاراسيالاۋى ءۇشىن كەدەندىك الىمنىڭ تولەنگەنى تۋرالى راستاۋدىڭ بولۋى جانە تد تىركەۋدەن باس تارتۋ نەگىزدەمەسىنىڭ بولماۋى كەزىندە جۇرگىزىلەدى.
13. تد تىركەۋ مەملەكەتتىك كىرىستەر ورگانىنىڭ اقپاراتتىق جۇيەسىندە، سونداي-اق تد تىركەۋ جۋرنالىندا ۋاكىلەتتى لاۋازىمدى ادام جۇزەگە اسىرادى.
مەملەكەتتىك كىرىستەر ورگانىنىڭ اقپاراتتىق جۇيەسى تد ەلەكتروندىق تىركەۋ جۋرنالىن، وندا تد تىركەۋ كۇنىن، ۋاقىتىن، ونىڭ ىشىندە تد تىركەۋ ءنومىرىن كورسەتە وتىرىپ اۆتوماتتى تۇردە قالىپتاستىرادى.
14. ۋاكىلەتتى لاۋازىمدى ادام، ەگەر:
1) تد-نى، تىركەۋگە قۇقىلى ەمەس كەدەن بەكەتىنە بەرسە؛
2) تد-نى كەدەن بەكەتىنە ۋاكىلەتتىگى جوق ادام بەرسە.
تد-نى بەرەتىن ادامنىڭ وكىلەتتىگىن تەكسەرۋدى ۋاكىلەتتى لاۋازىمدى ادام تد-داعى مالىمەتتەردى كەدەن وكىلدەرىنىڭ تىزىلىمىندە بار اقپاراتپەن سالىستىرۋ جولىمەن، سونداي-اق كەدەن ءىسى سالاسىنداعى ۋاكىلەتتى ورگاننىڭ تد ەلەكتروندىق كوشىرمەلەرىن قالىپتاستىرۋ ءۇشىن پايدالانىلاتىن كودتى دەكلارانتقا بەرۋ تۋرالى شەشىمدەرمەن جۇزەگە اسىرادى؛
3) تد–دا كودەكستىڭ 279–بابىمەن كوزدەلگەن نەگىزگى مالىمەتتەر كورسەتىلمەسە؛
4) تد–عا قول قويىلماعان، نە ءتيىستى تۇردە كۋالاندىرىلماعان نەمەسە بەلگىلەنگەن نىسان بويىنشا جاسالماعان بولسا.
تد–نى تولتىرۋ ءتارتىبى «تاۋارلارعا ارنالعان دەكلاراسيانى تولتىرۋ ءتارتىبى جونىندەگى نۇسقاۋلىق تۋرالى» كەدەن وداعى كوميسسياسىنىڭ 2010 جىلعى 20 مامىرداعى № 257 شەشىمىمەن (بۇدان ءارى – تد تولتىرۋ جونىندەگى نۇسقاۋلىق) ايقىندالادى؛
5) كودەكسكە سايكەس تد بەرىلگەنگە دەيىن نەمەسە بەرۋمەن ءبىر ۋاقىتتا جاسالاتىن ارەكەتتەر جاسالماعان دەكلاراسيالاناتىن تاۋارلارعا قاتىستى تد–نى تىركەۋدەن باس تارتادى.
15. تد-نى تىركەۋدەن باس تارتۋدى ۋاكىلەتتى لاۋازىمدى ادام تاۋارعا ارنالعان دەكلاراسيانى تىركەۋدى، تىركەۋدەن باس تارتۋدى، تاۋارلاردى شىعارۋدان باس تارتۋدى رەسىمدەۋ تارتىبىنە سايكەس رەسىمدەيدى.

2-پاراگراف. قۇجاتتامالىق باقىلاۋدى جۇزەگە اسىرۋ كەزىندە ۋاكىلەتتى
لاۋازىمدى ادامنىڭ ءىس-قيمىلى
16. تاۋارلاردى كەدەندىك تازارتۋ كەزىندە ۋاكىلەتتى لاۋازىمدى ادام تد جانە ۇسىنىلعان قۇجاتتارعا تەكسەرۋ جۇرگىزۋ جولىمەن قۇجاتتامالىق باقىلاۋدى جۇزەگە اسىرادى.
17. تد–عا قۇجاتتامالىق باقىلاۋ كەزىندە ۋاكىلەتتى لاۋازىمدى ادام مىناداي ارەكەتتەردى ورىندايدى:
1) تد–دا جانە ونىڭ ەلەكتروندىق كوشىرمەلەرىندە مالىمدەلگەن مالىمەتتەردىڭ تاۋارلاردى كەدەندىك دەكلاراسيالاۋ كەزىندە ۇسىنىلاتىن قۇجاتتارداعى مالىمەتتەرمەن سايكەستىگىن تەكسەرۋدى جانە مەملەكەتتىك كىرىستەر ورگانىنىڭ اقپاراتتىق جۇيەسىن پايدالانۋمەن فورماتتىق-لوگيكالىق باقىلاۋدى؛
2) تاۋارلاردى كەدەندىك راسىممەن ورنالاستىرۋ شارتتارىن ساقتاۋدى تەكسەرۋدى.
بۇل رەتتە، ۋاكىلەتتى لاۋازىمدى ادام كودەكستىڭ 281، 282–باپتارىنىڭ نەگىزىندە كەدەندىك راسىمدەردىڭ شارتتارىنا سايكەس تاۋارلاردى كەدەندىك دەكلاراسيالاۋ كەزىندە ۇسىنىلاتىن قۇجاتتاردىڭ تەكسەرۋىن جۇرگىزەدى؛
3) تىيىم سالۋلار مەن شەكتەۋلەردىڭ، تاريفتىك ەمەس رەتتەۋ شارالاردىڭ جانە ەكسپورتتىق باقىلاۋدىڭ ساقتالۋىن مىنا قۇجاتتاردىڭ: ليسەنزيالاردىڭ، سەرتيفيكاتتاردىڭ، رۇقساتتاردىڭ جانە (نەمەسە) وزگە قۇجاتتاردىڭ بولۋىنا تەكسەرۋ جولىمەن باقىلاۋدى؛
4) تاۋارلاردىڭ شىعارىلعان ەلىن دۇرىس ايقىنداۋدا جانە تاريفتىك پرەفەرەنسيالاردى مالىمدەۋ كەزىندە تاريفتىك پرەفەرەنسيالاردىڭ ۇسىنۋىن باقىلاۋدى.
بۇل رەتتە ۋاكىلەتتى لاۋازىمدى ادام:
ۋاكىلەتتى ورگاندار نەمەسە شىعارىلعان ەلدىڭ نە ەگەر اكەتۋ ەلىندە سەرتيفيكات كودەكستىڭ 95-بابىنا سايكەس تاۋارلاردىڭ شىعارىلعان ەلىنەن الىنعان مالىمەتتەردىڭ نەگىزىندە بەرىلسە، اكەتۋ ەلىنىڭ ۇيىمدارى بەرگەن تاۋاردىڭ شىعارىلعان ەلىن راستايتىن قۇجات ءتۇپنۇسقاسىنىڭ بولۋىن؛
تاۋارلاردىڭ شىعارىلۋىن راستايتىن قۇجاتتارداعى ءمور بەدەرلەرى مەن قولداردىڭ كەدەن ءىسى سالاسىنداعى ۋاكىلەتتى ورگاننىڭ مەملەكەتتىك كىرىستەر ورگانىنا جەتكىزىلگەن ءمور بەدەرلەرى مەن قولداردىڭ ۇلگىلەرىمەن سايكەستىگىن تەكسەرەدى؛
5) كەدەندىك تولەمدەر مەن سالىقتاردىڭ تولەنۋىن باقىلاۋدى.
بۇل رەتتە ۋاكىلەتتى لاۋازىمدى ادام:
قازاقستان رەسپۋبليكاسىنىڭ ءبىرىڭعاي بيۋدجەتتىك سىنىپتاماسىنىڭ كودى جانە تولەمدى تاعايىنداۋ بويىنشا كەدەندىك تولەمدەر مەن سالىقتار سومالارىنىڭ تۇسىمىنە تەكسەرۋدى؛
تولەۋشى كەدەندىك تولەمدەردى، سالىقتاردى جانە الىمداردى مەملەكەتتىك كىرىستەر ورگاندارىنىڭ اكىمشىلىك عيماراتتارىندا (ءۇي-جايلارىندا) ورناتىلعان ەلەكتروندىق تەرمينالدارى ارقىلى تولەم كارتوچكالارىن پايدالانا وتىرىپ، جانە ەكىنشى دەڭگەيدەگى بانكتەر ارقىلى، سونداي-اق بانكتىك وپەراسيالاردىڭ جەكەلەگەن تۇرلەرىن جۇزەگە اسىراتىن ۇيىمدارى ارقىلى تولەگەن كەزدە – جوعارىدا كورسەتىلگەن ەلەكتروندى تەرمينال بەرەتىن تۇبىرتەكتىڭ جانە (نەمەسە) ەكىنشى دەڭگەيدەگى بانكتەر كاسسالارى تۇبىرتەكتەرىنىڭ بار بولۋىن تەكسەرۋدى جۇرگىزەدى؛
مالىمدەلگەن تاريفتىك، سالىقتىق جەڭىلدىكتەردىڭ جانە پرەفەرەنسيالاردىڭ، تاۋارلاردى كەدەندىك دەكلاراسيالاۋ ءۇشىن كەدەندىك الىمداردى تولەۋ بويىنشا جەڭىلدىكتەردىڭ، مالىمدەلگەن جەڭىلدىكتەردى ايقىندايتىن نە كەدەندىك تولەمدەر مەن سالىقتاردى ەسەپتەۋ جانە تولەۋدىڭ ەرەكشە ءتارتىبىن بەلگىلەيتىن قۇجاتتاردىڭ نەگىزدەمەسىنە باقىلاۋدى؛
كەدەندىك باجداردى، سالىقتاردى تولەۋ بويىنشا كەيىنگى قالدىرۋ مەن ءبولىپ تولەۋدى، سونداي-اق قازاقستان رەسپۋبليكاسىنىڭ سالىق زاڭناماسىنا سايكەس سالىقتاردى تولەۋ بويىنشا ءبولىپ تولەۋدى ۇسىنۋ تۋرالى ءتيىستى شەشىمنىڭ بولۋىنا تەكسەرۋدى، سونداي-اق ەگەر تاۋارلار مۇنداي قامتاماسىز ەتۋدى ۇسىنعان شارتىمەن شىعارىلعان جاعدايدا كەدەندىك باجداردى تولەۋىنىڭ قامتاماسىز ەتۋىن راستايتىن قۇجاتتاردىڭ بولۋىنا تەكسەرەدى؛
قازاقستان رەسپۋبليكاسىنىڭ سالىق زاڭناماسىنا سايكەس ەسەپكە الۋ ادىسىمەن قوسىلعان قۇن سالىعىن تولەۋ شارتىنىڭ ساقتالۋىن تەكسەرەدى.
تولەۋگە جاتاتىن كەدەندىك تولەمدەر مەن سالىقتار سوماسىنىڭ دۇرىس ەسەپتەلۋىن جانە سانالۋىن تەكسەرۋ مەملەكەتتىك كىرىستەر ورگاندارىنىڭ اقپاراتتىق جۇيەسىمەن جۇرگىزىلەدى.
18. قۇجاتتامالىق باقىلاۋدى جۇرگىزۋ كەزىندە تد–عى دەكلاراسيالاناتىن تاۋاردىڭ ەۋرازيالىق ەكونوميكالىق وداعىنىڭ سىرتقى ەكونوميكالىق قىزمەتىنىڭ تاۋار نومەنكلاتۋراسىنا (بۇدان ءارى – سەق تن) سايكەس ءبىرىنشى التى بەلگى دەڭگەيىندە جىكتەۋ كودى تۋرالى مالىمەتتەر ۇسىنىلعان قۇجاتتارداعى جىكتەۋ كودىنا سايكەس كەلمەۋ (الشاقتىق) انىقتالعان جاعدايدا ۋاكىلەتتى لاۋازىمدى ادام (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10625 بولىپ تىركەلگەن جانە 2015 جىلعى 17 ساۋىردەگى “ادىلەت” اقپاراتتىق–قۇقىقتىق جۇيەسىندە جاريالانعان) قازاقستان رەسپۋبليكاسى قارجى ءمينيسترىنىڭ 2015 جىلعى 24 اقپانداعى № 116 بۇيرىعىمەن بەكىتىلگەن نىسان بويىنشا تاۋارلاردى جىكتەۋ بويىنشا شەشىم قابىلدايدى.
19. قۇجاتتامالىق باقىلاۋدى جۇرگىزۋ كەزىندە تد–عى دەكلاراسيالاناتىن تاۋاردىڭ مالىمدەلگەن كەدەندىك قۇنى تۋرالى مالىمەتتەردىڭ ۇسىنىلعان قۇجاتتارداعى مالىمەتتەرگە سايكەس كەلمەۋ (الشاقتىق) انىقتالعان، ونىڭ ىشىندە تاۋارلاردىڭ كەدەندىك قۇنىن انىقتاۋ ءادىسىن دۇرىس تاڭداماۋ جانە (نەمەسە) تاۋارلاردىڭ كەدەندىك قۇنىن دۇرىس انىقتاماۋ فاكتىلەرىن انىقتاعان جاعدايلاردا ۋاكىلەتتى لاۋازىمدى ادام تاۋارلاردىڭ مالىمدەلگەن كەدەندىك قۇنىن تۇزەتۋ تۋرالى شەشىم قابىلدايدى.
تاۋارلاردىڭ كەدەندىك قۇنىن تۇزەتۋ تۋرالى شەشىمدى ۋاكىلەتتى لاۋازىمدى ادام كورسەتىلگەن فاكتىلەردى انىقتاعان ساتتەن باستاپ ءۇش ساعات ىشىندە قابىلدايدى.
تاۋارلاردىڭ كەدەندىك قۇنىن تۇزەتۋ تۋرالى شەشىم «دەكلاراسيالاۋ، تاۋارلاردىڭ كەدەندىك قۇنىن باقىلاۋ جانە تۇزەتۋ تارتىپتەرى تۋرالى» كەدەن وداعى كوميسسياسىنىڭ 2010 جىلعى 20 قىركۇيەكتەگى №376 شەشىمىمەن (بۇدان ءارى – دەكلاراسيالاۋ، تاۋارلاردىڭ كەدەندىك قۇنىن باقىلاۋ جانە تۇزەتۋ ءتارتىبى) بەلگىلەنگەن نىسان بويىنشا رەسىمدەلەدى جانە دەكلارانتتىڭ (كەدەن وكىلىنىڭ) نازارىنا جەتكىزىلەدى. شەشىمنىڭ نىسانى ەكى دانادا تولتىرىلادى، ولاردىڭ بىرەۋى كەدەن بەكەتىندە قالدىرىلادى، باسقاسى دەكلارانتقا (كەدەن وكىلىنە) تابىس ەتىلەدى (جولدانادى).
تاۋارلاردىڭ كەدەندىك قۇنىن تۇزەتۋ دەكلاراسيالاۋ، تاۋارلاردىڭ كەدەندىك قۇنىن باقىلاۋ جانە تۇزەتۋ تارتىبىنە سايكەس جۇرگىزىلەدى.
تاۋارلاردىڭ كەدەندىك قۇنىن تۇزەتۋ تۋرالى شەشىمدى العاننان كەيىن دەكلارانت (كەدەن وكىلى) بەلگىلەنگەن تارتىپتە تاۋارلاردىڭ كەدەندىك قۇنىنا تۇزەتۋدى جۇزەگە اسىرۋعا جانە كودەكستىڭ 297–بابىنىڭ 1–تارماعىمەن بەلگىلەنگەن تاۋارلاردى شىعارۋ مەرزىمىنەن اسپايتىن مەرزىمدە تۇزەتىلگەن كەدەندىك قۇندى ەسەپكە الۋمەن سانالعان كولەمدە كەدەندىك باجداردى، سالىقتاردى تولەۋگە مىندەتتى.
دەكلارانت (كەدەن وكىلى) ءتيىستى تۇردە تولتىرىلعان تاۋارلارعا ارنالعان دەكلاراسيانىڭ تۇزەتۋىن (بۇدان ءارى – تدت)، كەدەندىك قۇننىڭ دەكلاراسياسىن (بۇدان ءارى – كقد) جانە ولاردىڭ ەلەكتروندىق كوشىرمەلەرىن، سونداي-اق تۇزەتىلگەن مالىمەتتەردىڭ نەگىزىندە ولاردىڭ ءوندىرىپ الۋى مەملەكەتتىك كىرىستەر ورگاندارىنا جۇكتەلگەن كەدەندىك باجداردىڭ، سالىقتاردىڭ جانە وزگە تولەمدەردىڭ تولەنۋىن راستايتىن قۇجاتتاردى جانە (نەمەسە) مالىمەتتەردى ۇسىنادى.
ۋاكىلەتتى لاۋازىمدى ادام دەكلارانت (كەدەن وكىلى) كقد، تدت نىسانىن جانە كەدەندىك تولەمدەردى جانە كەدەندىك باجداردىڭ، سالىقتاردىڭ تولەنۋىن راستايتىن قۇجاتتاردى ۇسىنعاننان كەيىن كودەكستىڭ 297–بابىنىڭ 1–تارماعىمەن بەلگىلەنگەن تاۋارلاردى شىعارۋ مەرزىمىنەن كەشىكتىرمەي تاۋارلاردىڭ كەدەندىك قۇنىن تۇزەتۋ تۋرالى قابىلدانعان شەشىمگە سايكەس دەكلارانتتىڭ (كەدەن وكىلىنىڭ) تاۋارلاردىڭ كەدەندىك قۇنىنا تۇزەتۋدى دۇرىس جۇزەگە اسىرىلۋىن تەكسەرەدى جانە تاۋارلاردىڭ جاڭادان ايقىندالعان (تۇزەتىلگەن) كەدەندىك قۇننىڭ قابىلدانعانى تۋرالى بەلگى قويادى.
ەگەر كقد جانە تدت ءتيىستى تۇردە تولتىرىلعان جاعدايدا، ۋاكىلەتتى لاۋازىمدى ادام تاۋارلاردى شىعارۋ مەرزىمىنەن اسپايتىن مەرزىمدە كقد–نى وعان تىركەۋ ءنومىرىن بەرۋ جولىمەن تىركەيدى جانە تد، كقد جانە تدت–عا ءتيىستى جازبا (بەلگى قويادى) جۇرگىزەدى.
ەگەر تاۋارلاردى شىعارۋ مەرزىمى اياقتالعانعا دەيىن كەدەن بەكەتىنە كقد جانە تدت، سونداي-اق قۇجاتتار جانە (نەمەسە) تۇزەتىلگەن مالىمەتتەردىڭ نەگىزىندە كەدەندىك، وزگە تولەمدەردىڭ تولەنۋىن راستايتىن مالىمەتتەردى ۇسىنباعان نە ۇسىنىلعان كقد جانە تدت ءتيىستى تۇردە تولتىرىلماعان جاعدايدا، ۋاكىلەتتى لاۋازىمدى ادام تاۋارلاردى شىعارۋدان باس تارتادى.
20. قۇجاتتامالىق باقىلاۋدى جۇرگىزۋ كەزىندە تد–عى دەكلاراسيالاناتىن تاۋارلاردىڭ مالىمەتتەرى ۇسىنىلعان قۇجاتتارداعى مالىمەتتەرگە سايكەس كەلمەۋى (الشاقتىعى) انىقتالعان جاعدايدا، سونداي-اق تاۋارلاردى كەدەندىك راسىممەن ورنالاستىرۋ شارتتارىنا سايكەس تاۋارلاردى سايكەستەندىرۋ قاجەتتىلىگى كەزىندە تاۋارلاردىڭ كەدەندىك تەكسەرىپ قاراۋىن (قاراپ تەكسەرۋىن) جۇرگىزۋ بويىنشا شارالار قابىلدانادى.
تاۋارلاردىڭ كەدەندىك تەكسەرىپ قاراۋىن (قاراپ تەكسەرۋىن) جۇرگىزۋ تۋرالى شەشىمدى كەدەن بەكەتىنىڭ باسشىسى نە ۋاكىلەتتى لاۋازىمدى ادامنىڭ قىزمەتتىك جازباسىنىڭ نەگىزىندە ونى الماستىراتىن ادام قابىلدايدى.
21. قۇجاتتامالىق باقىلاۋ جۇرگىزۋ كەزىندە اكىمشىلىك قۇقىق بۇزۋشىلىق انىقتالعان جاعدايدا ۋاكىلەتتى لاۋازىمدى ادام «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ 2014 جىلعى 5 شىلدەدەگى كودەكسىنە سايكەس شارالار قابىلدايدى.
قۇجاتتامالىق باقىلاۋ ناتيجەلەرى بويىنشا قىلمىستىق قۇقىق بۇزۋشىلىقتاردىڭ بەلگىلەرى بار بۇزۋشىلىقتار انىقتالعان كەزدە ۋاكىلەتتى لاۋازىمدى ادام مۇنداي بۇزۋشىلىقتار تۋرالى اقپاراتتى مەملەكەتتىك كىرىستەر ورگانىنىڭ جەدەل-تەرگەۋ بولىمشەسىنە (ەكونوميكالىق تەرگەۋ قىزمەتى) بەرەدى.
22. تاۋارلار شىعارىلعانعا دەيىن تىركەلگەن كەدەندىك دەكلاراسيادا مالىمدەلگەن مالىمەتتەردى وزگەرتۋ جانە تولىقتىرۋ كودەكستىڭ 289–بابىنا جانە «تاۋارلارعا ارنالعان دەكلاراسيالاردا كورسەتىلگەن مالىمەتتەرگە وزگەرىستەر مەن (نەمەسە) تولىقتىرۋلار ەنگىزۋ جانە كەدەن وداعى كوميسسياسىنىڭ جانە ەۋرازيالىق ەكونوميكالىق كوميسسياسى القاسىنىڭ كەيبىر شەشىمدەرىنىڭ كۇشتەرى جويىلدى دەپ تانۋ تۋرالى» ەۋرازيالىق ەكونوميكالىق كوميسسياسى القاسىنىڭ 2013 جىلعى 10 جەلتوقسانداعى № 289 شەشىمىنە (بۇدان ءارى – تد–عا وزگەرىستەر مەن تولىقتىرۋلار ەنگىزۋ ءتارتىبى) سايكەس جۇرگىزىلەدى.
23. قۇجاتتامالىق باقىلاۋ ناتيجەلەرى بويىنشا بۇزۋشىلىقتار بولماعان جاعدايدا ۋاكىلەتتى لاۋازىمدى ادام تاۋارلاردى كەدەندىك تازارتۋ كەزىندە تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدى جۇرگىزەدى.

3-پاراگراف. تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدى جۇرگىزۋ كەزىندە ۋاكىلەتتى لاۋازىمدى ادامنىڭ ءىس-قيمىلى
24. ۋاكىلەتتى لاۋازىمدى ادام تاۋەكەل بەيىندەرىندەگى جانە ىسكە قوسىلعان تاۋەكەل بەيىنى بولعان كەزدە تاۋەكەل ينديكاتورلارىنداعى تاۋەكەلدى الدىن الۋ جانە (نەمەسە) ازايتۋ بويىنشا شارالاردى قابىلداۋ جولىمەن تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدى جۇرگىزەدى.
بۇل رەتتە ۋاكىلەتتى لاۋازىمدى ادام دەكلارانتقا نەمەسە كەدەن وكىلىنە قول قويۋمەن تاۋەكەلدەردى باسقارۋ جۇيەسىمەن مەملەكەتتىك كىرىستەر ورگانىنىڭ اقپاراتتىق جۇيەلەرى بەرگەن تاۋەكەلدەردى الدىن الۋ جانە (نەمەسە) ازايتۋ بويىنشا تاعايىندالعان شارالارى تۋرالى جازباشا حابارلامانى تابىس ەتەدى.
25. ۋاكىلەتتى لاۋازىمدى ادام تاۋەكەل بەيىندەرىندەگى جانە تاۋەكەل ينديكاتورلارىنداعى تاۋەكەلدى الدىن الۋ جانە (نەمەسە) ازايتۋ بويىنشا شارالاردى تاۋەكەلدەردى باسقارۋ جۇيەسى ايقىنداعان تومەندەگى ءبىر نەمەسە بىرنەشە ءىس-قيمىلداردى ورىنداۋ جولىمەن قابىلدايدى:
1) كودەكستىڭ 78–بابىنا سايكەس سەق تن بويىنشا تاۋارلاردىڭ دۇرىس جىكتەلۋىنە باقىلاۋ؛
2) تاۋارلاردىڭ شىعارىلعان ەلىنىڭ دۇرىس ايقىندالۋىن باقىلاۋ جانە تاريفتىك پرەفەرەنسيالاردى ۇسىنۋ.
ۋاكىلەتتى لاۋازىمدى ادام وسى قاعيدانىڭ 17–تارماعىنىڭ 4) تارماقشاسىندا كوزدەلگەن ءىس-قيمىلداردى جۇزەگە اسىرادى؛
3) دەكلاراسيالاۋ، تاۋارلاردىڭ كەدەندىك قۇنىن باقىلاۋ جانە تۇزەتۋ تارتىبىنە سايكەس كەدەندىك قۇندى باقىلاۋ؛
4) كەدەندىك ساراپتامانى تاعايىنداۋ.
كەدەندىك ساراپتامانى تاعايىنداۋ تۋرالى شەشىمدى ۋاكىلەتتى لاۋازىمدى ادام «كەدەندىك ساراپشىنىڭ (ساراپشىنىڭ) قورىتىندىسىنىڭ جانە كەدەن ورگانىنىڭ كەدەندىك ساراپتامانى تاعايىنداۋ تۋرالى شەشىمىنىڭ نىساندارىن بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ 2010 جىلعى 3 تامىزداعى № 392 بۇيرىعىمەن (قازاقستان رەسپۋبليكاسىنىڭ نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 6387 بولىپ تىركەلگەن) ايقىندالعان نىسان بويىنشا قابىلدايدى جانە وسى قاعيداعا 2–قوسىمشاسىنا سايكەس كەدەندىك ساراپتامانى تاعايىنداۋ تۋرالى شەشىمدەردى ەسەپكە الۋ جۋرنالىندا تىركەيدى.
كەدەندىك ساراپتامانى تاعايىنداۋ كەزىندە تاۋارلاردىڭ سىنامالارى مەن ۇلگىلەرىنىڭ ىرىكتەۋىن جۇزەگە اسىرۋ ماقساتىندا ۋاكىلەتتى لاۋازىمدى ادام دەكلارانتتى نەمەسە كەدەندىك ساراپتامانى تاعايىنداۋ تۋرالى تاۋارلارعا قاتىستى وكىلەتتىگىنە يە وزگە ادامدى جازباشا حابارلايدى، سونداي-اق كەدەن بەكەتىنىڭ باسشىسىنا نە ونى الماستىراتىن ادامعا قىزمەتتىك جازبانى جولدايدى. كەدەن بەكەتىنىڭ باسشىسى تاۋارلاردىڭ سىنامالارى مەن ۇلگىلەرىنىڭ ىرىكتەۋىن جۇرگىزۋدى تەكسەرىپ قاراۋ توبىنىڭ لاۋازىمدى ادامىنا تاپسىرادى.
تاۋارلاردىڭ سىنامالارى مەن ۇلگىلەرىنىڭ ىرىكتەۋى كودەكستىڭ 234–بابىنا سايكەس جۇرگىزىلەدى.
تاۋارلاردىڭ سىنامالارى مەن ۇلگىلەرىن ىرىكتەۋ ناتيجەلەرى بويىنشا «كەدەندىك قۇجاتتاردىڭ نىساندارى تۋرالى» كەدەن وداعى كوميسسياسىنىڭ 2010 جىلعى 20 مامىرداعى № 260 شەشىمىمەن (بۇدان ءارى – كەدەندىك قۇجاتتاردىڭ نىساندارى تۋرالى شەشىمى) بەلگىلەنگەن نىسان بويىنشا ءۇش دانادا اكتىنى جاسايدى:
اكتىنىڭ ءبىرىنشى داناسى كەدەن بەكەتىندە قالادى؛
ەكىنشى داناسى تاۋارلاردىڭ ىرىكتەلگەن سىنامالارى مەن ۇلگىلەرىمەن بىرگە كەدەندىك ساراپتامانى جۇرگىزۋگە ۋاكىلەتتى ۇيىمعا جولدانادى؛
ءۇشىنشى داناسى دەكلارانتقا، نەمەسە تاۋارلارعا قاتىستى وكىلەتتىككە يە وزگە ادامعا تابىس ەتۋگە (جولداۋعا) جاتادى.
كەدەندىك ساراپتامانىڭ ناتيجەلەرى بويىنشا كودەكستىڭ 232–بابىنا سايكەس كەدەندىك ساراپشىنىڭ (ساراپشىنىڭ) قورىتىندىسى بەرىلەدى.
5) مالىمدەلگەن تاۋارلار تۋرالى مالىمەتتەر زياتكەرلىك مەنشىك وبەكتىلەردىڭ كەدەندىك تىزىلىمىندەگى جانە ەۋرازيالىق ەكونوميكالىق وداعىنا مۇشە مەملەكەتتەردىڭ زياتكەرلىك مەنشىك وبەكتىلەردىڭ ءبىرىڭعاي كەدەندىك تىزىلىمىندەگى مالىمەتتەرگە، سونداي-اق مەملەكەتتىك كىرىستەر ورگاندارىنا زياتكەرلىك مەنشىك قۇقىقتارىنىڭ بۇزۋشىلىعى بار تاۋارلاردى انىقتاۋعا مۇمكىندىك بەرەتىن تاۋارلار تۋرالى قۇقىق يەلەردىڭ قوسىمشا مالىمەتتەرىنە سايكەستىگىن تەكسەرۋ.
زياتكەرلىك مەنشىك وبەكتىلەرىنىڭ قۇقىقتارىن قورعاۋ بويىنشا شارالاردى ۋاكىلەتتى لاۋازىمدى ادام كودەكستىڭ 53–تاراۋىنا سايكەس قابىلدايدى؛
6) تاۋارلاردىڭ كەدەندىك تەكسەرىپ قاراۋىن (قاراپ تەكسەرۋىن) جۇرگىزۋ.
26. تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدى جۇرگىزۋ كەزىندە ىسكە قوسىلعان تاۋەكەل بەيىندەرى بولماعان جاعدايدا ۋاكىلەتتى لاۋازىمدى ادام تاۋارلاردى كەدەندىك تازارتۋ كەزىندە وسى قاعيدانىڭ 2–تاراۋىنىڭ 2–پاراگرافىمەن ايقىندالعان قۇجاتتامالىق باقىلاۋدى جۇرگىزۋمەن شەكتەلەدى.
كەدەندىك تولەمدەردى جانە سالىقتاردى تولەۋ ماقساتى ءۇشىن ۋاكىلەتتى لاۋازىمدى ادام تولەۋشىنىڭ جەكە شوتىندا اقشانىڭ بولۋىنا تەكسەرۋدى جۇرگىزەدى.
27. قۇجاتتامالىق باقىلاۋدى جۇرگىزۋ ناتيجەلەرى بويىنشا، سونداي-اق تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدىڭ بۇزۋشىلىقتارى بولماعان كەزدە ۋاكىلەتتى لاۋازىمدى ادام وسى قاعيدانىڭ 2-تاراۋىنىڭ 5-پاراگرافىنا سايكەس تاۋارلاردى شىعارۋ تۋرالى شەشىمدى قابىلدايدى.

4-پاراگراف. تاۋارلاردىڭ كەدەندىك تەكسەرىپ قاراۋىن (قاراپ تەكسەرۋىن) جۇرگىزۋ كەزىندە مەملەكەتتىك كىرىستەر ورگانى لاۋازىمدى ادامنىنىڭ ءىس-قيمىلى
28. كەدەندىك تەكسەرىپ قاراۋ تاۋارلار ورامدارىنىڭ نەمەسە كولىك قۇرالىنىڭ جۇك تيەلەتىن جايلارىنىڭ نە ىدىستاردىڭ، كونتەينەرلەردىڭ جانە تاۋارلار ورنالاسقان نەمەسە ورنالاسۋى مۇمكىن وزگە ورىنداردى اشۋىمەن، ولارعا سالىنعان كەدەندىك سىنامالارىن نەمەسە سايكەستەندىرۋدىڭ وزگە قۇرالدارىن بۇزۋمەن، زەرتتەلەتىن وبەكتىلەردىڭ جانە ولاردىڭ بولىكتەرىنىڭ تۇتاستىعىن بولشەكتەۋمەن، دەمونتاجداۋمەن نەمەسە بۇزۋشىلىقپەن بايلانىستى كەدەن بەكەتىنىڭ لاۋازىمدى ادامىنىڭ (لاۋازىمدى ادامداردىڭ) ءىس-قيمىلى بولىپ تابىلادى.
كەدەندىك دەكلاراسيالاۋدىڭ كولەمىنە جانە شتات سانىنا بايلانىستى مەملەكەتتىك كىرىستەر ورگانى باسشىسىنىڭ شەشىمى بويىنشا كەدەندىك تەكسەرىپ قاراۋدى (قاراپ تەكسەرۋدى) جانە لاۋازىمدى (فۋنكسيونالدىق) مىندەتتەرىنە سايكەس كەدەندىك ساراپتامانى تاعايىنداۋ كەزىندە سىنامالار مەن ۇلگىلەردىڭ ىرىكتەۋىن جۇزەگە اسىرۋعا ۋاكىلەتتى لاۋازىمدى ادامى ايقىندالادى، نە ولاردىڭ لاۋازىمدى ادامدارى كەدەندىك تەكسەرىپ قاراۋدى (قاراپ تەكسەرۋدى) جانە كەدەندىك ساراپتامانى تاعايىنداۋ كەزىندە (بۇدان ءارى – تەكسەرىپ قاراۋ توبى) سىنامالار مەن ۇلگىلەردىڭ ىرىكتەۋىن جۇزەگە اسىراتىن مامانداندىرىلعان بولىمشە قۇرىلادى.
تاۋارلاردى كەدەندىك تازارتۋ كەزىندە تاۋارلاردىڭ كەدەندىك تەكسەرىپ قاراۋىن (قاراپ تەكسەرۋىن) تەكسەرىپ قاراۋ توبىنىڭ لاۋازىمدى ادامى جۇرگىزەدى.
تاۋارلاردىڭ كەدەندىك تەكسەرىپ قاراۋىن (قاراپ تەكسەرۋىن) جۇرگىزۋ جانە شىعارۋ مەرزىمىن ۇزارتۋ تۋرالى شەشىمدى كەدەن بەكەتىنىڭ باسشىسى نە ۋاكىلەتتى لاۋازىمدى ادامنىڭ قىزمەتتىك جازباسى نەگىزىندە ونى الماستىراتىن ادام قابىلدايدى.
كەدەن بەكەتىنىڭ باسشىسى نە ونى الماستىراتىن ادام كەدەندىك تەكسەرىپ قاراۋدى (قاراپ تەكسەرۋدى) جۇرگىزۋدى تەكسەرىپ قاراۋ توبىنىڭ لاۋازىمدى ادامىنا تاپسىرادى.
تەكسەرىپ قاراۋ توبىنىڭ لاۋازىمدى ادامى دەكلارانتتى نەمەسە تاۋارلارعا قاتىستى وكىلەتتىگىنە يە وزگە ادامدى دەكلارانت نەمەسە تاۋارلارعا قاتىستى وكىلەتتىگىنە يە وزگە ادام جۇرگىزەتىن كەدەندىك تەكسەرىپ قاراۋدىڭ (قاراپ تەكسەرۋدىڭ) ورنى مەن ۋاقىتى تۋرالى حابارلايدى.
تاۋارلاردى شىعارۋ مەرزىمى تاۋارلاردىڭ كەدەندىك تەكسەرىپ قاراۋى (قاراپ تەكسەرۋى) اياقتالعانعا دەيىن ۇزارتىلادى جانە كودەكستىڭ 297-بابىمەن بەلگىلەنگەن مەرزىمنىڭ شەگىنەن اسپاۋى ءتيىس.
ۋاكىلەتتى لاۋازىمدى ادامنىڭ جانە تەكسەرىپ قاراۋ توبىنىڭ لاۋازىمدى ادامىنىڭ تاۋارلاردى شىعارۋ مەرزىمىن ساقتاۋى ءۇشىن باقىلاۋدى كەدەن بەكەتىنىڭ باسشىسى جۇزەگە اسىرادى.
كەدەندىك تەكسەرىپ قاراۋدىڭ (قاراپ تەكسەرۋدىڭ) ناتيجەلەرى بويىنشا تەكسەرىپ قاراۋ توبىنىڭ لاۋازىمدى ادامى كەدەندىك قۇجاتتاردىڭ نىساندارى تۋرالى شەشىمىمەن بەلگىلەنگەن نىسان بويىنشا ەكى دانادا كەدەندىك تەكسەرىپ قاراۋدىڭ (قاراپ تەكسەرۋدىڭ) اكتىسىن جاسايدى، وعان قول قويادى جانە وسى قاعيدالارعا 3-قوسىمشاسىمەن كوزدەلگەن نىسان بويىنشا كەدەندىك تەكسەرىپ قاراۋدىڭ (قاراپ تەكسەرۋدىڭ) اكتىلەرىن تىركەۋ جۋرنالىندا تىركەيدى.
كەدەندىك تەكسەرىپ قاراۋدىڭ (قاراپ تەكسەرۋدىڭ) اكتىسىندە مىناداي مالىمەتتەر كورسەتىلەدى:
1) كەدەندىك تەكسەرىپ قاراۋدى (قاراپ تەكسەرۋدى) جۇرگىزەتىن لاۋازىمدى ادامدار جانە ونى وتكىزۋ كەزىندە قاتىسقان ادامدار تۋرالى؛
2) دەكلارانتتىڭ نەمەسە تاۋارلارعا قاتىستى وكىلەتتىگىنە يە وزگە ادام بولماعاندا كەدەندىك تەكسەرىپ قاراۋدى (قاراپ تەكسەرۋدى) جۇرگىزۋ سەبەپتەرى؛
3) كەدەندىك تەكسەرىپ قاراۋدىڭ (قاراپ تەكسەرۋدىڭ) ناتيجەلەرى؛
4) كەدەندىك قۇجاتتاردىڭ نىساندارى تۋرالى شەشىمىمەن كوزدەلگەن وزگە مالىمەتتەردى.
كەدەندىك تەكسەرىپ قاراۋدى (قاراپ تەكسەرۋدى) جۇرگىزۋدە قۇقىق قورعاۋ جانە (نەمەسە) وزگە مەملەكەتتىك ورگانداردىڭ جانە (نەمەسە) قوعامدىق ۇيىمداردىڭ لاۋازىمدى ادامدارى قاتىسقان كەزدە كەدەندىك تەكسەرىپ قاراۋ (قاراپ تەكسەرۋ) اكتىسىندە كەدەندىك تەكسەرىپ قاراۋدى (قاراپ تەكسەرۋدى) جۇرگىزۋگە قاتىسقان ادامدار تۋرالى مالىمەتتەر، جانە ونى وتكىزۋدىڭ ءمان-جايلارى كورسەتىلەدى، سونداي-اق تەكسەرىپ قاراۋ توبىنىڭ لاۋازىمدى ادامدارى مۇنداي اكتىنىڭ كوشىرمەسىن كورسەتىلگەن ادامدارعا تانىسۋ ءۇشىن قول قويۋمەن تابىس ەتەدى. كەدەندىك تەكسەرىپ قاراۋدى (قاراپ تەكسەرۋدى) جۇرگىزۋگە قاتىسقان قۇقىق قورعاۋ جانە (نەمەسە) وزگە مەملەكەتتىك ورگانداردىڭ لاۋازىمدى ادامدارى كەدەندىك تەكسەرىپ قاراۋ (قاراپ تەكسەرۋ) اكتىنىڭ كوشىرمەسىن الۋدان باس تارتقان جاعدايدا، كەدەندىك تەكسەرىپ قاراۋ (قاراپ تەكسەرۋ) اكتىدە تەكسەرىپ قاراۋ توبىنىڭ لاۋازىمدى ادامدارىنىڭ قولىمەن جانە جەكە نومىرلىك ءمورىنىڭ بەدەرلەرىمەن كۋالاندىرىلاتىن ءتيىستى جازبا جاسالادى.
كەدەندىك تەكسەرىپ قاراۋ (قاراپ تەكسەرۋ) اكتىنىڭ ءبىرىنشى داناسىن تەكسەرىپ قاراۋ توبىنىڭ لاۋازىمدى ادامى تاۋارلاردى شىعارۋ ءۇشىن جاۋاپتى ۋاكىلەتتى لاۋازىمدى ادامعا تابىس ەتەدى.
كەدەندىك تەكسەرىپ قاراۋ (قاراپ تەكسەرۋ) اكتىنىڭ ەكىنشى داناسىن بۇزۋشىلىق انىقتالعان جاعدايدا جانە ونىڭ تالابى بويىنشا دەكلارانتقا نەمەسە تاۋارلارعا قاتىستى وكىلەتتىگىنە يە وزگە ادامعا تابىس ەتىلەدى (جولدانادى).
كەدەندىك تەكسەرىپ قاراۋ (قاراپ تەكسەرۋ) كەزىندە اكىمشىلىك قۇقىق بۇزۋشىلىق انىقتالعان جاعدايدا تەكسەرىپ قاراۋ توبىنىڭ لاۋازىمدى ادامى اكىمشىلىك قۇقىق بۇزۋشىلىق تۋرالى قازاقستان رەسپۋبليكاسىنىڭ كودەكسىنە سايكەس شارالار قابىلدايدى. قىلمىستىق قۇقىق بۇزۋشىلىقتاردىڭ بەلگىلەرى بار بۇزۋشىلىقتار انىقتالعان كەزدە مۇنداي بۇزۋشىلىقتار تۋرالى اقپاراتتى مەملەكەتتىك كىرىستەر ورگانىنىڭ جەدەل-تەرگەۋ بولىمشەسىنە (ەكونوميكالىق تەرگەۋ قىزمەتى) بەرۋ بويىنشا شارالار قابىلدانادى.

5-پاراگراف. ۋاكىلەتتى لاۋازىمدى ادامنىڭ تاۋارلاردى شىعارۋ، شىعارۋدى توقتاتا تۇرۋ نە شىعارۋدان باس تارتۋ تۋرالى شەشىمدى قابىلداۋ كەزىندەگى ءىس — قيمىلى
29. وسى قاعيدالاردىڭ 2-تاراۋىنىڭ 1، 2، 3–پاراگرافتارىمەن كوزدەلگەن ءىس-قيمىلداردى جۇرگىزگەننەن كەيىن، سونداي-اق قۇجاتتامالىق باقىلاۋ جانە تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدى جۇرگىزۋ ناتيجەلەرى بويىنشا بۇزۋشىلىقتار بولماعان كەزدە ۋاكىلەتتى لاۋازىمدى ادام كودەكستىڭ 296-بابىنا سايكەس تاۋارلاردىڭ شىعارۋىن جۇزەگە اسىرادى.
30. تاۋارلاردىڭ شىعارىلۋىن كودەكستىڭ 297–بابىمەن بەلگىلەنگەن مەرزىمدە ۋاكىلەتتى لاۋازىمدى ادام جۇزەگە اسىرادى.
بۇل رەتتە، جەكەلەگەن كەدەندىك راسىمدەرگە قاتىستى، سونداي-اق كەدەندىك دەكلاراسيالاۋدىڭ ەرەكشەلىگىن جانە تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدىڭ نىساندارىن قولدانۋعا بايلانىستى، تاۋارلاردىڭ شىعارىلۋىن ۋاكىلەتتى لاۋازىمدى ادامى مىناداي مەرزىمدە جۇرگىزەدى:
1) تاۋارلاردى ىشكى تۇتىنۋ ءۇشىن شىعارۋ كەدەندىك راسىمىمەن ورنالاستىرعان كەزدە:
تاۋارلاردىڭ 1–دەن 10–عا دەيىنگى اتاۋىن دەكلاراسيالاۋ كەزىندە تد تىركەۋ ساتىنەن باستاپ جۇمىس ۋاقىتىنىڭ التى ساعاتىنان كەشىكتىرمەي؛
تاۋارلاردىڭ 11–دەن 50–گە دەيىنگى اتاۋىن دەكلاراسيالاۋ كەزىندە تد تىركەۋ ساتىنەن باستاپ جۇمىس ۋاقىتىنىڭ ون ساعاتىنان كەشىكتىرمەي؛
تاۋارلاردىڭ 51–دەن جانە ودان جوعارى اتاۋىن دەكلاراسيالاۋ كەزىندە تد تىركەۋ ساتىنەن باستاپ جۇمىس ۋاقىتىنىڭ ون ەكى ساعاتىنان كەشىكتىرمەي؛
تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدى جۇرگىزگەن كەزدە – تد تىركەۋ ساتىنەن باستاپ جۇمىس ۋاقىتىنىڭ ون التى ساعاتىنان كەشىكتىرمەي؛
2) تاۋارلاردى ەكسپورت، ۋاقىتشا شىعارۋ كەدەندىك راسىمىمەن ورنالاستىرۋ كەزىندە:
تد تىركەۋ ساتىنەن باستاپ جۇمىس ۋاقىتىنىڭ ەكى ساعاتىنان كەشىكتىرمەي؛
تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدى جۇرگىزگەن كەزدە – تد تىركەۋ ساتىنەن باستاپ جۇمىس ۋاقىتىنىڭ ءتورت ساعاتىنان كەشىكتىرمەي؛
3) تاۋارلاردى الدىن الا كەدەندىك دەكلاراسيالاۋ كەزىندە:
تد تىركەگەن اۋماقتىق مەملەكەتتىك كىرىستەر ورگانىنا ۇسىنۋ ساتىنەن باستاپ جۇمىس ۋاقىتىنىڭ ەكى ساعاتىنان كەشىكتىرمەي؛
تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدى جۇرگىزگەن كەزدە – تد تىركەگەن ۋاكىلەتتى لاۋازىمدى ادامعا تاۋارلاردى ۇسىنۋ ساتىنەن باستاپ جۇمىس ۋاقىتىنىڭ ون التى ساعاتىنان كەشىكتىرمەي؛
4) تاۋارلاردى تولىق كەدەندىك دەكلاراسيالاماۋ كەزىندە:
تولىق ەمەس تد-نى تىركەۋ ساتىنەن باستاپ جۇمىس ۋاقىتىنىڭ ءتورت ساعاتىنان كەشىكتىرمەي. كورسەتىلگەن مەرزىم ولاردىڭ ساندىق جانە ساپالىق سيپاتتامالارىنىڭ جيىنتىعى بويىنشا تاۋارلاردىڭ سايكەستەندىرۋىن جۇرگىزۋ ءۇشىن قاجەتتى ۋاقىتتى قوسادى؛
تولىق تد-نى تىركەۋ ساتىنەن باستاپ جۇمىس ۋاقىتىنىڭ ەكى ساعاتىنان كەشىكتىرمەي؛
5) تاۋارلاردى مەرزىمدىك كەدەندىك دەكلاراسيالاۋ كەزىندە:
مەرزىمدىك تد تىركەۋ ساتىنەن باستاپ جۇمىس ۋاقىتىنىڭ ەكى ساعاتىنان كەشىكتىرمەي؛
تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدى جۇرگىزگەن كەزدە – مەرزىمدىك تد تىركەۋ ساتىنەن باستاپ جۇمىس ۋاقىتىنىڭ ءتورت ساعاتىنان كەشىكتىرمەي؛
تولىق تد تىركەۋ ساتىنەن باستاپ جۇمىس ۋاقىتىنىڭ ەكى ساعاتىنان كەشىكتىرمەي؛
6) تاۋارلاردى ۋاقىتشا كەدەندىك دەكلاراسيالاۋ كەزىندە:
ۋاقىتشا/تولىق تد تىركەۋ ساتىنەن باستاپ جۇمىس ۋاقىتىنىڭ ءتورت ساعاتىنان كەشىكتىرمەي؛
تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدى جۇرگىزگەن كەزدە – ۋاقىتشا تد تىركەۋ ساتىنەن باستاپ جۇمىس ۋاقىتىنىڭ سەگىز ساعاتىنان كەشىكتىرمەي؛
7) بەلگىلەنگەن ۋاقىت كەزەڭى ىشىندە وتكىزىلگەن جينالماعان نەمەسە بولشەكتەلگەن تۇردەگى، ونىڭ ىشىندە جيىنتىقتالماعان نەمەسە جاسالىپ بىتپەگەن تۇردەگى تاۋارلاردى كەدەندىك دەكلاراسيالاۋ كەزىندە:
جينالماعان نەمەسە بولشەكتەلگەن تۇردەگى، ونىڭ ىشىندە جيىنتىقتالماعان نەمەسە جاسالىپ بىتپەگەن تۇردەگى تاۋارلار قۇرامداستارىنىڭ ءاربىر جەكە جەتكىزىلۋىنە ارنالعان تد تىركەۋ ساتىنەن باستاپ جۇمىس ۋاقىتىنىڭ ەكى ساعاتىنان كەشىكتىرمەي؛
تاۋەكەلدەردى باسقارۋ جۇيەسىن پايدالانۋمەن كەدەندىك باقىلاۋدى جۇرگىزگەن كەزدە – جينالماعان نەمەسە بولشەكتەلگەن تۇردەگى، ونىڭ ىشىندە جيىنتىقتالماعان نەمەسە جاسالىپ بىتپەگەن تۇردەگى تاۋارلار قۇرامداستارىنىڭ ءاربىر جەكە جەتكىزىلۋىنە ارنالعان تد تىركەۋ ساتىنەن باستاپ جۇمىس ۋاقىتىنىڭ سەگىز ساعاتىنان كەشىكتىرمەي؛
تولىق تد تىركەۋ ساتىنەن باستاپ جۇمىس ۋاقىتىنىڭ ەكى ساعاتىنان كەشىكتىرمەي.
31. ولار بويىنشا شىعارۋ مەرزىمى كەدەندىك باقىلاۋ نىسانىن جۇرگىزۋ نەمەسە اياقتاۋ ءۇشىن قاجەتتى ۋاقىتقا ۇزارتىلعان تاۋارلاردىڭ شىعارۋىن ۋاكىلەتتى لاۋازىمدى ادام مىناداي مەرزىمدەردە جۇرگىزەدى:
كودەكستىڭ 78–بابىنىڭ 9–تارماعىنا سايكەس قوسىمشا قۇجاتتارعا سۇراۋ سالۋ جانە دەكلارانت كودەكستىڭ 297–بابىمەن بەلگىلەنگەن مەرزىمدە سۇراۋ سالعان قوسىمشا قۇجاتتاردى ۇسىنباعان كەزدە – كەدەن ورگاندارى ولارعا تىيىم سالۋلار مەن شەكتەۋلەر قولدانىلۋى مۇمكىن جانە دەكلارانت ولاردىڭ ساقتالۋىن راستايتىن دالەلدەمەلەردى ۇسىنباعان تاۋارلاردى قوسپاعاندا، تاۋارلاردى جىكتەۋ بويىنشا شەشىمدى قابىلداۋ ناتيجەسى بويىنشا قوسىمشا ەسەپتەلۋى مۇمكىن سوما بويىنشا ساناعان كەدەندىك باجداردىڭ، سالىقتاردىڭ تولەنۋىن قامتاماسىز ەتۋدى ۇسىنعاننان كەيىن دەرەۋ؛
كودەكستىڭ 112–بابىنا سايكەس قوسىمشا تەكسەرۋ جۇرگىزگەن كەزدە – ولارعا تىيىم سالۋلار مەن شەكتەۋلەر قولدانىلۋى مۇمكىن جانە دەكلارانت ولاردىڭ ساقتالۋىن راستايتىن دالەلدەمەلەردى ۇسىنباعان تاۋارلاردى قوسپاعاندا، قوسىمشا ەسەپتەلۋى مۇمكىن كەدەندىك باجداردىڭ، سالىقتاردىڭ تولەنۋىن قامتاماسىز ەتۋدىڭ ۇسىنۋىن راستايتىن قۇجاتتاردى العاننان كەيىن دەرەۋ؛
تاۋارلارعا كەدەندىك تەكسەرىپ قاراۋ (قاراپ تەكسەرۋ) جۇرگىزگەن كەزدە – قازاقستان رەسپۋبليكاسىنىڭ زاڭناماسىنا سايكەس تاۋارلاردى الۋ جانە تىيىم سالۋ جاعدايلارىن قوسپاعاندا، ونىڭ اياقتالۋىنا قاراي؛
تاۋارلاردىڭ سىنامالارى مەن ۇلگىلەرىن، ەگجەي-تەگجەيلى تەحنيكالىق قۇجاتتامانى زەرتتەۋ نەمەسە تد-دا نەمەسە وزگە قۇجاتتاردا كورسەتىلگەن مالىمەتتەردىڭ دۇرىستىعىن تەكسەرۋ ماقساتىمەن ساراپتاما جۇرگىزۋ قاجەتتىلىگى كەزىندە – ولارعا تىيىم سالۋلار مەن شەكتەۋلەر قولدانىلۋى مۇمكىن جانە دەكلارانت ولاردىڭ ساقتالۋىن راستايتىن دالەلدەمەلەردى ۇسىنباعان تاۋارلاردى قوسپاعاندا، قوسىمشا ەسەپتەلۋى مۇمكىن كەدەندىك باجداردىڭ، سالىقتاردىڭ تولەنۋىن قامتاماسىز ەتۋىن ۇسىنعاننان كەيىن دەرەۋ.
32. كودەكستىڭ 440، 441-باپتارىنا سايكەس تاۋارلاردىڭ شىعارىلۋىن توقتاتا تۇرۋ تۋرالى شەشىمدى تەك زياتكەرلىك مەنشىك وبەكتىلەرى بار تاۋارلار بويىنشا عانا مەملەكەتتىك كىرىستەر ورگانى قابىلدايدى.
ۋاكىلەتتى لاۋازىمدى ادام تاۋارلاردى توقتاتا تۇرۋ نەمەسە شىعارۋ تۋرالى شەشىمدى قابىلداعان كەزدە مىناداي ارەكەتتەردى ورىندايدى:
ول بويىنشا شىعارۋدى توقتاتا تۇرۋ تۋرالى شەشىم قابىلدانعان تاۋارلارعا قاتىستى تد-داعى 3-نومىرىمەن «س» باعانىندا مۇنداي توقتاتا تۇرۋ تۋرالى مالىمەت كورسەتىلەدى. ولاردى ءبىر تد-مەن دەكلاراسيالاعان جاعدايدا، قالعان تاۋارلاردى شىعارۋ كودەكسكە جانە وسى قاعيدالارعا سايكەس جۇزەگە اسىرىلادى. بۇل رەتتە، تد-نىڭ نەگىزگى پاراعىندا ۋاكىلەتتى لاۋازىمدى ادامنىڭ قولىمەن جانە ونىڭ جەكە نومىرلىك ءمور بەدەرىمەن كۋالاندىرىلاتىن «№ ____ تاۋارلاردى قوسپاعاندا» دەگەن جازبامەن «شىعارۋعا رۇقسات بەرىلدى» دەگەن ءمورتابانى قويىلادى. كورسەتىلگەن مالىمەتتەر تد ەلەكتروندىق كوشىرمەسىنە «كەدەندىك دەكلاراسيالاردى تولتىرۋ ءۇشىن پايدالانىلاتىن جىكتەۋىشتەر تۋرالى» كەدەن وداعى كوميسسياسىنىڭ 2010 جىلعى 20 قىركۇيەكتەگى № 378 شەشىمىمەن بەكىتىلگەن جىكتەۋىش شەشىمىنە سايكەس قابىلدانعان شەشىمنىڭ كودىن قويا وتىرىپ، ەنگىزىلەدى.
33. تاۋارلاردى شىعارۋ تۋرالى شەشىم قابىلدانعاننان كەيىن ۋاكىلەتتى لاۋازىمدى ادام ونىڭ تد داناسىن بەرەدى.
34. تاۋارلاردى شارتتى تۇردە شىعارۋ تۋرالى شەشىم قابىلدانعان جاعدايدا ۋاكىلەتتى لاۋازىمدى ادام تد-نىڭ تىركەۋ ءنومىرى تۋرالى اقپاراتتى تاۋارلار شىعارىلعاننان كەيىن كەدەندىك باقىلاۋدى جۇزەگە اسىرۋ ءۇشىن مەملەكەتتىك كىرىستەر ورگانىنىڭ ۋاكىلەتتى بولىمشەسىنە بەرەدى.
35. كودەكستىڭ 296–بابىندا كورسەتىلگەن تاۋارلاردى شىعارۋ شارتتارىن ساقتاماعان كەزدە ۋاكىلەتتى لاۋازىمدى ادام كودەكستىڭ 297–بابىمەن بەلگىلەنگەن تاۋارلاردى شىعارۋدىڭ شەكتى مەرزىمىنىڭ وتۋىنەن كەشىكتىرمەي تاۋارلارعا ارنالعان دەكلاراسيانى تىركەۋ، تىركەۋدەن باس تارتۋ جانە تاۋارلاردى شىعارۋدان باس تارتۋدى رەسىمدەۋ تارتىبىنە سايكەس تاۋارلاردى شىعارۋدان باس تارتادى.
ۋاكىلەتتى لاۋازىمدى ادام مىناداي جاعدايلاردا دا تاۋارلاردى شىعارۋدان باس تارتادى:
ەگەر تاۋارلارعا قاتىستى كودەكستىڭ 297–بابىنىڭ 1–تارماعىمەن بەلگىلەنگەن تاۋارلاردى شىعارۋ مەرزىمىنىڭ وتۋىنەن كەشىكتىرمەي كەدەندىك باجدار، سالىقتار تولەنبەسە نە كودەكسكە سايكەس ولاردىڭ تولەنۋىن قامتاماسىز ەتۋ ۇسىنىلماسا؛
ەگەر مەرزىمدىك كەدەندىك دەكلاراسيالاۋ كەزىندە اكەلىنەتىن تاۋارلار مەملەكەتتىك كىرىستەر ورگانىنا ۇسىنىلماسا؛
ەگەر مەرزىمدىك كەدەندىك دەكلاراسيالاۋ كەزىندە اكەلۋگە جاتاتىن تاۋارلار كەدەن وداعىنىڭ كەدەندىك اۋماعىنا كودەكستىڭ 293–بابىمەن بەلگىلەنگەن مەرزىم ىشىندە اكەلىنبەسە.
36. تاۋارلاردى شىعارۋ، شىعارۋدى توقتاتا تۇرۋ نە شىعارۋدان باس تارتۋ تۋرالى شەشىمدى ۋاكىلەتتى لاۋازىمدى ادام تد تولتىرۋ جونىندەگى نۇسقاۋلىقتا بەلگىلەنگەن تارتىپتە ءمورتابان قويۋ مەن تد «س» جانە «D» باعاندارىنا ءتيىستى جازبالاردى ەنگىزۋ جولىمەن، سونداي-اق مەملەكەتتىك كىرىستەر ورگانىنىڭ اقپاراتتىق جۇيەسىنە ءتيىستى مالىمەتتەردى ەنگىزۋ جولىمەن قابىلدايدى.
37. ەگەر تد-دا مالىمدەلگەن جەكە تاۋارلارعا قاتىستى تاۋارلاردى شىعارۋ ءۇشىن شارتتار ساقتالماعان جاعدايدا، ۋاكىلەتتى لاۋازىمدى ادام مۇنداي تاۋارلاردى شىعارۋدان باس تارتادى.
بۇل رەتتە ۋاكىلەتتى لاۋازىمدى ادام كورسەتىلگەن تاۋارلار تۋرالى مالىمەتتەر مالىمدەلگەن تد نەگى