قازاقستان پرەزيدەنتى جانىنداعى ايەلدەر ىستەرى جانە جونىندەگى ۇلتتىق كوميسسيا وكىلدەرى جۇمىس ساپارىمەن ماڭعىستاۋ وبلىسىندا بولدى.
ۇلتتىق كوميسسيانىڭ وكىلدەرى الدىمەن «ساياساتقا جانە جەرگىلىكتى ءوزىن ءوزى باسقارۋ ماسەلەلەرىنە كەشەندى كوزقاراس پرينسيپتەرى» سەمينارىنا قاتىستى. اقتاۋ قالاسى سەمينار وتكىزۋ ورنىنا كەزدەيسوق تاڭدالعان جوق. مۇندا گەندەرلىك تەڭدىك پرينسيپتەرى ءبىرىنشى ورىندا تۇرادى. بۇل رەسپۋبليكا بويىنشا جەتى ايەل اكىم ورىنباسارلارىنىڭ ەكەۋى ماڭعىستاۋ ءوڭىرى باسشىسىنىڭ ورىنباسارلارى بولىپ جۇمىس ىستەيتىنىن دالەلدەيدى. مۇنى قوناقتار دا اتاپ ءوتتى.
شىعىپ سويلەۋشىلەر اتاپ وتكەندەي، 2014 جىلدىڭ 4 جەلتوقسانىندا قازاقستان پرەزيدەنتىنىڭ جارلىعىمەن ايەلدەر ىستەرى جانە وتباسىلىق-دەموگرافيالىق ساياسات ءجونىندەگى ۇلتتىق كوميسسيا قۇرامىنا وزگەرىستەر ەنگىزىلدى، سوعان وراي ونىڭ قۇرامى ساپالىق جاعىنان وزگەرءدى.
«ماڭعىستاۋ وبلىسىنىڭ مۇددەسىن قاراستىراتىن سەنات جانە ءماجىلىس دەپۋتاتتارىمەن جۇمىس ىستەيمىز. ولاردىڭ ءوڭىردىڭ دامۋىنا دا، ەلىءمىزدىڭ زاڭ شىعارۋ بازاسىنىڭ قالىپتاسۋىنا دا ۇلكەن ۇلەس قوساتىنىن بىلەءمىز. مەملەكەت باسشىسى ۇلتتىق كوميسسيانىڭ باستى ءمىندەتىنىڭ ەلدەگى وتباسىلىق-دەموگرافيالىق ساياساتتى قالىپتاستىرۋ جونىندەگى جۇمىستاردى جولعا قويۋ، وتباسى ينستيتۋتىن جانە شەشىمدەر قابىلداۋ دەڭگەيىندە ايەلدەر قوزعالىسىن نىعايتۋ ەكەندىگىن انىقتاپ بەردى. شەشىمدەر قابىلداۋ دەڭگەيىندە دايارلانعان ايەلدەر قانشالىقتى كوپ ەڭبەك ەتسە، ول شەشىمدەردىڭ سونشالىق ساپالى بولاتىنىنا سەنىمدىمىن»، – دەدى پارلامەنت ءماجىلىسىنىڭ دەپۋتاتى ەلەنا تاراسەنكو.
گەندەرلىك تەڭدىك ستراتەگياسى گەندەرلىك دامۋ بويىنشا ەڭ ماڭىزدى مىندەتتەردى انىقتاپ بەردى جانە گەندەرلىك ساياساتتىڭ ءوزىنىڭ ءمانى – ەر ادامدارعا دا، ايەلدەرگە دە ساياسي-ەكونوميكالىق سالاعا قاتىسۋعا تەڭ مۇمكىندىكتەر بەرۋ. ول وتباسىنداعى تەڭدىك، وتباسى ينستيتۋتىن، وتباسىلىق قارىم-قاتىناستاردى دامىتۋ مەن قولداۋ كورسەتۋ سياقتى پوزيسيالاردى قاراستىرادى. «وعان، سونداي-اق، قازاقستان تالپىنىس جاسايتىن نەگىزگى پارامەترلەر قويىلعان. پارلامەنتتەگى ايەلدەردىڭ وكىلدىگى بويىنشا، ماسەلەن، ماجىلىستە 27 ايەل بار، كورسەتكىشتەر جامان ەمەس. دەگەنمەن، ءبىز وڭىرلەردەگى كورسەتكىشتەر ءۇشىن جۇمىس ىستەۋىمىز قاجەت. ءبىزدىڭ مىندەتىمىز – كەڭەستەر بەرۋ، جۇمىستى اۋىلدار مەن اۋدانداردا جۇرگءىزۋ قاجەت ەكەندىگىنە نازارلارىڭىزدى اۋدارۋ»، – دەپ اتاپ ءوتتى ءلاززات سۇلەيمەن.
ماڭعىستاۋ وبلىسى اكىمىءنىڭ ورىنباسارى بانۋ نۇرعازييەۆا گەندەرلىك تەڭدىك ستراتەگياسىنىڭ شەشىمدەر قابىلداۋىنىڭ بارلىق دەڭگەيلەرىندە ايەلدەردىڭ 30 پايىزدىق وكىلدەرىنىڭ قول جەتكىزۋ قاجەتتىلىگىنە توقتالدى. «ەگەر وبلىس اكىمى دەڭگەيىندە بىزدە ەكى ايەل اكىم ورىنباسارى بولسا، وندا اۋىلدىق وكرۋگتەر دەڭگەيىندە ماقتانا المايمىز. ءبىزدىڭ اۋىلدىق وكرۋگتە اكىم بار، ءبىر عانا ايەل. مۇنداي قىزمەتتەردە تابىستى، بەلسەندى ايەلدەر وتىراتىن بولسا، وندا كوپ نارسەنىڭ وزگەرەتىنىنە مەن سەنىمدىمىن»، – دەدى ول.
ايەلدەر ىستەرى جانە وتباسىلىق-دەموگرافيالىق ساياسات جونىندەگى وڭىرلىك كوميسسيا وتىرىسىنا قاتىسار الدىندا قوناقتار كورمە-جارمەڭكەدە بولدى. سولاردىڭ ءبىرى – مارينا جيركوۆا.
– «دالاكوش» شوكولاد شەبەرحاناسى جۋىردا عانا اشىلدى. ءبىز ەڭ ءدامدى كولۋمبيالىق شوكولادتان ءتۇرلى ءمۇسىندەر جاسايمىز. ودان نە كەرەكءتىڭ بارلىعىن جاساۋعا بولادى، – دەدى ول. شىندىعىندا، سورەدە شوكولادتان ايەلدەر ءتۋفليى، ساندىقشا، مۋلتفيلمدەردىڭ، ەرتەگىلەردىڭ ءۇزىندىلەرى تۇرىندەگى قولدان جاسالعان مۇسىندەر بار. مۇنداي مۇسىندەردى جاساۋعا شامامەن – ءبىر جارىم، ال كىشكەنتايلارىنا جارتى ساعاتتاي ۋاقىت كەتەدى ەكەن. شەبەرحانالارى شاعىن. جاقىندا اقتاۋدا دۇڭگىرشەك اشۋدى جوسپارلاپ وتىر.
تاتيانا پۋگاچيەۆا – «اقتاۋءسۇت» ءسۇت زاۋىتىنىڭ كوممەرسيالىق ديرەكتورى. وسىنداي قىزمەتىنە قاراماستان، ول سۇيىكءتى ءىسى – كيىز باسۋمەن اينالىسۋعا ۋاقىت تابادى ەكەن. «ماعان ماسكەۋدەن تاپسىرىس كەلدى. ولاردىڭ ءوزدەرىندە شەبەرلىگىمدى جەءتىلدىرۋ ءۇشىن مەن ۇيرەنەتىن، شەبەرلىك-ساباقتار ساتىپ الاتىن قانشاما شەبەرلەر بار عوي، ءبىراق تاپسىرىس بەرۋشىلەردىڭ مەنى قالاعانىنا تاڭمىن»، – دەيدى ول.
وڭىردە ايەلدەر كاءسىپكەرلىگىن دامىتۋدىڭ بولاشاعى جايلى وبلىستىق كاسىپكەرلىك جانە ساۋدا باسقارماسىنىڭ جەتەكشىسى ۆەنەرا مۇستاپايەۆا ايتىپ بەردى. «وبلىستا ايەلدەر كاسىپكەرلىگىنە قولداۋ كورسەتەتىن ورگاندار مەن ۇيىمداردىڭ تولىق جۇيەسى قالىپتاستى، جەكە كاسىپورىن اشۋعا تالپىناتىن ايەلدەرگە كومەك كورسەتەتىن ۇەۇ-لار سانى ءوسىپ كەلەدى. ولار اقپاراتتار ۇسىنادى، ساباقتار ءجۇرگىزەدى، نەسيەلەندىرۋ بارىسىندا كومەكتەسەدى. وڭىردە ماڭعىستاۋ ىسكەر ايەلدەر كلۋبى، ايەلدەر كوشباسشىلىق مەكتەبى بەلسەندى جۇمىس ىستەيدى، «اتامەكەن» وڭىرلىك پالاتاسى جانىنان ىسكەر كاسىپكەر ايەلدەر كەڭەسى قۇرىلدى»، – دەدى ۆ.مۇستاپايەۆا.
ستاتيستيكا بويىنشا، ءبۇگىندە ماڭعىستاۋ وبلىسى – بالا تۋۋ بويىنشا كوشباسشى. حالىق سانىنىڭ ءوسۋ قارقىنى جاعىنان الماتىدان كەيىنگى ەكىنشى ورىندا تۇر. ءوڭىر تۇرعىندارىنىڭ 50 پايىزدان استامىن ايەلدەر قۇرايدى.
بۇدان كەيىن سەمينارعا قاتىسۋشىلار ءتۇپقاراعان اۋدانىندا بولىپ، ايەلدەرمەن كەزدەستى. كاسىپكەر ايەلدەردىڭ ءبىرى – اقشۇقىر اۋىلىنىڭ دارىگەرى ءتاجىحان يزتۇروۆا: «ءبىر كەزدەرى اقشۇقىر كەڭشارى بولعان، ول تاراعان كەزدە جەر تەلىمىن ءدارىگەرلەر دە، مۇعالىمدەر دە الدى. مەن ونىمەن شىنداپ اينالىسۋدى شەشتىم، ءسويتتىم دە مال باعۋعا كىرىستىم»، – دەدى.
سونداي-اق، ولار تاراس شيەۆچەنكو مۇراجايىندا بولىپ، اقىننىڭ شىعارمالارىمەن تانىستى.
دەرەككوز: "ەگەمەن قازاقستان" گازەتى
