2 قازان ءتۇپقاراعاي اۋدانىنداعى سايىن شاپاعاتوۆ اۋىلىندا ۇزىندىعى 19 702 مەتر اۇتاۋ-اقشۇقىر-سايىن ماگيسترالدى سۋ قۇبىرى پايدالانۋعا بەرىلدى. قۇنى 761 ملن. تەڭگە بولاتىن ماگيسترال جوباسىنىڭ قۇرىلىسى 2014 جىلدىڭ ماۋسىم ايىندا باستالعان بولاتىن. ەلدى مەكەندە “اق بۇلاق” مەملەكەتتىك باعدارلاماسىنىڭ اياسىندا سۋ قۇبىرىنان باسقا اۋىز سۋعا ارنالعان رەزەرۆۋار سالىندى جانە اۋىل ىشىندە سۋ قۇبىرى تارتىلدى. بۇل ماقساتتارعا 1 ملرد. 451 ملن. تەڭگە قاراجات جۇمسالدى.
– بۇگىن ءبىز سايىن شاپاعاتوۆ اۋىلىنىڭ بارلىق تۇرعىندارى ءۇشىن ماڭىزدى وقيعانىڭ كۋاسى بولىپ وتىرمىز. ماگيسترالدى سۋ قۇبىرى مەن اۋىز سۋدى ساقتاۋعا ارنالعان رەزەرۆۋار پايدالانۋعا بەرىلىپ وتىر. ۇزىندىعى 74 296 مەتر بولاتىن اۋىل ىشىلىك سۋ قۇبىرى سالىندى. ماگيسترالدى سۋ قۇبىرى سايىن شاپاعاتوۆ اۋىلى تۇرعىندارىن ساپالى اۋىز سۋمەن قامتاماسىز ەتە وتىرىپ، ءومىر ءسۇرۋدى قامتيتىن ينفراقۇلىلىممەن دە جالعاستىردى، – دەپ اتاپ كورسەتتى ماڭعىستاۋ وبلىسىنىڭ اكىمى اليك ايداربايەۆ.ءدال وسى كۇنى قىزىلوزەن اۋىلى مەن فورت-شيەۆچەنكو قالاسىندا 50 جانە 140 ورىندىق بالاباقشالار بالدىرعاندارعا ءوز ەسىگىن اشتى.
قىزىلوزەن اۋىلىنداعى “تولاعاي” مەكتەپكە دەيىنگى مەكەمەسىنىڭ قۇرىلىسىنا جەرگىلىكتى بيۋدجەتتەن 137 ملن. 769 مىڭ تەڭگە باعىتتالدى. ونىڭ قۇرىلىسى 2014 جىلدىڭ تامىز ايىندا باستالعان بولاتىن. سالتاناتتى لەنتانى اۋىل اقساقالدارى كەڭەسىنىڭ ءتوراعاسى، ارداگەر ۇستاز نۇرلىباي تولەماعامبەتوۆ پەن ماڭعىستاۋ ءوبلىسىنىى اكىمى اليك ايداربايەۆ كەستى.
فورت-شيەۆچەنكو قالاسىندا پايدالانۋعا بەرىلگەن 140 ورىندىق “الپامىس” بالاباقشاسى دا “بالاپان” مەملەكەتتىك باعدارلاماسى اياسىندا سالىندى. بۇل ماقساتتارعا جەرگىلىكتى بيۋدجەتتەن 259 ملن. 553 مىڭ تەڭگە قاراجات ءبولىندى.
ءتۇپقاراعاي اۋدانىنداعى مەكتەپ جاسىنا دەيىنگى 1452 بالاعا ءبىلىم بەرۋ جانە ولاردىڭ تاربيەسىمەن 13 بالاباقشا اينالىسادى. ولاردىڭ ىشىندە 10-ى مەملەكەتتىك، ال 3ء-ى جەكە مەنشىك بالاباقشالار. بۇگىنگى تاڭدا اۋدانداعى 3 پەن 6 جاس ارالىعىنداعى بالالاردىڭ بالاباقشامەن قامتىلۋى 86،19% قۇرايدى.
سونىمەن قاتار، ماڭعىستاۋ وبلىسىنىڭ اكىمى اليك ايداربايەۆ باۋتينو اۋىلىندا «كاسپيان وففشور كونستراكشن» كومپانياسىنىڭ (“سوس”) كەڭسە عيماراتىن اشۋ سالتاناتىنا قاتىستى. كومپانيانىڭ جاڭا عيماراتىندا اكىمشىلىك كەڭسە، 32 ادامدىق جاتاقحانا، اسحانا، شاعىن سپورت زالى ورنالاستىرىلعان.
انىقتاما ءۇشىن: كومپانيا 10 جىلدان استام ۋاقىت كاسپيي تەڭىزىندەگى تەڭىز كەمەلەرىن باسقارۋ، پايدالانۋ جانە ولارعا تەحنيكالىق قىزمەت كورسەتۋ سالاسىندا جۇمىس ىستەيدى. قازىرگى تاڭدا سوس-تىڭ باسقارۋىنداعى فلوتتىڭ جالپى سانى 41 كەمەنى قۇرايدى، ونىڭ 21 كەمەسى قازاقستان رەسپۋبليكاسىنداعى قاشاعان كەن ورنىنىڭ اعىمداعى وپەراتورى NCOC N.V. كومپانياسىنا تيەسىلى. كومپانياعا تيەسىلى فلوت 18 كەمەنى قۇرايدى، وعان قوسا سۋعا شوگۋ مۇمكىندىگى وتە تومەن ارنايى جاسالعان 5 لارن كاتەرى بار. سوس فلوتىنا ICE 3 مۇزدى ساناتتاعى بەس كەمەسى، 1ا SUPER مۇزدى ساناتتاعى ساياز جەرلەردە جۇزە الاتىن بەس كەمە، ەكى عىلىمي-زەرتتەۋ كەمەسى،ءۇش تەز جۇرەتىن جولاۋشىلار كەمەسى، ەكى ءجۇزىپ جۇرەتىن ءقوناقۇي، زاكىرلەردى بۇراۋ بويىنشا كوپ ماقساتتى بۋكسير كىرەدى.
دەرەككوز: قازاق ءۇنى
