مەملەكەت باسشىسى قاسىم-جومارت توقايەۆ ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋدە ەكى بىردەي زاڭعا قول قويدى.

ياعني، ءبىرىنشىسى – «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ءماcەلەلەرنى بايلانىستى وزگەرتۋلەر مەن تولىقتىرۋلار ەنگىزۋ تۋرالى» بولسا، ال ەكىنشىسى – «قازاقستان رەسپۋبليكاسى اكىمشىلىك قۇقىقبۇزۋشىلىق تۋرالى كودەكسىنە انالاردىڭ قۇقىعى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى.

بۇل زاڭعا بايلانىستى الماتى وبلىسىندا كەلەلى جۇمىستار جۇرگىزىلىپ كەلەدى.  ماسەلەن، بالالاردىڭ قۇقىعىن قورعاۋ، ايەلدەردىڭ وتباسىندا  زورلىق-زومبىلىققا ۇشىراماۋىنا بايلانىستى ت.ب. جۇمىستار مامانداردىڭ اتسالىسۋىمەن اتقارىلۋدا. وسى ورايدا، رەسپۋبليكالىق «انا ءۇيى» قوعامدىق قورىنىڭ اتقارۋشى ديرەكتورى اجاركۇل قىلىشبايەۆا كەز كەلگەن ماسەلە زاڭنىڭ ارقاسىندا شەشىم تاباتىنىنىن ايتادى.

-جاڭا زاڭعا سايكەس، ايەلدەر مەن بالالارعا قاتىستى كەز كەلگەن سيپاتتاعى زورلىق-زومبىلىق ءۇشىن جاۋاپكەرشىلىك كۇشەيدى. كەيدە اكىمشىلىك جازا قىلمىستىق جازاعا اۋىستىرىلدى. ياعني، دەنساۋلىققا قاساقانا جەڭىل زيان كەلتىرۋ جانە ۇرىپ-سوعۋ قىلمىستىق قۇقىقبۇزۋشىلىق رەتىندە سيپاتتالادى. دەنساۋلىققا قاساقانا اۋىرلىعى ورتاشا جانە اۋىر زيان كەلتىرگەن قىلمىس ءۇشىن جاۋاپكەرشىلىك قاتاڭدايدى. ال 16 جاسقا تولماعان جاسوسپىرىمدەرگە جىنىستىق سيپاتتاعى كوزقاراس تانىتقاندارعا قىلمىستىق جاۋاپكەرشىلىك ەنگىزىلدى. سونداي-اق كامەلەتكە تولماعانداردى ۇرلاعان مەن زاڭسىز باس بوستاندىعىنان ايىرعانى ءۇشىن جازا ايتارلىقتاي قاتاڭدادى. مەكتەپ جاسىنداعى كامەلەتكە تولماعانداردى جابىرلەۋ (بۋللينگ) ءۇشىن ءبىرىنشى رەت اكىمشىلىك جاۋاپكەرشىلىك ەنگىزىلدى. ءبىلىم بەرۋ ۇيىمدارىندا كامەلەتكە تولماعاندار بۋللينگقا ۇشىراعاندا زاڭعا قايشى ارەكەتتەر تۋرالى قۇقىققورعاۋ ورگاندارىنا دەرەۋ حابارلاۋعا مىندەتتەلدى. سونىمەن قاتار 16 جاسقا دەيىنگى بالالاردىڭ قاۋىپسىزدىگىن قامتاماسىز ەتۋ بويىنشا جول اقىسىن تولەمەگەن وقۋشىلاردى قوعامدىق كولىكتەن ماجبۇرلەپ تۇسىرۋگە قاتاڭ تىيىم سالىندى. بۇل زاڭداعى وسىنداي وزگەرىستەر ايەلدەر مەن بالالار يگىلىگىنە قىزمەت ەتەتىندىگىنە سەنىمدىمىز، – دەيدى.

جوعارىدا تاقىرىپتا ايتىپ كەتكەنىمىزدەي، انا مەن بالانى قورعاۋ – مەملەكەت دامۋىنىڭ كەپىلى ەكەنى راس. وسىعان وراي، الماتى وبلىسىندا بالا كۇتىمىمەن وتىرعان جۇمىسسىز انالار، الەۋمەتتىك جاعدايى تومەن وتباسىلار،  كوپبالالى انالارعا مەملەكەتتەن ارنايى جاردەماقىلار بەرىلىپ كەلەدى. ماسەلەن، قازىرگى ۋاقىتتا الماتى وبلىسىندا 1 جارىم جاسقا دەيىنگى بالا كۇتىمىمەن وتىرعان جۇمىس ىستەيتىن 28 775، جۇمىس ىستەمەيتىن 10269 انا بار. وسىعان دەيىن بالا كۇتىمىنە بايلانىستى اي سايىنعى جاردەماقى ءسابي 1 جاسقا تولعانعا دەيىن تولەنىپ كەلگەن ەدى.  ەندى 2023 جىلدىڭ 1 قاڭتارىنان باستاپ وسى تولەم 1 جارىم جىلعا ۇزارتىلدى. كەيىنىرەك 2022 جىلى تۋعان سابيلەر ءۇشىن جاردەماقى اۆتوماتتى تۇردە جارتى جىلعا سوزىلدى. سونداي-اق 1 قاڭتاردان كەيىن تۋعان بالالارعا بىردەن 1،5 جىلعا دەيىن جردەماقى تاعايىندالدى.  ال بالا كۇتىمى بويىنشا جاردەماقى الۋعا ۇمىتكەر اتا-انالار ونىڭ الەۋمەتتىك ساقتاندىرۋ جۇيەسىنە قاتىسۋ ءوتىلى نەعۇرلىم كوپ بولسا، تولەم مولشەرى سوعۇرلىم جوعارى. اتالمىش تولەم بۇگىندە مەملەكەتتىك الەۋمەتتىك ساقتاندىرۋ قورىنا اۋدارىلعان تابىستىڭ 40 پايىزىنا تەڭ. جۇمىس ىستەمەيتىن نەمەسە بالا تۋعانعا دەيىن  سوڭعى ەكى جىلدا 6 ايدان كەم جۇمىس ءوتىلى بار اتا-انالار جاردەماقى مەن تولەمدەرگە مەملەكەتتىك بيۋدجەتتەن عانا ۇمىتكەر بولا الادى.