قورعاستاعى كولىك-لوگيستيكالىق اكتيۆتەر قازاقستاننىڭ ترانزيتتىك الەۋەتىن دامىتۋدا اسا ماڭىزدى ءرول اتقارادى

كەشە «قازاقستان تەمىر جولى» ۇك» اق پرەزيدەنتى اسقار مامين مەن الماتى وبلىسىنىڭ اكىمى اماندىق باتالوۆ «قورعاس – شىعىس قاقپاسى» ارنايى ەكونوميكالىق ايما­عىنىڭ نىساندارىندا، التىنكول ستانساسىندا، شەكارالىق ىن­تىماقتاستىق جونىندەگى حالىقارالىق قازاقستان-قىتاي ورتالىعىندا (شىحو) بولدى.

ساپار بارىسىندا دامۋ جو­با­لارىنىڭ جۇزەگە اسىرىلۋ جايى، الەمدەگى اسا ءىرى لوگيستيكالىق كوم­پانيالاردىڭ ءبىرى – Dubai Pوrt World-تىڭ بىرلەسىپ باسقا­ر­ۋ­ىن­داعى قۇرعاق پورتى ارنايى ەكونوميكالىق ايماعىنىڭ اعىم­داعى وپەراسيالىق قىزمەتى ماسە­لەلەرى قارالدى.

قۇرعاق پورتى جوباسىنىڭ ايا­سىن­دا كونتەينەرلىك الاڭقاي، تەمىر­جولدىڭ نىساندارعا كەلۋ تارماق­تارى، قويما عيماراتتارى سالىنعانى اتاپ ءوتىلدى.

قۇرعاق پورتى 2 ايدان بەرى وپەراسيالىق جۇمىستارمەن اينالىسىپ جاتسا، وتكەن ۋاقىت ءىشىن­دە 10 مىڭنان استام جيىرما فۋت­­تىق ەكۆيۆالەنتتى (جفە) وڭدەۋ­دەن وتكىزگەن، تاسىمال تارا-ىدىس ءونىم­دەرى دە بەلسەندى وڭدەلۋ ۇستىندە.

ەۋروپالىق وداق ەلدەرىنەن قحر-عا جانە قحر-دان ەۋرازيا قۇر­لىعى نارىقتارىنا اۆتومو­بيل كولىگىمەن تاسىمالداۋ ۇيىم­داس­تىرىلۋدا. الەمنىڭ جەتەكشى كولىك-لوگيستيكالىق ورتالىقتارىندا وقۋ-تاعىلىمدامادان وتكەن جەر­گىلىكتى پەرسونالدى تارتۋ ەسەبىنەن قىزمەتكەرلەر شتاتى جاساقتالعان.

«قورعاس – شىعىس قاقپاسى» ار­نايى ەكونوميكالىق ايماعىندا وڭدەلەتىن تاۋارلاردى التىنكول ستانساسى ارقىلى ترانزيتپەن تاسىمالدايتىن كونتەينەرلىك پويىزدار جاساقتاۋ ءۇشىن Hewlett Packard، DB Schenker، Toyota، FESCO، BRAVIC كومپانيالارىمەن كەلىسىمگە قول قويىلدى.

«قورعاس» شىحو-دا ەكس­پورت­تىق-يمپورتتىق ساۋدا وپەراسيالارىن، سونداي-اق، كەلىسىمشارتتىق لوگيستيكالار قالىپتاستىرۋ بويىنشا 5 ينۆەستيسيالىق جوبانى جۇزەگە اسىرۋ باستالدى. تاعى 10 جوبا قاراستىرۋ قارساڭىندا تۇر. ءبىرىنشى كەزەكتەگى ينۆەستيسيالىق جوبالاردىڭ جالپى كولەمى 300 ملن. دوللار.

كەڭەس بارىسىندا، سونداي-اق، نۇركەنت ەلدى مەكەنى بازاسىندا جاڭا قالا سالۋدىڭ ءبىرىنشى كەزەگى بويىنشا باس جوسپار جوباسى، اياقتالۋى 2016 جىلعا جوسپارلانىپ وتىرعان الماتى – قورعاس اۆتوموبيل جولى قۇرىلىسى جوباسىن جۇزەگە اسىرۋ جايى قارالدى.

«نۇرلى جول» باعدارلاماسى شەڭبەرىندە جۇزەگە اسىرىلىپ جات­قان جوبالار قازاقستاننىڭ تران­زيتتىك-كولىكتىك الەۋەتىن دامىتۋعا قۋاتتى سەرپىن بەرىپ، جاڭا جىبەك جولى ەكونوميكالىق بەلدەۋىن قالىپتاستىرۋعا تولىق كولەمىندە ىقپال ەتۋگە مۇمكىندىك تۋعىزاتىن بولادى، دەپ حابارلادى «قتج» ۇك» اق-تىڭ باسپا ءسوز قىزمەتى.

دەرەككوز: ەگەمەن قازاقستان