سوچي قالاسىنداعى داگومىس شيپاجاي كەشەنىندە «بۇكىل رەسەي» دەپ اتالعان رەسەي فەدەراسياسى جۋر­ناليستەر وداعىنىڭ XIX حالىقارالىق مەديا-فورۋمى ءوتتى. فەدەراسيانىڭ ايماقتارىندا قىزمەت ەتەتىن مىڭنان استام باسپا جانە ەلەكتروندى باق-تاردىڭ وكىلدەرى وسى جەردە باستارىن قوسسا، ولاردىڭ اراسىندا باس رەداكتورلار، باسپاحانالاردىڭ باسشىلارى، جەتەكشى پۋبليسيستەر، سونداي-اق، حالىقارالىق جۋرناليستەر فەدەراسياسىنىڭ، ەۋروپا مەديا قۇرىلىمدارىنىڭ باسشىلارى جانە بۇۇ، يۋنەسكو وكىلدەرى بولدى.

وسى بەدەلدى فورۋم الاڭىندا العاش­قى رەت قازاقستان كۇنى ابىرويمەن وتكىزىلدى. قازاقستان كۇنىن ەلى­ءمىزدىڭ رەسەيدەگى ەلشىلىگىنىڭ كومە­گىمەن رەسەي جۋرناليستەر وداعى ۇيىم­داستىرعانىن اتاپ كەتكەن ابزال. بۇل ءىس-شاراعا قازاقستان سىرتقى ىستەر مي­ءنيسترىنىڭ ءبىرىنشى ورىنباسارى – ەكسپو-2017 كورمەسىنىڭ كوميسسارى ءراپىل جوشىبايەۆ، قازاقستاننىڭ رەسەيدەگى ەلشىلىگىنىڭ كەڭەسشى-ۋاكىلى ەر­لان بايجانوۆ، استانا قالاسى اكى­ءمىنىڭ كەڭەسشىسى ميحايل چيركوۆ، قازاقستان ينۆەستيسيالار جانە دامۋ مينيسترلىگىنىڭ، «بايتەرەك» ۇك-نىڭ، ش.ايمانوۆ اتىنداعى «قازاق­فيلم» كينوستۋدياسىنىڭ، «ەكسپو-2017» ديرەكسياسىنىڭ، ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ وكىلدەرى جانە ءبىرقاتار بەلگىلى وتاندىق باق-تاردىڭ باسشىلارى قاتىستى.

قازاقستاننىڭ رەسەيدەگى ەلشىلىگىنىڭ كەڭەسشى-ۋاكىلى ە.بايجانوۆ «بۇكىل رەسەي» مەديا-فورۋمىندا قازاقستان كۇنىن اشۋ سوزىندە «ەۋرازيالىق ەكو­نوميكالىق وداق قۇرۋ ۇدەرىسىندە ءبىر­­تۇتاس ەكونوميكالىق كەڭىستىك سەكىلدى بىرلەسكەن اقپاراتتىق كەڭىستىك وتە قاجەت بولىپ وتىرعانىن ايتىپ ءوتتى. «ونى قايتادان قالىپتاستىرۋ قاجەت ەمەس، ويتكەنى، ءبىز اركەز بارلىق­تارى­مىزعا ورتاق ەۋرازيا ايماعىنىڭ اقپا­راتتىق بىرلەستىگىن ساقتاي ءبىل­گەنبىز»، – دەدى ول.

قازاقستاندىق ديپلومات رەسەي جۋر­نا­­ليستەرىنە «100 ناقتى قادام» ۇلت جوسپارى، «نۇرلى جول»، ت.ب. مەم­­لە­­كەتىمىزدىڭ ستراتەگيالىق دامۋ باعدار­لامالارىنىڭ نەگىزگى ەرەجەلەرى تۋرالى جانە ءتۇرلى سالاداعى قازاقستان-رە­سەي ىنتىماقتاستىعى جايلى ايتىپ بەردى.

ر.جوشىبايەۆ ءوز سوزىندە ەڭ الدىمەن، ەلىمىزدىڭ ەلورداسىندا ەسكپو-2017 دۇنيەجۇزىلىك كورمەسى وتەتىنىن جانە وعان دايىندىق جۇمىسىنىڭ بارىسى تۋرالى حاباردار ەتتى. «كورمە ورتالىق ازيا جانە تمد اۋماعىندا تۇڭعىش رەت وتپەك، جانە راسىندا، بۇل وقيعا وسى وڭىردە بالامالى جانە جاڭعىرتىلاتىن ەنەرگيا كوزدەرىن ازىرلەۋگە جانە پايدالانۋعا قۋاتتى سەرپىن بەرەدى، الەمدەگى ەڭ ۇزدىك تەحنولوگيالاردى كورسەتۋگە مۇمكىندىك جاسايدى جانە ەنەرگەتيكالىق ءتيىمدى باعدارلامالاردى ىلگەرىلەتۋگە كو­مەك­تەسەدى»، – دەدى «ەكسپو-2017» كوميسسارى.

ر.جوشىبايەۆتىڭ ايتۋىنشا، قا­زاق­ستان پرەزيدەنتى نۇرسۇلتان نازاربايەۆتىڭ باستاماسىمەن 2011 جىلى XXI عاسىرداعى تۇراقتى دامۋ ەنەرگيا-ەكولوگيالىق جاھاندىق سترا­تەگياسى ۇسىنىلدى، ال 2012 جى­­لى «جاسىل كوپىر» دەپ اتالعان سەرىكتەستىك باعدارلاماسى جاريالاندى. ءمينيستردىڭ ءبىرىنشى ورىنباسارى اتالعان باعدارلاما بۇۇ-نىڭ «بارلىق ادامزات ءۇشىن تۇراقتى ەنەرگەتيكاسى» باستاماسىن ىسكە اسىرۋعا ەلىمىزدىڭ قوساتىن ماڭىزدى ۇلەسى بولاتىنىن مالىمدەدى.

م.چيركوۆ ءوز سوزىندە ەلوردامىزدا وتەتىن دۇنيەجۇزىلىك كورمەگە دايىندىق جۇمىستارىنا نازار اۋدارىپ، وسى ورايدا، استانا قالاسىنىڭ قارقىندى دامۋ بارىسىنىڭ ستاتيستيكالىق كور­سەتكىشتەرىن كولدەنەڭ تارتتى: «1998 جىلدان بەرى قالا اۋماعى ءۇش ەسە ءوسىپ، ءقازىر 72،2 مىڭ گەكتار جەردى الىپ جاتىر. قالا تۇرعىندارىنىڭ سانى دا ءۇش ەسە كوبەيىپ، 850 مىڭ ادامنان استى. ىشكى ايماقتىق ءونىم 772،7 ملن. اقش دوللارىنان ءقازىر 22 ملرد. اقش دوللارىنا دەيىن ۇلعايدى. بۇل – 28 ەسە ءوسىم دەگەن ءسوز!»، – دەدى ول.

م.چيركوۆ، سونداي-اق، استانا قالا­سىنىڭ الەمنىڭ ەڭ دامىعان سالاماتتى قالالارىنىڭ قاتارىنا كىرۋگە باعىتتالعان جۇمىس جوس­پارى­مەن دە ءبولىستى. ول رەسەيلىك جۋرناليستەردى «2017 جىلدى كۇتپەي-اق، ءوز كوزدەرىڭىزبەن كەلىپ كورىپ كەتى­ڭىزدەر»، – دەپ ەلوردامىز استانا قالاسىنا شاقىردى.

كەزدەسۋ بارىسىندا قازاقستان مەن رەسەي جۋرناليستەرى وزەكتى كاسىبي جۋرناليستىك تاقىرىپتار بويىنشا جان-جاقتى پىكىر الماستى. ن.مۇحا­مەدجانوۆا «قازاقستان» تەلەارناسىن مىسالعا كەلتىرىپ، ەلىمىزدە ەلەكتروندى باق-تاردىڭ بۇگىنگى جاي-كۇيى تۋرالى جانە رەسەيدىڭ بار­لىق فەدەرالدى تەلەارنالارىنىڭ قازاقستاندا كورسەتىلۋى ەلىمىزدىڭ اقپاراتتىق كەڭىستىگى اشىقتىعىنىڭ بەلگىسى ەكەنىن اتاپ ءوتتى. سونداي-اق، ول رەسەيلىك ارىپتەستەرىن ودان ءارى قارايعى ىنتىماقتاستىققا شاقىردى.

«استانا اقشامى» ەلوردا باسىلىمدارى حولدينگىنىڭ ديرەكتورى س.كۋزوۆنيكوۆ ءوز كەزەگىندە بيىل 25 جىلدىعىن تويلايتىن اقشام­دىقتاردىڭ جۇمىس ءتاجى­ريبەسىمەن ءبولىستى. كەزدەسۋ بارىسىندا ول ەكى ەل­ءدىڭ قالالىق باسىلىمدارى اراسىندا جۇيەلى، تاجىريبەلى اقپاراتتىق ىنتىماقتاستىق ورناتۋعا نيەت ءبىل­ءدىردى.

كەزدەسۋدىڭ سوڭىندا قازاقستان جانە رەسەي جۋرناليستەر وداقتارىنىڭ وكىلدەرى قۇرمەت گراموتالارىمەن الماستى.

قازاقستان كۇنى باعدارلاماسىنىڭ ەكىنشى بولىگى شەڭبەرىندە «ەۋرازيانىڭ اكسيوماسى: سالت-داستۇرلەر جانە قازىرگى كەزەڭ» اتتى سەسسيا ۇيىمداستىرىلدى. وندا ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىن تانىستىرۋ ءراسىمى مەن «تەك جىبەك جولى عا­نا ەمەس: قازاقستاننىڭ تۋريستىك باعىت­تار پاليتراسى» اتتى سەسسيا ءوتتى. «قازاقفيلم» كينوستۋدياسى فورۋم قوناقتارىنا بولات نۇسىپبەكوۆتىڭ «شاكەن ايمانوۆ: ادام جانە اڭىز»، ەرمەك تۇرسىنوۆتىڭ «شال» جانە وسى سەكىلدى سوڭعى جىلدارى شىققان ءبىرقاتار تانىمال فيلمدەردى ۇلكەن ەكراندا كورسەتتى.

مەديا-فورۋمداعى قازاقستان كۇنىن اياقتاي كەلە، رەسەي فەدەراسياسى جۋرناليستەر وداعىنىڭ ءتوراعاسى ۆسيەۆولود بوگدانوۆ قازاقستاندىق ءارىپ­تەستەرىنە «مازمۇندى قاتىسۋلارى ءۇشىن» العىسىن ايتتى جانە وسىنداي كەزدەسۋلەردى مۇمكىندىگىنشە ءجيى وتكىزۋدى ۇسىندى. «ماسكەۋدەگى رەسەي جۋرناليستەر وداعىنىڭ ەسىگى سىزدەر ءۇشىن ءارقاشان اشىق»، – دەپ تۇيىندەدى ءسوزىن رەسەي جۋرناليستەر وداعىنىڭ باسشىسى.

دەرەككوز: ەگەمەن قازاقستان