استاناداعى ۇلتتىق اكادەميالىق كىتاپحانادا مەملە­كەتتىك حاتشى گۇلشارا ءابدىقالىقوۆانىڭ قاتىسۋىمەن قازاقستان حالقى اسسامبلەياسىنىڭ كەڭەيتىلگەن ءماجىلىسى بولىپ ءوتتى.
القالى جيىنعا قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى باعلان مايلىبايەۆ، قحا ءتوراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆ، مادەنيەت جانە سپورت ءمينيسترى ا.مۇحامەدي ۇلى دەپۋتتاتتار مەن مەملەكەتتىك ورگاندار جانە ەتنومادەني ورتالىقتاردىڭ، عىلىمي جانە شىعارماشىل زيالى قاۋىم وكىلدەرى قاتىستى.
جينالعاندار الدىندا ءسوز العان مەملەكەتتىك حاتشى گۇلشارا ءاب­ءدىقالىقوۆا ەلباسى نۇرسۇلتان نازاربايەۆتىڭ بەس ينستيتۋتتىق رە­فور­ماسى مەن «100 ناقتى قادام» ۇلت جوسپارىن جۇزەگە اسىرۋ مەم­لەكەتتىك جانە قوعامدىق ينستيتۋتتاردىڭ جۇمىسىن تەرەڭنەن قايتا فورماتتاۋ­دى كوزدەيتىنىن اتاپ كورسەتتى. وسىعان بايلانىستى قوعامدىق كەلىسىم مەن جالپىۇلتتىق بىرلىكتى قامتاماسىز ەتەتىن نەگىزگى ينستيتۋت­تاردىڭ ءبىرى رەتىندە قازاقستان حالقى اسسامبلەياسىنىڭ ءرولى بارىنشا ارتا ءتۇس­پەك. كەڭەيتىلگەن ماجىلىستە قحا جىلى قارساڭىندا بەلگىلەن­گەن ءىس-شارالاردىڭ، اتاپ ايتقاندا، «بەيبىتشىلىك پەن كەلىسىمنىڭ جول كار­تاسى» مەگا جوباسىن، «قحا – 20 ىزگى ءىس» رەسپۋبليكالىق اكسياسىنىڭ ىسكە اسىرىلۋ بارىسى، اسسامبلەيانىڭ عىلىمي-ساراپتامالىق كەڭەسى قىز­مەتىنىڭ قورىتىندىلارى، سونداي-اق قازاقستان حالقى اسسامبلەيا­سىنىڭ 2025 جىلعا دەيىنگى دامۋ تۇجىرىمداماسى قارالدى. قحا كەڭەسى وتى­رىسىنىڭ قورىتىندىسى بويىنشا مەملەكەتتىك حاتشى گۇلشارا ءاب­ءدىقالىقوۆا قازاقستان حالقىنىڭ ىنتىماعى مەن بىرلىگىن ودان ءارى نى­عايتۋدى كوزدەيتىن ءبىرقاتار ناقتى تاپسىرمالار بەردى. 
قازاقستان حالقى اسسامبلەياسى ءتوراعاسىنىڭ ورىنباسارى ە.توع­جانوۆ «ەلباسى جارلىعىمەن جاريالانعان قازاقستان حالقى اسسامبلەياسى جىلى ەلىمىزدە، بارلىق وڭىرلەردە، الىس اۋىلداردا، ەلدى مەكەندەردە جانە شەت ەلدەردە قوعامدىق كەلىسىم مەن ەل بىرلىگىنىڭ قازاقستاندىق ۇلگىسى سالتانات قۇرعان، تاريحي جەڭىستەر جىلىنا اينالدى. اسسامبلەيا جىلىنىڭ ايتۋلى جاڭالىعىنىڭ ءبىرى ەلباسى­مىز ن.ءا.نازاربايەۆتىڭ «100 ناقتى قادام «بارشاعا ارنالعان قازىرگى زامانعى مەملەكەت» – ۇلت جوسپارىنىڭ» جاريالانۋى بولدى. ۇلت جوسپارىنىڭ «بىرتەكتىلىك پەن بىرلىك» باعىتىنىڭ نەگىزگى ىسكە اسىرۋشى مەحانيزمى رەتىندە قازاقستان حالقى اسسامبلەياسى بەلگىلەنىپ وتىر» دەپ اتاپ ءوتتى.
– شىندىعىندا دا بيىلعى جىلى قازاقستان حالقى اسسامبلەياسى­-نا – 20، اتا زاڭعا – 20، قازاق حاندىعى – 550 جىل، جەڭىسكە – 70 جىل تولدى. بيىلعى جىلعى پرەزيدەنتتىك سايلاۋدا حالىق ۇلكەن تاڭداۋ جاسادى، پرەزيدەنتتىك سايلاۋ ۇلت كوشباسشىسى، مەملەكەت باسشىسىنىڭ دارا جەڭىسىمەن اياقتالدى. ءبىزدىڭ ەل «بەس ينستيتۋتتىق رەفورما جانە «100 ناقتى قادام» ۇلت جوسپارىن جۇزەگە اسىرۋعا كىرىستى. جاقىندا عانا پاتريوتتار فورۋمى وتكىزىلىپ، جالپىۇلتتىق پاتريوتتىق «ماڭگىلىك ەل» يدەياسىن تالقىلادىق، – دەدى ءوز سوزىندە قازاقستان حالقى اسسامبلەياسى ءتوراعاسىنىڭ ورىنباسارى ە. توعجانوۆ. 
بۇگىنگى كەڭەسكە بۇكىلالەمدىك رۋحاني كەلىسىم كونگرەسىنىڭ تەڭ­ءتور­اعا­سى رەسەي مەملەكەتتىك دۋماسىنىڭ دەپۋتاتى يوسيف كوبزون، ەتيكا ين­ستيتۋتىنىڭ رەكتورى، اۆستريالىق ۆيلگەلم اۋگۋستاتا، رەسەي حال­قى اسسامبلەياسىنىڭ ءتوراعاسى سۆەتلانا سميرنوۆا، جانە تاعى باسقا مەملەكەتتەردەن وكىلدەر قاتىستى. 
 بۇگىنگى تاڭدا اسسامبلەيانىڭ باستى ماقساتى – بەس رەفورمانى جۇزەگە اسىرۋ جانە ءبىرتۇتاس بولاشاقتىڭ ۇلتىن قالىپتاستىرۋ بولىپ وتىر. سوندىقتان ونى جۇزەگە اسىرۋ قازاقستاندىقتىق بىرلىكتى ودان ارى نىعايتىپ، جالپىۇلتتىق پاتريوتتىق يدەيا «ماڭگىلىك ەلمەن» بىتە قايناساتىنىنا سەنىم مول.
اسىلى وسمان، قحا مۇشەسى: ەلباسى نۇرسۇلتان نازاربايەۆ بۇۇ-نىڭ بيىك مىنبەرىنەن سويلەگەندە، ادام بالاسى ءۇشىن ەڭ الدىمەن بىرىگۋ، ءوزارا كەلىسىم جانە ۇلتتاردىڭ ۇيىسۋى قاجەت ەكەندىگىن اشىق ايتتى. بۇل – بەيبىتشىلىك سۇيگىش باسشىمىزدىڭ باستى قاعيداسى! وسىدان تۋرا جيىرما جىل بۇرىن قۇرىلعان قازاقستان حالقى اسسام­بلەيا­سى العاشقى كۇننەن باستاپ، ءدال وسى ماقساتتا جۇمىس ىستەپ كەلەدى. تاياۋدا ەلوردامىز استانادا «ماڭگىلىك ەل – ءبىرتۇتاس بولاشاق ۇلت» رەسپۋبليكالىق پاتريوتتار فورۋمىن ۇيىمداستىرۋعا دا قحا مۇ­رىندىق بولعانى اقيقات. ويتكەنى بولاشاق – جاستاردىكى. ال جاستاردى تۋعان وتانىن جانىنداي جاقسى كورەتىن، پاتريوت ياعني وتانشىل ەتىپ تاربيەلەۋ، بۇل – قازاقستان حالقى اسسامبلەياسى العا قويعان اسىل مۇ­راتتاردىڭ ءبىرى. سوندىقتان بۇل فورۋمنىڭ دا ەلىمىزدە ءومىر ءسۇرىپ جات­قان سان ۇلت جاستارىنىڭ بەرەكە-بىرلىگىن جاراستىرىپ، ىنتىماعىن ارت­تىرۋعا قوساتىن ۇلەسى زور. 
اناتوليي باشماكوۆ، ل.گۋميليەۆ اتىنداعى ەۋرازيا ۇلتتىق ۋني­ۆەرسيتەتىنىڭ كافەدرا مەڭگەرۋشىسى، قحا مۇشەسى: ءقازىر كەڭ بايتاق قازاقستاننىڭ بارلىق وبلىستارىندا جەكەلەگەن ۇلتتاردىڭ مادەني ورتالىقتارى مەن بىرلەستىكتەرى قىزمەت جاسايدى. وسىنىڭ ناتيجەسىندە ەلىمىزدىڭ ءاربىر ايماعىندا تۇراتىن ۇلتتار مەن ۇلىس وكىلدەرى وزدەرىنىڭ كەشەدەن بۇگىنگە جەتكەن سالت-داستۇرلەرى مەن ادەت-عۇرىپتارىن ساقتاپ، ونى ۇرپاقتان- ۇر­پاققا جەتكىزىپ كەلەدى. بۇل – اسىرەسە، قحا قۇرىلۋىنىڭ 20 جىلدىق تورقالى تويى قارساڭىندا جەر-جەردە جاقسى كورىنىس تابۋدا. مۇنداي ءىس-شارالاردىڭ جۇزەگە اسۋىنا اسسامبلەيانىڭ ايرىقشا نازار اۋدارىپ، قامقورشى بولىپ وتىرعانى اقيقات. مىنە، سوندىقتان «قا­زاق­ستان» دەپ اتالاتىن ورتاق ۇيىمىزدە ۇلتتاردىڭ بىرلىگى مەن ىنتىماعى وركەندەي تۇسۋدە. 

دەرەككوز: ايقىن-اقپارات