«قازاقستان ەكونوميكاسى كەيىنگى 3 اي بويى 4 پايىزدىق ءوسىمدى كورسەتىپ وتىر. نەگە قازاقستاندىقتاردىڭ جالاقىسى وسپەيدى؟» - دەپ سۇرادى جۋرناليست.
مينيستر ەكونوميكا ءوسىمى مەن ايلىق ءوسىمنىڭ اراسىنداعى الشاقتىق ەل ەكونوميكاسىنىڭ قۇرىلىمىنا بايلانىستى ەكەنىن ايتادى.
«بۇل ستاتيستيكانى ءبىز دە بىلەمىز. قازاقستاندا 150-300 مىڭ تەڭگەگە دەيىن جالاقى الاتىن ادامداردىڭ ۇلەسى - 35 پايىز، 300-600 مىڭ تەڭگەگە دەيىن الاتىندار - 36 پايىز. ارى قاراي ازايادى. بۇگىنگى تاڭدا ەكونوميكانىڭ قۇرىلىمىنىڭ ءوزى سونداي»، - دەدى ول.
ۆەدومستۆو باسشىسى ايلىعى از ادامدارعا مەملەكەت كوپ كومەكتەسىپ جاتقانىن ايتادى.
«جالپى كوپ كومەك بەرىپ جاتىرمىز. ەكى-ۇش جىلدا ازاماتتىق قىزمەتكەرلەرگە، مۇعالىمدەر مەن دارىگەرلەرگە جالاقى ەكى ەسە كوبەيدى. تاعى كوبەيەدى دەپ سەنەمىز. ەڭ تومەنگى جالاقى 85 مىڭ تەڭگە بولدى. الەۋمەتتىك سالاداعى مينيسترلىك قاراپ جاتىر. كوتەرىلەتىن شىعار. جالپى جالاقىنى كوتەرەمىز»، - دەدى ءمادي تاكييەۆ.
پىكىر قالدىرۋ