«حالىق قاھارمانى» ايدىن ايىمبەتوۆ تۋعان جەرى – تالدىقورعانعا كەلىپ، جەرلەستەرىمەن كەزدەستى. جەتىسۋ حالقى باتىرىن اۋەجايدان كۇتىپ الىپ، حالىق قاھارمانىمەن قاۋىشۋ قۋانىشى توي-دۋمانعا ۇلاستى. الماتى وبلىسىنىڭ اكىمى اماندىق باتالوۆ ولكەمىزدىڭ ءتولتۋماسىن باۋىرىنا قىسىپ، جەتىسۋعا كەلگەن قادامىنا قۇت تىلەدى. 

كوڭىلىن قۋانىش، كوكىرەگىن ماقتانىش كەرنەگەن تالدىقورعان جۇرتى وبلىس اكىمى اماندىق عابباس ۇلى مەن تالدىقورعان قالاسىنىڭ اكىمى ەرمەك الپىسوۆ باستاعان سالتاناتتى كەرۋەنمەن «جاستار» سپورت سارايىنا تابان تىرەدى. مۇندا دا سىرنايلاتىپ-كەرنەيلەتكەن تالدىقورعان جۇرتى باتىر جەرلەستەرىن قارسى الىپ تۇرعان ەدى. ءبارى دە قۋانىشتى، ءبارى دە كوتەرىڭكى كوڭىل كۇيدە. قوزى كوش جەردىڭ اۋماعىن الىپ تۇرعان ساراي لىق تولى. قازاق ەلىنىڭ ابىرويىن اسقاقتاتىپ، ەل ماقتانىشى بولعان ايدىن ايىمبەتوۆكە سىي-قوشەمەت كورسەتكەن جەرلەستەرى دۇركىن-دۇركىن باتىردى القالاۋمەن وتىردى. باتىر ۇلدى جەتىسۋ جۇرتىنىڭ اتىنان قۇتتىقتاپ، حالىقتىڭ ىقىلاس-پەيىلىن الماتى وبلىسىنىڭ اكىمى اماندىق باتالوۆ جەتكىزدى. 
ول «قازاقتىڭ قاھارمان ۇلدارى – توقتار اۋباكىروۆ پەن تالعات مۇسابايەۆتىڭ ءىزىن جالعاعان ايدىن ايىمبەتوۆتىڭ ەرلىگى تاريحتا قالادى. حالىق قاھارمانى باۋىرجان مومىش ۇلى «ءورشىل رۋحتان ولمەس ەرلىك تۋادى» دەگەن ەكەن. رۋحى بيىك ايدىنداي ازاماتىمىز – قازاقتىڭ قايسار باتىر ۇلى، ەركىن دالانىڭ قىرانى»، – دەپ عارىشكەرگە ىستىق ىقىلاسىن ءبىلدىردى.
وسىدان كەيىن ءسوز العان تالدىقورعان قالاسىنىڭ اكىمى ەرمەك الپىسوۆ قالا حالقىنىڭ اتىنان اسپان كوگىنەن امان-ەسەن جەرگە ورالعان ەرلىكتى ەلى كوتەردىايدىندى جەڭىسىمەن قۇتتىقتاي كەلىپ، باتىر ۇلعا «تالدىقورعان قالاسىنىڭ قۇرمەتتى ازاماتى» اتاعى بەرىلگەنىن حابارلاپ، سۋ جاڭا اۆتوكولىكتىڭ كىلتىن تابىستادى. ال ءوز كەزەگىندە ايدىن ايىمبەتوۆ تالدىقورعان قالاسى تۋرالى جىلى لەبىزىن بىلدىرە وتىرىپ، جەتىسۋ جۇرتشىلىعىنا العىس ايتتى. حالىق قاھارمانى «تالدىقورعان – ەڭ ادەمى قالا. مەن وسىنداي قالادا تۋعانىما ماقتانامىن. سىندارلى ساتتە ىستىق ىقىلاستارىڭىز بەن رۋحاني قولداۋ بىلدىرگەن، جەرلەستەرىم، سىزدەرگە العىسىم شەكسىز!»، – دەدى. سالتاناتتى قۇتتىقتاۋ راسىمىنەن كەيىن جەتىسۋ ءوڭىرىنىڭ ونەرپازدارى عارىشكەردىڭ قۇرمەتىنە كونسەرتتىك باعدارلاما ۇسىندى. پاتريوتتىق رۋحتاعى ءان ايتىلىپ، اسكەري اۋەن قالىقتادى. 
رەسمي جيىن اياقتالىسىمەن ايدىن اقانۇلىن ۇلكەن-كىشى قاۋمالاپ سۋرەتكە تۇسۋگە كەزەككە تۇرىپ جاتتى. جۋرناليستەرگە سۇحبات بەرۋگە ارەڭ جەتكەن عارىشكەر اسپان الەمىندە جۇرگىزگەن زەرتتەۋى تۋرالى جانە بولاشاقتاعى جوسپارىمەن ءبولىستى.

ايدىن ايىمبەتوۆ، 
حالىق قاھارمانى، عارىشكەر:
– الداعى جوسپارىم حالىقارالىق عارىش جوباسىن جۇزەگە اسىرۋ. جالپى، ءبىزدىڭ ەلدىڭ عارىشتىق مۇمكىندىگى وتە جوعارى. ول تەك قانا ەرلىكتى ەلى كوتەردىبايقوڭىر عارىش ايلاعى بولۋىمەن عانا ەمەس، بىزدە عارىش الەمىن زەرتتەپ جۇرگەن بىلىكتى جاس ماماندار كوپ. ءبىزدى سول قۋانتادى. قازاق بالاسى عارىش الەمىن ءالى دە باعىندىرا بەرەدى دەپ سەنەمىن. ال ءبىزدىڭ عارىشتا جۇرگىزگەن زەرتتەۋ جۇمىسىمىز تاماق، ونەركاسىبىندە، تەرمو يادورلى ەنەرگەتيكادا، مەديسينادا، نانوتەحنولوگيا عىلىمىندا قولدانىلادى. 
«جاستار» سپورت سارايىنان شىققان سوڭ، ايدىن ءوزى وقىعان №14 ورتا مەكتەپكە باردى. وندا وقۋشىلار مەن ۇستازدار، باتىردىڭ سىنىپتاستارى، ۇستازدارىمەن كەزدەستى. كوتەرىڭكى كوڭىل كۇيمەن قارسى العان مەكتەپ ۇجىمى قوناعىن پارتاعا وتىرعىزىپ، قىزىقتى ويىن ويناتتى. وقۋشىلار ايدىن اعالارىنا ارمان-تىلەگىن ايتتى. وقۋشىلار «ءسىز باسقان جەر، ءسىز تىنىستاعان اۋا، ءسىز وتىرعان پارتا بىزگە قۋات بەرەدى. ءبىز ءۇشىن قاستەرلى مەكەننىڭ ءبىرى – ءسىز وقىعان وسى مەكتەپ» – دەدى. مەكتەپتىڭ زالىندا بالالار ونەرىن كورسەتىپ، باتىرعا وزدەرى جاساعان قولونەر بۇيىمىن تارتۋ ەتتى. ايدىن اقان ۇلى ءوز سوزىندە وقۋشىلارعا «جاقسى وقىپ، ءبىلىمدى بولىڭدار» – دەدى. سونداي-اق «وسىنداي كىرشىكسىز، اڭعال كۇيلەرىڭدە قالىڭدار. مەن ساباقتى جاقسى وقىدىم. ءبىراق سونداي ۇلگىلى وقۋشى بولعان جوقپىن، بۇزىقتىق جاساپ پەداگوگيكالىق كەڭەسكە دە شاقىرىلىپ ءجۇردىم» دەپ بالالىق شاعىن ەسىنە الدى. عارىشكەر مەكتەپكە ءوزىنىڭ ەكيپاجداعى سەرىكتەستەرىمەن تۇسكەن فوتوسۋرەتتەرىن جانە «قازعارىشتىڭ» ەمبلەماسىن تابىستادى. بۇل مەكتەپتە قازىرگى كۇنى ايدىن ايىمبەتوۆكە ارنالىپ مۇراجايدان ءبىر بۇرىش جاسالعان. وندا عارىشكەردىڭ سۋرەتتەرى توپتاستىرىلىپتى. سونداي-اق وسى ءبىلىم ورداسىنداعى تالىمگەرلەر باتىردىڭ قۇرمەتىنە عالامنىڭ ماكەتى سياقتى شاعىن ساۋلەتتىك كومپوزيسيا جاساعان. ول دا مۇراجايدىڭ ءبىر بۇرىشىنان ورىن الىپتى. وقۋشىلاردىڭ ونەرىن تاماشالاعان سوڭ عارىشكەر «يمان» مەشىتىنە بارىپ، دۇعا وقىپ، تىلەك تىلەدى. ودان كەيىن عانا باتىرىمىز اسكەري بورىشىن وتەگەن №21751 اسكەري بولىمگە بارىپ، جەكە قۇراممەن كەزدەستى. 

دەرەككوز. جاس قازاق