«ورلەۋ» باۇو» اق فيليالى الماتى وبلىسى بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتى مەن الماتى وبلىسىنىڭ ىلە، قاراساي، تالعار، جامبىل اۋداندارىنداعى ەكسپەريمەنتتىك الاڭ رەتىندە بەكىتىلگەن ءبىلىم بەرۋ ۇيىمدارىمەن ءوزارا ىنتىماقتاستىق مەموراندۋمىنا قول قويۋ رەسمي سالتاناتى بولىپ ءوتتى.
«بۇگىنگىدەي جاھاندانۋ جاعدايىندا مەملەكەت مەن ادام وزىق، باسەكەگە ساي بولۋى ءۇشىن، ەڭ ءبىرىنشى ءبىلىم مەن عىلىم وركەندەۋى قاجەت»،- دەپ ەلباسىمىز ن.ءا. نازاربايەۆ ايتىپ وتكەندەي، قازىرگى تاڭدا ءبىلىم مەن عىلىم سالاسىن دامىتۋ باستى نازاردا. باسەكەگە قابىلەتتى ءبىلىمدى ۇرپاق تاربيەلەۋ ءىسى ۇستازدارعا جۇكتەلەر جاۋاپكەرشىلىك جۇگىن ەسەلەيدى. سوندىقتان دا، ۇستازدار ءار ۋاقىت زامان تالابىنا ساي ءبىلىمى مەن بىلىكتىلىگىن جەتىلدىرىپ وتىرۋى شارت. وسى ماقساتتا «ورلەۋ» باۇو» اق فيليالى الماتى وبلىسى بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتى الماتى وبلىسىنىڭ ىلە، قاراساي، تالعار، جامبىل اۋداندارىنداعى ءبىلىم بەرۋ مەكەمەلەرىمەن ءوزارا كەلىمگە قول قويدى.
«ءبىلىم بەرۋ ۇيىمدارىنداعى وقۋ-تاربيە ۇدەرىسىنە يننوۆاسيالىق تەحنولوگيالاردى ەندىرۋ، پەداگوگ قىزمەتكەرلەردىڭ كاسىبي قۇزىرەتتىلىگىن قالىپتاستىرۋعا باعىتتالعان ءىس-شارالاردى جۇزەگە اسىرۋ، جاستار اراسىندا وقۋ-تاربيە ۇدەرىسىمەن ءوزارا تىعىز بايلانىستاعى بىرلەسكەن عىلىمي جوبالاردى الماتى وبلىسىنىڭ ايماعىندا وتكىزۋ، يننوۆاسيالىق وزىق ىس-تاجىريبەلەردى تاراتۋ جۇمىستارىن بىرلەسە ۇيىمداستىرۋ ت.ب. ءبىلىم جانە عىلىم سالاسىنداعى بىرلەسكەن جوبالاردى ىسكە اسىرۋ ءۇشىن زاڭدى تۇردە قارىم-قاتىنىسىمىزدى بەكىتۋ قاجەت دەگەن بايلامعا كەلدىك»،- دەپ ينستيتۋت ديرەكتورى ديۋسەبايەۆ حانات ءالىمجان ۇلى مەموراندۋمنىڭ ماڭىزى مەن مانىنە توقتالىپ ءوتتى.
ءوزارا ىنتىماقتاستىق مەموراندۋمىنا الماتى وبلىسى ءبىلىم باسقارماسى، جامبىل، قاراساي، ىلە، تالعار اۋدانى ءبىلىم ءبولىمى باسشىلارى، م.بەيسەبايەۆ اتىنداعى «تالعار اگروبيزنەس جانە مەنەدجمەنت كوللەدجى مەملەكەتتىك كوممۋنالدىق قازىنالىق كاسىپورنى» ديرەكتورى، «№7 ايگولەك بوبەكجاي-بالاباقشاسى» مەڭگەرۋشىسى جانە جوعارىدا اتالعان اۋداندارعا قاراستى 14 مەكتەپ ديرەكتورى قول قويىپ، بىرلەسە جۇمىس اتقارۋعا دايىن ەكەندىكتەرىن جانە ارىپتەستىككە زور ءۇمىت ارتاتىندىقتارىن جەتكىزدى.
الماتى وبلىستىق ءبىلىم باسقارماسىنىڭ ادىستەمەلىك كابينەتىندەگى يننوۆاسيا جانە ورتا ءبىلىم ءبولىمىنىڭ جەتەكشىسى ساپارگالييەۆا شەريزات تولەگەن قىزى: «الماتى وبلىستىق ءبىلىم بەرۋ ۇيىمدارىنىڭ ءوزارا ىنتىماقتاستىقتا جۇمىس جاساۋى ءبىلىم بەرۋ سالاسىنىڭ وركەندەۋىنە قوسار ۇلەسى زور»، — دەپ ءوز پىكىرىن ءبىلدىردى.
ءوزارا ىنتىماقتاستىق مەموراندۋمىنا قول قويىلىپ، ءماندى وتكەن باسقوسۋ بارىسىندا ءبىلىم بەرۋ سالاسىن ىلگەرىلەتۋگە بايلانىستى ماڭىزدى ويلار ايتىلدى، بولاشاققا باعدارلانعان جاڭا جوسپارلار تالقىلاندى.
دەرەككوز: "تۇركىستان" گازەتى
