قىسقا مەرزىمدى ەكونوميكالىق كورسەتكىش 105،3 پايىزدى قۇرادى. ەڭ كوپ ءوسىم قۇرىلىستا – 131،6%، ونەركاسىپتە – 102،6%، ىشكى ساۋدادا – 110،5%، اۋىل شارۋاشىلىعىندا – 106،4% تىركەلدى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە وبلىس اكىمى نۇرلان ۇرانحايەۆ ايتتى.

237،1 مىڭ شارشى مەتر باسپانا پايدالانۋعا بەرىلدى. بۇل 2 مىڭ وتباسىن باسپانامەن قامتاماسىز ەتۋگە مۇمكىندىك بەردى. ورتاشا ايلىق جالاقى ەكىنشى توقساننىڭ قورىتىندىسى بويىنشا 12،3%-عا ءوسىپ، 340 مىڭ تەڭگەنى قۇرادى.
 
مەنشىكتى كىرىستەر 126،5 پايىزعا ءوسىپ، وبلىس بيۋدجەتىنە 294،9 ملرد تەڭگە ءتۇستى. سەمەي قالاسىنىڭ بيۋدجەتى 114،7 ملرد تەڭگەنى قۇرادى.
 
؟مەملەكەت باسشىسىنىڭ تاپسىرماسىن ورىنداۋ اياسىندا وبلىستى الەۋمەتتىك-ەكونوميكالىق دامىتۋدىڭ 2023-2027 جىلدارعا ارنالعان كەشەندى جوسپارى بەكىتىلدى. ينۆەستيسيا كولەمى 1،9 ترلن تەڭگەنى قۇرايتىن 102 ءىس-شارانى قامتيدى. 2024 جىلى 74 ءىس-شارانى جۇزەگە اسىرۋ جوسپارلانعان، ونىڭ 7ء-ى اياقتالدى. 2028 جىلعا دەيىن 23 جوبانى قامتيتىن ينۆەستيسيالىق پۋل قالىپتاستىرىلدى. ناتيجەسىندە 7 مىڭ جۇمىس ورنىن قۇرۋعا مۇمكىندىك بار. قازىرگى ۋاقىتتا 6 جوبا جۇزەگە اسىرىلىپ، 225 جۇمىس ورنى اشىلدى.