كەشە پرەزيدەنت جانىنداعى ورتالىق كوممۋنيكاسيالار قىزمەتىندە ءبىلىم جانە عىلىم ۆيسە-مينيسترى تاحير بالىقبايەۆتىڭ قاتىسۋىمەن «قازاقستان-2020: بولاشاققا جول» مەملەكەتتىك جاستار ساياساتىنىڭ 2020 جىلعا دەيىنگى تۇجىرىمداماسىنىڭ ءبىرىنشى كەزەڭىن ىسكە اسىرۋدى قورىتىندىلاۋ جونىندە بريفينگ ءوتتى.
«بۇگىندە ەلىمىزدىڭ ءار ءتورتىنشى تۇرعىنى 29-دان جاس، ولاردىڭ ىشىندە قالا جاستارى – 2،5 ملن.، اۋىلدىقتار – 1،9 ملن. 2013 جىلدىڭ قورىتىندىلارى بويىنشا جاستار دامۋىنىڭ الەمدىك يندەكسىندە قازاقستان الەمنىڭ 170 ەلى اراسىندا 27-ورىندى يەلەندى، بۇل فرانسيا، تۇركيا جانە شۆەسيا سياقتى تابىس دەڭگەيى اناعۇرلىم جوعارى كوپ­تە­گەن ەلدەرگە قاراعاندا جوعارى»، – دەدى ۆيسە-مينيستر.
قازاقستان جاستارىنىڭ ودان ءارى دامۋى ءۇشىن مەملەكەتتىك جاستار ساياساتىنىڭ 2020 جىلعا دەيىنگى «قازاقستان-2020: بو­لاشاققا باستار جول» تۇجىرىمداماسى قابىلداندى. جوسپاردى ىسكە اسىرۋ ەكى كەزەڭگە بولىنگەن: 2013-2015 جىلدار جانە 2015-2020 جىلدار ارالىعى.
«قازىرگى تاڭدا بەلگىلى ءبىر ناتيجەلەرگە قول جەتكىزىلگەنى انىق. جاستار ارا­سىن­داعى جۇمىسسىزدار سانىنىڭ 3،5 مىڭ ادامعا ازايۋىن مەملەكەتتىك ورگاندار بىرلەسكەن جۇمىسىنىڭ ناتيجەسى دەۋگە بولدى. 29 جاسقا دەيىنگى جاس اكىمدەردىڭ سانى 19،5%-عا ءوستى – ولار 143 بولدى»، – دەپ قوستى ت.بالىقبايەۆ.
بۇگىندە ءبىلىم جانە عىلىم مينيسترلىگى تۇجىرىمدامانىڭ ەكىنشى كەزەڭىن ىسكە اسىرۋعا دايىندالىپ جاتىر ەكەن. ءىس-شارالار جوسپارىنىڭ جوباسىنا 100-گە جۋىق تارماقتى قامتيتىن 10 ءبولىم كىرەدى.
«كەلەسى كەزەڭنىڭ ماقساتى جاس­تار­دىڭ تابىستى الەۋمەتتەنۋىنە، ولاردىڭ الەۋەتىن «ماڭگىلىك ەل» قۇن­دىلىقتارى نەگىزىندە ەلدىڭ ءارى قاراي دامۋىنا باعىتتالعان مەملەكەتتىك جاس­تار ساياساتىنىڭ ءتيىمدى ۇلگىسىن قالىپ­تاستىرۋدى اياقتاۋ بولىپ تابىلادى»، – دەدى سپيكەر.
سونداي-اق، اتالعان تاقىرىپ شەڭ­بەرىندە «نۇر وتان» پارتياسىنىڭ «جاس وتان» جاستار قاناتىنىڭ ءتوراعاسى شاحماردان بايمانوۆ: «بۇل جوبا ەلباسى نۇرسۇلتان نازاربايەۆتىڭ تاپسىرماسىمەن ىسكە قوسىلدى. باستى ماقساتى – پارتيالىق جانە مەملەكەتتىك قىزمەت ءۇشىن كاسىپقويلار توبىن قالىپتاستىرۋ. جوبانى ىسكە اسىرۋدى تالداۋ برەندتىڭ تانىمالدىلىعىن، جاستار اراسىندا جانە باق-تاردا سەنىمدىلىگى مەن تانىمالدىلىعىن كورسەتەدى. جالپى، التى جىل ىشىندە جوباعا ون مىڭنان استام جاس مامان قاتىستى»، – دەدى.
بەلگىلى بولعانداي، جىل سايىنعى اشىق بايقاۋدىڭ قورىتىندىلارى بويىن­شا 400-گە جۋىق رەزەرۆيستەن بازا قۇرىلىپتى.
تۇجىرىمدامانىڭ جاڭا كەزەڭى اياسىندا نەگىزگى جۇيەلىك اسپەكتىلەر بويىنشا جۇمىستى جالعاستىرۋ جوسپارلانىپ وتىرعانى بەلگىلى. بۇل كەزدە ادىستەمەلىك بازانى جەتىلدىرۋگە جانە جاستارمەن جۇمىس جاسايتىن مامانداردىڭ دايارلىق دەڭگەيىن ارتتىرۋعا باستى نازار اۋدارىلادى.
سونداي-اق، مينيسترلىك وكىلدەرى تۇجىرىمدامانى ىسكە اسىرۋدىڭ ءبىرىن­ءشى كەزەڭى (2013-2015 جىلدار) اياسىندا ورتالىق جانە جەرگىلىكتى اتقارۋشى ورگان­داردىڭ قۇزىرەتتەرى مەن جاۋاپكەرشىلىك ايماعىن ايقىنداۋشى ۆەدومستۆوارالىق قارىم-قاتىناستىڭ ءتيىمدى مودەلى قالىپتاسقاندىعىن اتاپ ءوتتى. ورتالىق مەملەكەتتىك ورگانداردىڭ ستراتەگيالىق جوسپارلارى مەن ايماقتاردى دامىتۋ باعدارلامالارىنا مەملەكەتتىك جاس­تار ساياساتىن جۇزەگە اسىرۋ جونىندەگى كورسەتكىشتەر ەنگىزىلدى. سونىمەن بىرگە، ايماقتاردى دامىتۋ باعدارلامالارىنا جاستارمەن جۇمىس جۇرگىزۋ بويىنشا كورسەتكىشتەرى دە ەنگىزىلگەن.
2015 جىلعى اقپاندا «مەملەكەتتىك جاس­تار ساياساتى تۋرالى» زاڭ قابىلداندى. زاڭدا مەملەكەتتىك جاستار ساياساتى ايا­سىنداعى ءبىلىم، عىلىم، دەنساۋلىق ساقتاۋ، ەڭبەك، كاسىپكەرلىك، مادەنيەت، دەنەشىنىقتىرۋ جانە سپورت، ءدىني قىز­مەت، ىشكى ىستەر ورگاندارى، قورعانىس، قورشا­عان ورتانى قورعاۋ جانە بۇقارالىق اقپا­رات قۇرالدارى سالالارىنداعى ورتا­لىق مەملەكەتتىك ورگانداردىڭ قۇزى­رەتتەرى جىكتەلگەن.
ورتالىق جانە جەرگىلىكتى دەڭگەيدە بارلىق ساناتتاعى ازاماتتارعا، سونىڭ ىشىندە جاستارعا باعىتتالعان جوبالارعا الەۋمەتتىك تاپسىرىستاردى ورناتۋدىڭ سالالىق قاعيداتى بەلسەندى قولدانىلۋدا. 2015 جىلى جاستار ورتالىقتارىمەن ءوزارا جۇمىس جۇرگىزۋ ماقساتىندا رەس­پۋب­ليكالىق بيۋدجەتتەن 1 094،07 ملن. تەڭگە، جەرگىلىكتى بيۋدجەتتەن 4 256،1 ملن. تەڭگە قارجى ءبولىندى.
سونىمەن قاتار، مەملەكەت پەن جاس­تار اراسىندا قارىم-قاتىناس جۇرگىزۋ تاسىلدەرىن جاقسارتۋ ءۇشىن قۇرىلعان كونسۋلتاسيالىق — كەڭەسشi ورگانداردىڭ ءرولى كۇشەيتىلدى. پرەزيدەنت پەن اكىم­دىك­تەر جانىنداعى جاستار ساياساتى ءجونىن­دەگى كەڭەستەردىڭ، بعم جانىنداعى جاستار ۇيىمدارىن دامىتۋ بويىنشا ۇيلەس­ءتىرۋ كەڭەسىنىڭ مارتەبەلەرى زاڭدى تۇردە بەكىتىلدى.
قازىرگى تاڭدا مەملەكەتتىك جاستار سايا­ساتىنىڭ 2020 جىلعا دەيىنگى تۇجىرىم­داماسىنىڭ II كەزەڭىنىڭ (2016-2020) جوباسى دايىندالىپ، ورتالىق جانە جەر­گىلىكتى مەملەكەتتىك ورگاندارمەن كەلىسۋ ۇدەرىستەرى جۇرۋدە. ەكىنشى كەزەڭ بارىسىندا وسكەلەڭ ۇرپاقتى پاتريوت­تىق رۋحتا تاربيەلەۋ جانە بالالار مەن جاسوسپىرىمدەردىڭ قوزعالىسىن دامىتۋ جونىندەگى تۇجىرىمدامانى بەكىتۋ جۇ­مىس­تارىنا باسا كوڭىل بولىنەتىن بولادى.

دەرەككوز: ەگەمەن قازاقستان