وبلىس اكىمىنىڭ ورىنباسارى ديميتريي گاريكوۆتىڭ توراعالىعىمەن جاڭا جىلدىق ءىس-شارالاردى وتكىزۋ كەزىندە قاۋىپسىزدىك شارالارىن ساقتاۋ بويىنشا توتەنشە جاعدايلاردىڭ الدىن الۋ جانە جويۋ جونىندەگى كوميسسيانىڭ وتىرىسى ءوتتى.
جاڭا جىلدىق مەرەكەلەردە ءورت قاۋىپسىزدىگىن قامتاماسىز ەتۋ بويىنشا وبلىستىق توتەنشە جاعدايلار دەپارتامەنتى باستىعىنىڭ ورىنباسارى الەكسەي شتىكەل باياندادى. سونىمەن قاتار، اباي وبلىستىق پوليسيا دەپارتامەنتىنىڭ قىزمەتكەرلەرى «پيروتەحنيكا» الدىن-الۋ شاراسى اياسىندا جۇرگىزىلىپ جاتقان جۇمىستار تۋرالى بايانداما جاسادى. كوميسسيا وتىرىسىنا ءبىلىم، دەنساۋلىق ساقتاۋ سىندى باسقارمالاردىڭ وكىلدەرى قاتىستى.
جاڭا جىلدىق مەرەكەلەردى ءقاۋىپسىز وتكىزۋ ماقساتىندا «ءورت قاۋىپسىزدىگى ايلىعى» رەسپۋبليكالىق الدىن-الۋ ءىس-شاراسى جوسپارىنىڭ تارماقتارىن شۇعىل ورىنداۋ بويىنشا تاپسىرمالار بەرىلدى. قالالار مەن اۋدانداردىڭ اكىمدەرى مەن الەۋمەتتىك نىساندار باسشىلارىنا جاڭا جىلدىق مەرەكە كەزىندە كۇشەيتىلگەن كەزەكشىلىكتى ۇيىمداستىرۋعا نۇسقاۋ بەرىلدى.
سونداي-اق، اباي وبلىسى بويىنشا جەلتوقسان ايىنان باستاپ قاڭتارىنا دەيىن «پيروتەحنيكا» جەدەل-پروفيلاكتيكالىق ءىس-شاراسى وتكىزىلۋدە. «پيروتەحنيكا» جەدەل-پروفيلاكتيكالىق ءىس-شاراسى حالىقتىڭ قاۋىپسىزدىگىن قامتاماسىز ەتۋ، زاڭسىز پيروتەحنيكالىق ونىمدەردىڭ ساتىلۋىن جانە قولدانىلۋىن الدىن الۋ ماقساتىندا وتە ماڭىزدى.
پىكىر قالدىرۋ