استانا. قازاقپارات - ءسولتۇستiك قازاقستان وبلىسىنا بەلارۋس رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكiلەتتi ەلشiسi اناتوليي نيچكاسوۆ جانە بەلارۋس رەسپۋبليكاسىنىڭ قازاقستان ەلشiلiگiندەگi ساۋدا-ەكونوميكالىق قىزمەتiنiڭ باسشىسى گەنناديي كلىگا كەلدi.
كەزدەسۋدi اشقان سقو اكiمi ەرiك سۇلتانوۆ دەلەگاسيا مۇشەلەرiنە ءوڭiردiڭ ەكونوميكالىق دامۋى جانە بەلارۋستىك كومپانيالارمەن ءوزارا ىنتىماقتاستىعى تۋرالى ايتىپ بەردi، دەپ حابارلايدى وبلىس اكىمدىگىنىڭ باسپا ءسوز قىزمەتىنەن

«ءسولتۇستiك قازاقستان وبلىسى - ەلiمiزدiڭ اگرارلى ءوڭiرلەرiنiڭ بiرi. بiزدە ماشيناجاساۋ سالاسى قارقىندى دامىپ كەلەدi، بiز تەمiرجول جانە مۇناي-گاز سالالارىنا قاجەت جابدىقتاردى شىعارامىز. بيزنەستi دامىتۋ ءۇشiن ءوڭiرiمiزدە زور مۇمكiندiكتەر بار»، - دەدi ەرiك حامزا ۇلى.

ءوز كەزەگiندە اناتوليي نيچكاسوۆ ساپارىنىڭ نەگiزگi ماقساتى ىنتىماقتاستىق تۋرالى ۇسىنىس ەكەنiن اتاپ ءوتتi.

«بiز وبلىستىڭ ەكونوميكاسىن زەرتتەپ، بiرنەشە سالا بويىنشا ىنتىماقتاستىق ۇسىنىستارىن ءازiرلەدiك. ونىڭ iشiندە ماشينا جاساۋ سالاسى دا بار، سەبەبi بەلارۋستە بۇل سالا جاقسى دامىعان جانە بيۋدجەتتi تولىقتىرۋدىڭ نەگiزگi كوزi بولىپ وتىر»، - دەدi اناتوليي يۆانوۆيچ.

سونداي-اق كەزدەسۋدە تەمiرجول جابدىقتارىنىڭ ءوندiرiسi، ەلەكتردى وقشاۋلاندىرۋ ماتەريالدارى، اۋىل شارۋاشىلىعى تەحنيكاسى، مۇناي-گاز جابدىقتارىن شىعارۋ، ەت جانە ءسۇت وڭدەۋ سالالارى بويىنشا ىنتىماقتاستىق جايىندا ۇسىنىستار ايتىلدى.

كەزدەسۋ سوڭىندا بەلارۋس رەسپۋبليكاسىنىڭ قر-داعى ەلشiلiگi جانە ءسولتۇستiك قازاقستان وبلىسى اكiمدiگi اراسىندا ءوزارا ءتۇسiنiستiك تۋرالى مەموراندۋمعا قول قويىلدى.

2015 جىلدىڭ قاڭتار-تامىز ايلارىندا ءسولتۇستiك قازاقستان وبلىسى مەن بەلارۋس مەملەكەتiنiڭ تاۋار اينالىمى 6،2 ملن اقش دوللارىن قۇراپ وتىر. ءوڭىردىڭ اۋىل شارۋاشىلىعى تاۋار ءوندiرۋشiلەرiمiز سوڭعى 7-8 جىل اياسىندا بەلارۋس رەسپۋبليكاسىنىڭ ماشيناجاساۋ كاسiپورىندارىمەن تىعىز قارىم-قاتىناس ورناتقان.

2014 جىلدىڭ قاراشا ايىندا ءسولتۇستiك قازاقستان وبلىسىنىڭ دەلەگاسياسى ەكونوميكالىق وكiلدiك اياسىندا ساۋدا-ەكونوميكالىق جانە ونەركاسiپتiك ىنتىماقتاستىق قاتىناس قۇرۋ ءۇشiن مينسك قالاسىنا باردى.

دەرەككوز: قاز-اقپارات