استانا. قازاقپارات - الماتى وبلىسىنان 55 شاقىرىلۋشى ق ر قارۋلى كۇشتەرى قۇرلىق اسكەرلەرى «شىعىس» وڭىرلىك قولباسشىلىعىنىڭ اسكەرلەرىنە اتتاندىرىلدى.
1 قازاننان باستاپ بۇكىل قازاقستان بويىنشا ازاماتتاردى مەرزىمدى اسكەري قىزمەتكە  شاقىرۋدىڭ كۇزگى شاقىرىلىمى وتۋدە. وسى كۇزدە 18 بەن 27 جاس ارالىعىنداعى 12 مىڭنان اسا قازاقستاندىق شاقىرىلۋعا جاتادى.

19 قازاننان باستاپ شاقىرىلۋشىلاردىڭ جاس تولىمىن اسكەرلەرگە قىزمەت ەتۋگە جىبەرۋ باستالدى.

تالدىقورعاندا قالانىڭ ورتالىق الاڭىندا «شاقىرىلۋشى كۇنى» اسكەري-پاتريوتتىق اكسياسى ءوتتى. قۇرلىق اسكەرلەرىنىڭ «شىعىس» وڭىرلىك قولباسشىلىعىنىڭ اسكەرلەرىنە 55 شاقىرىلۋشى اتتاندىرىلدى. ءىس-شارانىڭ ءجون-جورالعىسى قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرى مەن اسكەري قۇرالىمدارىنىڭ جالپى اسكەري جارعىلارىنىڭ قاتاڭ تالاپتارىنا سايكەس جۇرگىزىلدى.

اكسياعا الماتى وبلىسىنىڭ باسشىلىعى مەن مەملەكەتتىك مەكەمەلەردىڭ وكىلدەرى، قوعامدىق ارداگەرلىك ۇيىمدار مەن بىرلەستىكتەر، تالدىقورعان گارنيزونىنىڭ اسكەري قىزمەتشىلەرى جانە ولاردىڭ وتباسى مۇشەلەرى، تالدىقورعان قالاسىنىڭ وقۋ ورىندارىنىڭ (مەكتەپتەردىڭ، كوللەدجدەر مەن ليسەيلەردىڭ) وقۋشىلارى، باستاپقى اسكەري دايىندىق وقىتۋشىلارى، اسكەري-پاتريوتتىق كلۋبتار مەن ۇيىرمەلەردىڭ تاربيەلەنۋشىلەرى، شاقىرىلۋشىلاردىڭ اتا-انالارى جانە قالا جاستارى قاتىستى. شارا اياسىندا قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرى مەن اسكرەي قۇرالىمدارىنىڭ قازىرگى زامانعى قارۋ-جاراعى مەن كيىم-كەشەگى، 48386 اسكەري ءبولىمى اسكەري قىزمەتشىلەرىنىڭ قويان-قولتىق ۇرىس بويىنشا  كورسەتىلىمدەرى، 18404، 54380، 21751، 78639 اسكەري بولىمدەرىنىڭ كوركەمونەرپازدار كونسەرتى، قازاق حاندىعىنىڭ 550 جىلدىعىنا ارنالعان تەاترلاندىرىلعان قويىلىم، سونداي-اق جاستاردىڭ فلەشموبى كورسەتىلدى.  

دەرەككوز: قاز-اقپارات