استانا. قازاقپارات - قوستاناي وبلىسىندا ءداندى داقىلداردى جيناۋ اياقتالدى، دەپ حابارلايدى وبلىس اكىمدىگىنىڭ باسپا ءسوز قىزمەتىنەن. 
كۇردەلى اۋا رايى جاعدايلارىنا كاراماستان، وبلىستىڭ ەگىنشىلەرى 4 018 مىڭ گا القاپتان 5 ملن. توننا استىق جيناي وتىرىپ، ەلدىڭ ازىق-تۇلىك قاۋىپسىزدىگىن قامتاماسىز ەتۋگە ەلەۋلى ۇلەس قوستى، وبلىس بويىنشا ەگىننىڭ ورتاشا ونىمدىلىگى 12،4 س/گا قۇرادى.

فەدوروۆ اۋدانى (16،8س/گا،) مەندىقارا، سارىكول جانە ۇزىنكول اۋداندارى (15،8س/گا) شارۋاشىلىقتارىندا ەگىن ونىمدىلىگى نەعۇرلىم كوبىرەك بولدى.
ەگىن وراعى ناۋقانىنا ءدان جينايتىن 12 مىڭ كومباين، 3 مىڭنان استام دەستەلەگىش، 8،6 مىڭ جۇك ءاۆتوموبيلى، 18،6 مىڭ تراكتور تىركەمەسى جانە باسقا دا تەحنيكا ىسكە قوسىلدى.

بيىلعى جىلى وبلىس اگرارشىلارى وتكەن جىلداردىڭ تاجىريبەسىن ەسكەرە وتىرىپ 4،5 ملرد. تەڭگەدەن استام سوماعا قوسىمشا 259 تراكتور، 131 كومباين، 160 دەستەلەگىش، 15 ءدان كەپتىرگىش جانە باسقا دا كوپتەگەن اۋىلشارۋاشىلىق تەحنيكاسىن ساتىپ الدى.

سونداي-اق سولتۇستىك وڭىرلەردىڭ شارۋشىلىقتارىنا كومەك كورسەتۋ ءۇشىن ەگىن جيناۋدى اياقتاعان وڭتۇستىك اۋدانداردان 200 كومباين اكەلىندى. 

جينالعان ءداندى ساقتاۋ ءۇشىن جالپى سىيىمدىلىعى 7،0 ملن. توننا ەليەۆاتورلىق ساقتاۋ ورىندارى مەن اۋىلشارۋاشىلىق قۇرىلىمدارىنىڭ استىق قويمالارى ۋاقتىلى دايىندالدى.

قازىرگى ۋاقىتتا وبلىستىڭ ەليەۆاتورلارىنا 1 ملن. 391 مىڭ توننا جاڭا استىق، سونىڭ ىشىندە 1 ملن. 208 مىڭ توننا بيداي ءتۇستى، ونىڭ 703 مىڭ تونناسى نەمەسە 58%-ى 3 كلاسقا، 479 مىڭ تونناسى نەمەسە 40%-ى 4-5 كلاسقا جاتادى. 

الداعى جىلعى ەگىسكە 548 مىڭ توننا تۇكىم دايىندالدى.

كارتوپ جيناۋ دا اياقتالدى. 3312 گا القاپتان 57 مىڭ توننادان استام كارتوپ جينالدى، ورتاشا ونىمدىلىگى -173 س/گا قۇرادى.

دەرەككوز: قازاقپارات