قىزىلوردا. قازاقپارات - بۇگىن قازالى اۋدانىنىڭ ورتالىعى  ايتەكە بي كەنتى كوگىلدىر وتىنعا قوسىلدى، دەپ حابارلادى اۋداندىق اكىمدىكتىڭ باسپا ءسوز قىزمەتىنەن.
 40 مىڭنان استام تۇرعىنى بار كەنتتەگى شاراعا قىزىلوردا وبلىسىنىڭ اكىمى قىرىمبەك كوشەربايەۆ جانە «قازترانسگازايماق» اق باس ديرەكتورىنىڭ ءبىرىنشى ورىنباسارى عالىم ايدوسوۆ قاتىستى.

قىزىلوردا وبلىسى اكىمدىگى مەن "قازترانسگاز" اق اراسىندا بىلتىر جاسالعان مەموراندۋمعا سايكەس، جاڭاقورعان، شيەلى، قازالى جانە ارال اۋداندارى مەن بايقوڭىر قالاسىن گازداندىرۋعا قاجەتتى قاراجات بولىنگەن. ال، وبلىستىڭ قالعان اۋداندارى كەلەسى جىلى گازبەن قامتىلاتىن بولادى.

-الدىمەن بارشاڭىزعا ەلباسىنىڭ ىستىق سالەمىن جەتكىزەيىن. ەكى كۇندىك جۇمىس ساپارىمەن بولعان مەملەكەت باسشىسى ايماقتا اتقارىلىپ جاتقان جۇمىستارعا جوعارى باعاسىن بەردى. بۇل وبلىس حالقىنىڭ جۇمىلا جۇمىس جاساۋىنىڭ ناتيجەسى. وسىنداي يگى شارانىڭ بىرىنە بۇگىن تاعى كۋا بولىپ وتىرمىز. وتكەن اپتالاردا جاڭاقورعان مەن شيەلى اۋدانى كوگىلدىر وتىنعا قوسىلدى. كەلەر جىلى قالعان ءۇش اۋداندا گازداندىرۋ جۇمىسى باستالادى. سول كەزدە وبلىس حالقىنىڭ 83 پايىزى كوگىلدىر وتىنعا قول جەتكىزەدى، - دەدى وبلىس اكىمى ق.كوشەربايەۆ.

- جۇزەگە اسىرىلىپ جاتقان ينۆەستيسيالىق جوبا اياسىندا ءبىر عانا قىزىلوردا وبلىسىندا بيىل 1250 كم گاز قۇبىرى سالىندى. «قازترانسگاز» الەۋمەتتىك جاۋاپكەرشىلىكتى جوعارى قوياتىن كومپانيا. ىستەپ وتىرعان جۇمىسىمىز تۇگەلدەي حالىقتىڭ تۇرمىسىن جاقسارتۋعا ەلىمىزدىڭ ءال-اۋقاتىن ارتتىرۋعا باعىتتالعان، - دەدى «قازترانسگازايماق» اق باس ديرەكتورىنىڭ ءبىرىنشى ورىنباسارىعالىمايدوسوۆ.

ايتەكە بي كەنتىندە بۇگىن ۇيىنە العاش بولىپ كوگىلدىر وتىندى كىرگىزگەن قۇسانوۆتار وتباسى. ولاردىڭ قۋانىشىندا شەك جوق. تالاي جىلعى ارماندارى ورىندالعانىنا ريزا.

- بۇرىن ۇيدە وت جاعىپ، اۋرەگە تۇسەتىنبىز. ساتىپ الاتىن كومىرىمىزگە دە كوپ قارجى جۇمسادىق. ەندى بۇل قيىنشىلىقتار ارتتا قالدى، - دەيدى اۋدان ءتۇرعىنىۇرپاتشا ايماعامبەتوۆا.

دەرەككوز: قازاقپارات