تالدىقورعان- استانا. قازاقپارات - 19 قازاندا قازاقستاندا رەسمي تىركەلگەن ديپلوماتيالىق كورپۋستىڭ جانە الەمدىك وزىق ب ا ق وكىلدەرى «قورعاس-شىعىس قاقپاسى» اەا نىساندارى، «التىنكول» ستانساسى، قازاقستان-قىتاي حالىقارالىق شەكارالىق ىنتىماقتاستىق ورتالىعىندا بولدى (حشىو)، دەپ حابارلايدى قتج باسپا ءسوز قىزمەتى.
اەا-دا كەزدەسۋگە «قازاقستان تەمىر جولى» ۇك» اق باسشىلىعى مەن ق ر سىرتقى ىستەر ءمينيسترى ەرلان ىدىرىسوۆ، الماتى وبلىسىنىڭ اكىمى اماندىق باتالوۆ قاتىستى.   

«قتج» ۇك» اق سالعان «قورعاس-شىعىس قاقپاسى» اەا جاڭا ەكونوميكالىق ساياسات «نۇرلى جول» باعدارلاماسى نىساندارىنىڭ ءبىرى.

پرەزيدەنت ن.نازاربايەۆ اتاپ وتكەندەي، «قازاقستاننىڭ جاڭا ەكونوميكالىق ساياساتىنىڭ نەگىزى - ينفراقۇرىلىمدى دامىتۋ. «نۇرلى جول» باعدارلاماسى اياسىندا جۇزەگە اسىرىلىپ جاتقان جوبالار ەكونوميكالىق ءوسۋدىڭ ينفراقۇرىلىمدىق نەگىزىن قامتاماسىز ەتۋگە باعىتتالعان». 

جەتىگەن - قورعاس، جەزقازعان - بەينەۋ تەمىر جول جەلىلەرى، باتىس ەۋروپا - باتىس جۇڭگو اۆتوموبيل ءدالىزى مەن اقتاۋ تەڭىز پورتى، «قورعاس- شىعىس قاقپاسى» اەا قازاقستاننىڭ الەمدىك كولىك جانە ساۋدا جۇيەسىنە ىقپالداسۋىن قامتاماسىز ەتەدى.

جۇڭگو، وڭتۇستىك-شىعىس ازيا ەلدەرى، سونداي-اق ەۋروپا، پارسى شىعاناعى ت.ب ماڭىزدى باعىتتاردىڭ توعىساتىن جەرىندە ورنالاسقان «قورعاس - شىعىس قاقپاسى» اەا جاڭا جىبەك جولى جەلىسىندەگى جۇك اعىندارىن شوعىرلاندىرۋ ورتالىعى بولىپ تابىلادى. قازاقستاننىڭ مۋلتيمودالدىق لوگيستيكالىق جەلىسىن دامىتۋعا قولايلى مۇمكىندىگى، ءىرى وندىرىستىك كاسىپورىنداردا جانە ساۋدا جۇيەلەرىن ۇيىمداستىرۋدا الەمدىك دەڭگەيدەگى بولاشاعى زور ديستريبۋسيالىق ورتالىق بولىپ قالىپتاسۋعا الەۋەتى جەتكىلىىكتى. 

«قورعاس - شىعىس قاقپاسى» اەا-دا ديپلوماتيالىق ميسسيالاردىڭ الدىندا «قتج» ۇك» اق ۆيسە-پرەزيدەنتى قانات الپىسبايەۆ ءسوز سويلەدى. «قازاقستان، ەۋرازيانىڭ قاق ورتاسىندا ورنالاسىپ، ترانزيتتىك الەۋەتتىڭ دامۋىنا ەرەكشە كوڭىل بولەدى. بۇگىن، قازاقستان مەن جۇڭگو اراسىنداعى قۇرعاق جۇك ءدالىزى كولىك-ترانزيتتىك الەۋەتىن ارتتىرۋ ماقساتىندا شەكارادا 40 ملن.توننادان جوعارى كولەمدە جۇك تاسىمالداۋعا مۇمكىندىك بەرەتىن تەمىر جول جانە لوگيستيكالىق ينفراقۇرىلىم سالىندى»،- دەدى. سونداي-اق، «قتج» ۇك» اق كولىك جانە لوگيستيكا قىزمەتتەرىن ۇسىنۋعا دايىن. سوڭعى 5 جىلدا قىتاي-ەۋروپا باعدارىنداعى ترانزيت كولەمى 17 ەسە وسكەن.

دەرەككوز: قازاقپارات