قىزىلوردا. قازاقپارات - سىر وڭىرىندەگى كاسىپكەرلەر پالاتاسىنىڭ ارال اۋداندىق فيليالى جانىنداعى كاسىپكەرلىكتى قولداۋ ورتالىقتارى جۇمىسىنىڭ ناتيجەسىندە اۋداندا جالپى قۇنى 253 ملن.تەڭگە بولاتىن 28 جوبا جۇزەگە اسىرىلۋدا. بۇل تۋرالى وبلىستىق كاسىپكەرلەر پالاتاسىنىڭ باسپا ءسوز قىزمەتى حابارلادى.
«كاسىپكەرلەر پالاتاسىنىڭ نەگىزگى ماقساتى اۋدانىمىزدا كاسىپكەرلىك سالاسىن دامىتۋ جانە بيزنەس احۋالدى جاقسارتۋ»، - دەگەن اۋداندىق فيليال ديرەكتورى قادىرحان ەڭسەپوۆ كاسىپكەرلەردىڭ قۇقىقتارىن قورعاۋ جانە مۇددەلەرىنە وكىلدىك ەتۋمەن قاتار، ەڭ نەگىزگى باعىت - كاسىپكەرلەردىڭ مەملەكەتتىك باعدارلامالارعا قاتىسۋىنا جاردەمدەسۋدە ەكەندىكتەرىن، ورتالىق كەڭەسشىلەرى ارقىلى كاسىپكەرلەرگە بيزنەس-جوسپارلار تەگىن جاساپ بەرىلىپ، ەكىنشى دەڭگەيلى بانكتەر جانە وڭىرلىك ينۆەستيسيالىق ورتالىق ارقىلى قارجىلاندىرىلۋىنا تولىق سۇيەمەلدەۋ جاسالىپ جاتقاندىعىن جەتكىزدى.

جالپى ارال اۋدانى بويىنشا 3500-گە جۋىق كاسىپكەر بار. سولاردىڭ ءبىرى سايلاش جۇبانيازوۆا. ارالعا شەت ەلدەن قوناقتار ءجيى كەلەدى. وسى ورايدا، قوناق ءۇي بيزنەسىمەن اينالىسقان سايلاش بيىلعى جىلدىڭ ماۋسىم ايىندا اۋداندىق كاسىپكەرلەر پالاتاسىنىڭ كومەگىمەن وڭىرلىك ينۆەستيسيالىق ورتالىقتان قارجىلاي قولداۋ الىپ، قوناق ءۇيىن قايتا جاڭعىرتۋدان وتكىزەدى. 20 ورىندىق قوناق ۇيدە كەلۋشىلەرگە بارلىق جاعداي جاسالعان. جايلى ءارى جىلى بولمەلەر، كىتاپحانا جانە اسحانا - بارلىعى تالاپقا ساي.

جالپى، كاسىپكەرلەردى، ونىڭ ىشىندە اۋىل تۇرعىندارىنىڭ بارلىق قارجىلاندىرۋ تەتىكتەرىنە  قاتىسۋ بەلسەندىلىگىن ارتتىرۋ ماقساتىندا  قۇرىلعان «قىزىلوردا» وڭىرلىك ينۆەستيسيالىق ورتالىعى وبلىستا ارقىلى ەسەپتى كەزەڭدە 249 ملن.64 مىڭ تەنگە  بولاتىن 43 جوبا قارجىلاندىرىلىپ، جۇمىس جاساۋدا.   

دەرەككوز: قازاقپارات