استانا. قازاقپارات - بۇگىن اقتوبە رەلس-ارقالىعى زاۋىتى (اراز) وتاندىق رەلس ونىمدەرى پروكاتىن شىعاردى.
سالتاناتتى ءىس-شاراعا «قتج» ۇك» اق پرەزيدەنتى ا.مامين، «Siemens S.p.a» كومپانياسىنىڭ باس ديرەكتورى دجۋزەپپە فەرراريو، ق ر ينۆەستيسيالار جانە دامۋ ءمينيسترى اسەت يسەكەشيەۆ، اقتوبە وبلىسىنىڭ اكىمى بەردىبەك ساپاربايەۆ، قىرعىزستان كولىك جانە كوممۋنيكاسيا ءمينيسترى ارعىنبەك مالابايەۆ، «ءازىربايجان تەمىر جولدارى» ج ش س  ءتوراعاسى دجاۆيد گۋربانوۆ قاتىسىپ، ءسوز سويلەدى.

شاراعا قاتىسۋشىلار قاتارىندا پارلامەنت دەپۋتاتتارى، تمد جانە بالتىق جاعالاۋى ەلدەرى  تەمىر جول اكىمشىلىكتەرى مەن تەمىر جول ونىمدەرىن شىعاراتىن كاسىپورىنداردىڭ  وكىلدەرى بولدى.

«قازاقستان تەمىر جولى» ۇك» اق پرەزيدەنتى ا. ءماميننىڭ ايتۋىنشا، مەملەكەت باسشىسىنىڭ يندۋستريالىق باعدارلاماعا ساي تاپسىرماسىمەن قازاقستاندا قىسقا مەرزىمدە تەمىر جول كولىگىن جاساۋدىڭ جاڭا سالاسى قالىپتاستى. الەمدىك جەتەكشى كومپانيالار General Elektric،  Alstom،Talgo، Siemens قاتىسۋىمەن جۇك جانە جولاۋشىلار تەپلوۆوزدارىن، ەلەكتروۆوزدار، ۆاگوندار، ءىرى ۆاگون قۇيمالارىن، ينفراقۇرىلىمدىق تەحنيكالىق قۇرالدار شىعارىلا باستادى.

 ا. مامين سونداي اق، تۇڭعىش وتاندىق رەلس ءونىمىنىڭ قازاقستاننىڭ يندۋستريالىق تاريحىندا  ماڭىزدى وقيعا ەكەندىگىنە توقتالدى.

اراز-دىڭ جوبالىق قۋاتى جىلىنا 430 مىڭ توننا مەتالل ونىمدەرىن شىعارۋعا جەتەدى. ونىڭ باستى ءونىمى تەرموقىسىمعا شىدامدى ر-65 ماركالى ۇزىندىعى 120 مەترگە جەتەتىن جوعارى جىلدامدىقتى ماگيسترالعا ارنالعان رەلستەر شىعارادى. وعان قوسا، جىلىنا 230 مىڭ توننا رەلس ارقاۋلارى، بۇرىشتامالار، شۆەللەرلەر شىعارادى. بۇل تەمىر جول ونىمدەرى قازاقستاندى عانا ەمەس، كورشىلەس مەملەكەتتەردىڭ دە سۇرانىسىن قاناعاتتاندىرادى.

سونداي-اق، بۇل كۇنى قازاقستانداعى تەمىر جول كولىگى ماشيناسىن جاساۋ سالاسىندا سەرىكتەستىك جانە بولاشاعىنا ارنالعان دوڭگەلەك ۇستەل وتىرىسى دا وتكىزىلدى. ونداعى تالقىلاۋ بارىسىندا قازاقستاندىق «تۇلپار-تالگو»، «ەلەكتروۆوز قۇراستىرۋ زاۋىتى» (ەقز)، «لوكوموتيۆ قۇراستىرۋ زاۋىتى (لقز) زاۋىتتارىنداعى تەمىر كولىگى ونىمدەرىنىڭ تۇساۋكەسەرى جاسالىپ، ونى ەكسپورتقا شىعارۋدىڭ «قازاقستاننىڭ دامۋ بانكى» اق قولداۋىمەن جۇزەگە اسىرۋ جايى ساراپتالدى.

دوڭگەلەك ۇستەلگە قاتىسۋشىلاردىڭ ايتۋىنشا، ەۋرازيالىق ايماقتاعى تەمىر جول كولىگى ماشينالارى ونىمدەرىن شىعاراتىن زاۋىتتار مەن قارجىلىق ينستيتۋتتاردىڭ اراسىندا تىعىز قارىم-قاتىناس ورناعان.

ونىڭ ىشىندە اتاپ ايتارلىعى، قازاقستاندىق ەكسپورتتا «قازاقستاننىڭ دامۋ بانكى» اق قولداۋ جۇيەسى تۋرالى باسقارما ءتوراعاسى ب.جامىشيەۆ باياندادى. ونىڭ ايتۋىنشا، بانك اراز قۇرىلىسىن قارجىلاندىرىپ قانا قويماي، ەندىگى جەردە ونىڭ شەتەلدىك تۇتىنۋشىلارعا وتكىزۋ جايىن دا مىندەتىن الىپ وتىر.

دوڭگەلەك ۇستەل وتىرىسىندا ازەربايجان، بەلارۋس، گرۋزيا، وزبەكستان، تاجىكستان، قىرعىزستانعا  اراز دايىن ونىمدەرىن جەتكىزۋ تۋرالى مەموراندۋمعا قول قويىلدى، دەپ حابارلايدى «قتج» ۇك» اق باسپا ءسوز قىزمەتىنەن. 

دەرەككوز: قازاقپارات