ەكولوگيا جانە تابيعي رەسۋرستار ءمينيسترى ەرلان نىسانبايەۆ ءورت شىعۋ ءقاۋىپى جوعارى ماۋسىمنىڭ باستالۋىنا بايلانىستى قازاقستاندىقتارعا ۇندەۋ جاسادى.
ءمينيستردىڭ ايتۋىنشا، بىلتىر ىلعال كوپ بولۋىنا بايلانىستى دالا مەن ورماندا ءشوپتىڭ قالىڭ شىعۋى بايقالدى، بۇل بولسا بيىل ءورت ءقاۋپىن ارتتىرىپ وتىر.
"بىلتىر وتە ىلعالدى بولدى جانە ءبارىڭىز بايقاعان بولارسىز دالادا دا، ورماندا دا ءشوپ بيىك شىقتى. بيىل ول قيىندىق تۋعىزادى – قۇرعاق ءشوپ جانادى. ارينە، بۇل جەردە سىزدەردىڭ كومەكتەرىڭىزسىز بولمايدى. سوندىقتان سىزدەرگە جۇگىنەمىن – دالا ورتتەرىنە بەي-جاي قاراماڭىزدار"، – دەدى مينيستر.
ەرلان نىسانبايەۆ ءورت وشاقتارىن بايقاساڭىز، دەرەۋ ءتيىستى قىزمەتتەرگە نەمەسە ءتجم-نىڭ جەدەل جەلىلەرىنە حابارلاۋ قاجەت ەكەنىن باسا ايتتى.
