"حالىقارالىق باعدارلامالار ورتالىعى" اق باسقارما ءتوراعاسى ءادىل قۇسمانوۆ "بولاشاق" باعدارلاماسىنا جاس شەكتەۋىن ەنگىزۋ تۋرالى ايتتى.
"ۋادە" باعدارلاماسىنا بەرگەن ەكسكليۋزيۆتى سۇحباتىندا ءادىل قۇسمانوۆ ءبىلىم بەرۋ باعدارلاماسىنىڭ 78 جاستاعى قاتىسۋشىسىنىڭ جاعدايىنا قاتىستى پىكىر ءبىلدىردى. ول بۇعان دەيىن ۇمىتكەرلەر ءۇشىن جاس شەكتەۋلەرى بولماعانىن، ءتىپتى زەينەتكەرلىك جاسقا تولعاندار دا ءوتىنىش بەرە الاتىنىن اتاپ ءوتتى. ەندى ءمينيستردىڭ بۇيرىعىنا وزگەرىستەر ەنگىزىلدى.
ەندى عىلىمي تاعىلىمدامادان ءوتۋدىڭ جاس شەگى ەرلەر ءۇشىن 59 جاس، ايەلدەر ءۇشىن 57 جاس بولىپ بەلگىلەندى. بۇيرىق ءقازىردىڭ وزىندە بەكىتىلىپ، كۇشىنە ەندى.
2025 جىلعى 10 ساۋىردە مەملەكەت باسشىسى قاسىم-جومارت توقايەۆ عىلىم قىزمەتكەرلەرى كۇنى قارساڭىندا وتاندىق عالىمدارمەن كەزدەسىپ، ولاردى كاسىبي مەرەكەلەرىمەن قۇتتىقتادى.
