جامبىل وبلىسىنىڭ پروكۋرورلارى ءىرى كولەمدەگى بيۋدجەت قاراجاتىن جىمقىرۋ دەرەگىن انىقتادى.
قورداي اۋدانىنىڭ پروكۋراتۋراسى مەكتەپكە دەيىنگى مەكەمەنىڭ جان باسىنا شاققانداعى قارجىلاندىرۋعا ارنالعان 45،2 ميلليون تەڭگە كولەمىندەگى بيۋدجەت قاراجاتىن جىمقىرۋ دەرەگىن انىقتادى.
"ەكى جىل بويى بالاباقشا باسشىلىعى مەكتەپكە دەيىنگى ۇيىمعا مۇلدەم كەلمەگەن بالالار ءۇشىن زاڭسىز بيۋدجەت قاراجاتىن الىپ وتىرعان.
2025 جىلعى 11 ناۋرىزدا ءىرى كولەمدەگى بيۋدجەت قاراجاتىن جىمقىرۋ دەرەگى اۋدان پروكۋراتۋراسىنىڭ سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە قىلمىستىق كودەكستىڭ 189-بابى 4-بولىگىنىڭ 2)تارماعىمەن تىركەلدى"، - دەلىنگەن حابارلامادا.
تەرگەپ-تەكسەرۋ جامبىل وبلىسى بويىنشا سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنتىنە تاپسىرىلعان.
قىلمىستىق-پروسەستىك كودەكستىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريالانبايدى.
