رەسەي فەدەرالدىق ۆەتەرينارلىق جانە فيتوسانيتارلىق قاداعالاۋ قىزمەتى (روسسەلحوزنادزور) قازاقستاننان بيداي مەن جاسىمىق اكەلۋگە قويىلعان شەكتەۋدى الىپ تاستاۋ تۋرالى شەشىم قابىلدادى. شەشىم 22 ساۋىردەن باستاپ كۇشىنە ەندى.
“2025 جىلدىڭ 22 ساۋىرىنەن باستاپ قازاقستان رەسپۋبليكاسىنان رەسەي فەدەراسياسىنىڭ اۋماعىنا كارانتينگە جاتقىزىلعان ونىمدەردى اكەلۋگە قويىلعان ۋاقىتشا شەكتەۋلەر الىنىپ تاستالادى"، - دەلىنگەن رەسەي فەدەرالدىق ۆەتەرينارلىق جانە فيتوسانيتارلىق قاداعالاۋ قىزمەتى سايتىندا جاريالانعان حابارلامادا”.
ۆەدومستۆو قازاقستاننان رەسەي فەدەراسياسىنا بيداي، جاسىمىق، زىعىر تۇقىمى جانە باسقا دا اۋىل شارۋاشىلىعى ونىمدەرىن يمپورتتاۋعا شەكتەۋلەردى 2024 جىلدىڭ قازان ايىندا ەنگىزگەن ەدى. قاداعالاۋ قىزمەتى وكىلدەرى مۇنى قازاقستان بىرنەشە جىل بويى جارامسىز فيتوسانيتارلىق سەرتيفيكاتتار قولدانىپ كەلگەنىمەن جانە رەسەيگە كوبىندە بۇزىلعان ونىمدەردى تاسىمالداۋىمەن ءتۇسىندىردى . ق ر اۋىل شارۋاشىلىعى مينيسترلىگى بۇل ايىپتاۋلاردى جوققا شىعاردى. استىق وداعى بولسا بۇل جايتتى ەلدەر اراسىنداعى "ساۋدا سوعىسى بولۋى مۇمكىن" دەپ اتادى.
قاڭتار ايىنىڭ ورتاسىندا رەسەي فەدەرالدىق ۆەتەرينارلىق قاداعالاۋ قىزمەتى قازاقستان رەسەيگە استىق يمپورتتاۋعا قويىلعان شەكتەۋلەردى بۇزىپ جاتقانىن حابارلادى. ۆەدومستۆو وكىلدەرى قازاقستان تارابى رەسەي فەدەراسياسىنا بۇزىلعان بيداي، زىعىر تۇقىمدارى مەن جاسىمىق ەكسپورتتاعانىن مالىمدەپ، قازاقستاننىڭ اۋىل شارۋاشىلىعى مينيسترلىگىنەن "كەشەندى شارالار قابىلداۋ" تالاپ ەتىلدى.
