گازبەن جۇرەتىن اۆتوموبيلدەر سانى 677 مىڭعا جەتكەن. بۇل تۋرالى ۇكىمەت وتىرىسىندا ەنەرگەتيكا ءمينيسترى ەرلان اقكەنجەنوۆ مالىمدەدى.
مينيسترلىك اي سايىن وڭىرلەر بويىنشا شامامەن 130 مىڭ توننا سۇيىتىلعان گاز بولەدى. الايدا، گاز تاراتۋ كولەمى وڭىرلەردىڭ قاجەتتىلىگىنەن 25-30 مىڭ تونناعا نەمەسە 23% - عا از. ىشكى ىستەر مينيسترلىگىنىڭ اقپاراتى بويىنشا، 2024 جىلى گازبەن جۇرەتىن اۆتوموبيلدەر سانى 677 مىڭ بىرلىككە جەتتى نەمەسە 2023 جىلمەن سالىستىرعاندا 16% - عا ءوستى، - دەيدى اقكەنجەنوۆ.
ءمينيستردىڭ سوزىنشە، ونىڭ سەبەبى - سۇيىتىلعان گاز باعاسى ارزان.
سۇيىتىلعان گاز باعاسىنىڭ تومەن دەڭگەيىنىڭ بەلگىلەنۋىنە بايلانىستى ەلىمىزدىڭ اۆتوكولىك جۇرگىزۋشىلەرىنىڭ وتىننىڭ وسى تۇرىنە اۋىسۋى بايقالادى. بۇل ءوز كەزەگىندە تۇتىنۋدىڭ وسۋىنە سەبەپ، - دەيدى ۆەدومستۆو باسشىسى.
