"قازگيدرومەت" رمك سينوپتيكتەرى 2025 جىلدىڭ مامىر ايىنا ارنالعان اۋا رايى بولجامىن ۇسىندى – كوكتەمنىڭ سوڭعى ايى جىلى بولادى.

سينوپتيكتەردىڭ بولجاۋىنشا، مامىر ايىندا اۋانىڭ ورتاشا تەمپەراتۋراسى قازاقستاننىڭ كوپ بولىگىندە نورمادان 1° جوعارى، شىعىس قازاقستان وبلىسىندا، الماتى وبلىسىنىڭ وڭتۇستىك-شىعىس جارتىسىندا، جەتىسۋ، اباي وبلىستارىندا نورماعا جۋىق بولادى دەپ كۇتىلۋدە.

مامىردا جاۋىن-شاشىن مولشەرى رەسپۋبليكانىڭ باسىم بولىگىندە نورمادان از، ەلىمىزدىڭ سولتۇستىك-باتىس جانە سولتۇستىك وبلىستارىندا، قىزىلوردا، تۇركىستان، جامبىل وبلىستارىنىڭ وڭتۇستىگىندە، الماتى، شىعىس قازاقستان، جەتىسۋ، اباي وبلىستارىنىڭ وڭتۇستىك-شىعىسىندا نورماعا جاقىن بولادى دەپ بولجانىپ وتىر.

مامىردىڭ ءبىرىنشى ونكۇندىگىندە رەسپۋبليكانىڭ وڭتۇستىگى مەن وڭتۇستىك-باتىسىندا كۇن كۇركىرەپ، جاڭبىر جاۋادى، ەكپىندى جەل، شاڭدى داۋىل كۇتىلەدى، تەك جەكەلەگەن كۇندەرى رەسپۋبليكا اۋماعىندا كوشپەلى بۇلتتى كۇن رايى بولجانىپ وتىر، جاۋىن-شاشىن از تۇسەدى.

اۋا تەمپەراتۋراسى كەلەسى دياپازوندا بولادى دەپ كۇتىلەدى:

ەلدىڭ باتىسىندا تۇندە +4...+9°س-تان +9...+14°س دەيىن، كۇندىس +15...+20°س-تان +22...+30°س دەيىن؛

رەسپۋبليكانىڭ وڭتۇستىك-باتىسىندا تۇندە +10...+15°س پەن +12...+20°س ارالىعىندا، كۇندىز +20...+25°س-تان +25...+33°س دەيىن؛

سولتۇستىك-باتىستا، سولتۇستىكتە، قازاقستاننىڭ ورتالىعىندا تۇندە 0...+5°س، 1-6°، +8...+15°س دەيىن، كۇندىز +10...+18°س-تان +23...+30°س دەيىن.

رەسپۋبليكانىڭ وڭتۇستىگىندە اۋا تەمپەراتۋراسى تۇندە +5...+12°C-تان +15...+20°C-قا دەيىن، كۇندىز +18...+25°C-تان +28...+35°C-قا دەيىن بىرتىندەپ جوعارىلايدى دەپ كۇتىلەدى.

مامىردىڭ ەكىنشى جانە ءۇشىنشى ونكۇندىگىندە رەسپۋبليكانىڭ باسىم بولىگىندە اۋا تەمپەراتۋراسى تۇندە +2...+7°س-تان +10...+15°س-قا دەيىن، كۇندىز +10...+15°س-تان +25...+30°س-قا دەيىن اۋىتقيدى، تۇندە سۋىق انتيسيكلون اسەرىنەن كەي كۇندەرى اۋا تەمپەراتۋراسى 1-6° دەيىن تومەندەۋى مۇمكىن.

رەسپۋبليكانىڭ وڭتۇستىگى مەن وڭتۇستىك-شىعىسىندا اۋا تەمپەراتۋراسى +28...+36°س دەيىن كوتەرىلەدى، الايدا ىستىق كۇندەردىڭ ارتى سالقىن كۇندەرگە ۇلاسىپ، اۋا تەمپەراتۋراسى +20...+25°س بولادى، توپىراق بەتىنە اركتيكالىق اۋا ماسسالارى ەنگەن كەزدە 2°-قا دەيىن اياز بولۋى مۇمكىن.