قانداس مارتەبەسىن بەرۋ ءتارتىبى قايتا قارالادى

/uploads/thumbnail/20250512160246451_big.webp

2025 جىلعى 25 ساۋىردە ق ر پرەمەر-مينيسترى ولجاس بەكتەنوۆ «قانداس مارتەبەسىن بەرۋ تەتىگىن وزگەرتۋ بويىنشا ۇسىنىستار ازىرلەۋ ءۇشىن جۇمىس توبىن قۇرۋ تۋرالى» № 68 وكىمگە قول قويدى.

وكىمگە سايكەس، قانداس مارتەبەسىن بەرۋ تارتىبىنە زاڭنامالىق وزگەرىستەر ەنگىزۋ جونىندەگى ۇسىنىستاردى ازىرلەۋ ماقساتىندا جۇمىس توبى قۇرىلدى. جۇمىس توبى 2025 جىلعى 30 مامىرعا دەيىن قانداس مارتەبەسىن بەرۋ ءراسىمىن قايتا قاراۋ بويىنشا زاڭنامالىق تۇزەتۋلەردى ازىرلەپ، ولاردى ق ر ۇكىمەتى اپپاراتىنا ەنگىزۋى ءتيىس.

وكىمنىڭ ورىندالۋىن باقىلاۋ جانە جۇمىس توبىنىڭ قىزمەتىن ۇيلەستىرۋ ق ر پرەمەر-مينيسترىنىڭ ورىنباسارى ەرمەك كوشەربايەۆقا جۇكتەلدى.

جۇمىس توبىنىڭ قۇرامىنا كىرگەندەر:

  • ق ر پرەمەر-مينيسترىنىڭ ورىنباسارى (توپ باسشىسى)؛

  • ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى (توپ باسشىسىنىڭ ورىنباسارى)؛

  • ق ر ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ ءتوراعاسى (توپ حاتشىسى)؛

  • ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى (كەلىسىم بويىنشا)؛

  • ق ر ادىلەت ۆيسە-مينيسترى؛

  • ق ر عىلىم جانە جوعارى ءبىلىم ۆيسە-مينيسترى؛

  • ق ر دەنساۋلىق ساقتاۋ ۆيسە-مينيسترى؛

  • ق ر مادەنيەت جانە اقپارات ۆيسە-مينيسترى؛

  • ق ر وقۋ-اعارتۋ ۆيسە-مينيسترى؛

  • ق ر سىرتقى ىستەر ءمينيسترىنىڭ ورىنباسارى؛

  • ق ر ۇلتتىق ەكونوميكا ۆيسە-مينيسترى؛

  • ق ر سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى؛

  • ق ر ىشكى ىستەر ءمينيسترىنىڭ ورىنباسارى؛

  • ق ر ۇكىمەتى اپپاراتىنىڭ الەۋمەتتىك دامۋ ءبولىمىنىڭ مەڭگەرۋشىسى؛

  • وبلىستاردىڭ، رەسپۋبليكالىق ماڭىزى بار قالالار مەن استانانىڭ اكىمدەرىنىڭ ورىنباسارلارى.

انىقتاما رەتىندە:
2025 جىلعى 24 ساۋىردەگى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتى بويىنشا، بيىل 3 200-دەن استام ەتنيكالىق قازاق قانداس مارتەبەسىن الدى.

سونداي-اق، مينيسترلىكتىڭ بۇيرىعىمەن 2025 جىلعا ارنالعان قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسى 9 653 ادامدى قۇرادى. بۇل كورسەتكىش 2024 جىلمەن سالىستىرعاندا 170 ادامعا ارتىق.

قاتىستى تەگتەر :

قاتىستى ماقالالار