الماتى. قازاقپارات - بۇگىن الماتىدا «ستۋدەنت جاستار اراسىندا جەمقورلىقتىڭ الدىن الۋ: ماسەلەلەر جانە ولاردىڭ شەشۋ جولدارى» اتتى تاقىرىپتا كونفەرەنسيا ءوتتى. 
«بۇگىنگى فورۋمنىڭ باستى ماقساتى - ەلباسى ۇسىنعان ۇلت جوسپارى - «100 ناقتى قادامدى» جۇزەگە اسىرۋعا ۇلەس قوسۋ. ياعني، بۇل جەردە جەمقورلىق ارەكەتتەرمەن قوعام بولىپ كۇرەسۋگە جۇمىلۋ. بۇل ستۋدەنتتەرگە دە قاتىستى ماسەلە. ءقازىر كوپتەگەن جوعارى وقۋ ورىندارىندا جەمقورلىققا قارسى ناقتى شارالار جۇزەگە اسىرىلىپ جاتىر. مىسالى، سەسسيا كەزىندە وقۋ ۇدەرىسىن اشىق تۇردە وتكىزۋ قولعا الىندى. ياعني، ول ەندى ەلەكتروندى فورماتتا جۇرگىزىلەدى. ءبىر سوزبەن ايتقاندا، ءبىلىم الۋ ۇدەرىسىنە ادال كوزقاراس قانا جەمقورلىقتى جويۋدىڭ كەپىلى بولا الادى»، -  دەدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ ءبولىم باستىعى ماقساتحان اناپين.

ونىڭ ايتۋىنشا، ءقازىر جوعارى وقۋ ورىندارىندا جەمقورلىققا قارسى كۇرەستە ايتارلىقتاي وڭ وزگەرىستەر بايقالۋدا. بيىلعى جىلدىڭ باسىنان بەرى قالادا  37 جوعارى وقۋ ورنىندا ستۋدەنتتەرگە جەمقورلىققا قارسى تالىم-تاربيە بەرۋ كۋرسى ەنگىزىلگەن.

كونفەرەنسياعا  ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ وكىلدەرى  جانە قالاداعى ءبىرقاتار جوعارى وقۋ ورىندارىنىڭ ۇستازدارى مەن ستۋدەنتەتتەرى قاتىستى.

جيىن سوڭىندا قولدارىنا ءتۇرلى-تۇستى شار ۇستاعان ستۋدەنت جاستار جەمقورلىققا قارسى فلەش-موب ۇيىمداستىردى.

دەرەككوز: قازاقپارات