قىزىلوردا. قازاقپارات - قىزىلوردا وبلىسىنىڭ اكىمى قىرىمبەك كوشەربايەۆ ۆەلوشاباندوز، «سaspian Serviسe» كومپانياسىنىڭ قۇرىلتايشىسى اندرەي كاشەچكين جانە يسپانيالىق «ESCATO GROUP» كومپانياسىنىڭ وكىلدەرى حوسە ليۋيس پەن لۋكاس كوكەرامەن كەزدەستى. بۇل تۋرالى وبلىستىق اكىمدىكتىڭ باسپا ءسوز قىزمەتى حابارلادى.
كەزدەسۋ بارىسىندا «بايقوڭىر» برەندىن ناسيحاتتاۋ جانە بايقوڭىر قالاسىنىڭ تۋريستىك الەۋەتىن ارتتىرۋ ماسەلەلەرى تالقىلاندى.

اندرەي كاشەچكين UCI ساناتىنداعى ۆەلوتوپتى قۇرۋ، قازاقستاندا تۋريزم سالاسىن دامىتۋ، بايقوڭىر قالاسىن بۇكىل الەمنەن تۋريستەر كەلەتىن ورتالىق رەتىندە قالىپتاستىرۋ جانە ينۆەستيسيالاردى تارتاتىن «بايقوڭىر» جوباسىن تانىستىردى. ول يميدجدىك جوبالاردى جۇزەگە اسىرۋمەن اينالىساتىن  «ESCATO» كومپانياسىمەن بىرلەسە «بايقوڭىر» برەندىن الەمدىك دەڭگەيدە تانىتپاق.

«تۋعان ەلىمە قايتىپ كەلگەندە ءارقاشان كەۋدەمدى قۋانىش كەرنەيدى. «بايقوڭىر» برەندىن ناسيحاتتاۋعا قۋانا-قۋانا ۇلەس قوسامىن»، - دەدى اندرەي كاشەچكين.

«ءبىز قول قۋسىرىپ وتىرماي بەلسەندى تۇردە ينۆەستورلاردى شاقىرامىز جانە حالىقارالىق قارجى ينستيتۋتتارىمەن بىرلەسە جۇمىس جاسايمىز. جانە دە وبلىسىمىزدىڭ تۋريستىك الەۋەتىن ارتتىرۋعا مۇددەلىمىز. ءسىز بايقوڭىردا ناسيحاتتاۋعا ىقپال ەتۋگە قىزىعۋشىلىق بىلدىرگەنىڭىز ءۇشىن وتە قۋانىشتىمىز»، - وبلىس اكىمى ق.كوشەربايەۆ.

سونداي-اق، ايماق باسشىسى دەلەگاسيا مۇشەلەرىن قاراشا ايىندا وتەتىن بايقوڭىر ينۆەستيسيالىق فورۋىمىنا قاتىسۋعا شاقىردى. 

دەرەككوز. قازاقپارات