16-18 مامىر كۇندەرى الماتى قالاسىندا ءداستۇرلى حالىقارالىق «مۋزەي ءتۇنى – 2025» مادەني اكسياسى وتەدى. بۇل شارا الەمنىڭ تۇكپىر-تۇكپىرىندەگى مۋزەيلەر، گالەرەيالار مەن مادەني مەكەمەلەردىڭ كەشكى جانە تۇنگى ۋاقىتتا ەسىكتەرىن كەلۋشىلەرگە اشىپ، تەگىن نەمەسە سيمۆوليكالىق تولەممەن قىزمەت كورسەتۋىن كوزدەيدى.
18 مامىر كۇنى ساعات 10:00-دەن تۇنگى 00:00-گە دەيىن الماتىدا كەلەسى جەتى ماڭىزدى مۋزەي كەلۋشىلەرگە تەگىن قىزمەت كورسەتەدى:
- الماتى مۋزەيى
- ىقىلاس اتىنداعى حالىق مۋزىكالىق اسپاپتار مۋزەيى
- دىنمۇحامەد قونايەۆ مۋزەيى
- ءسابيت مۇقانوۆتىڭ ءۇي-مۇراجايى
- عابيت مۇسىرەپوۆتىڭ ءۇي-مۇراجايى
- احمەت بايتۇرسىن ۇلىنىڭ ءۇي-مۇراجايى
- ءداستۇرلى مۋزىكا مۋلتيمەديالىق ورتالىعى
مۋزەي تۇنىندە ءتۇرلى تانىمدىق كۆەستتەر مەن ۆيكتورينالار، مۋزەي زالدارى بويىنشا تەاترلاندىرىلعان ەكسكۋرسيالار، قويىلىمدار ۇيىمداستىرىلادى:
- «جاڭا عاسىر» تەاترىنىڭ «الماتى – مەنىڭ ماحابباتىم» (الماتى مۋزەيىندە)،
- «ءمولدىر ماحاببات» (س. مۇقانوۆ مۋزەيىندە)،
- «اريا قىز جىبەك» (ع. مۇسىرەپوۆ مۋزەيىندە)،
- «ادالدىق — اسىل قاسيەت» (د. قونايەۆ مۋزەيىندە)
سونىمەن قاتار، 16 مامىر كۇنى الماتى مۋزەيىندە ۆەنگريادان كەلگەن ەرەكشە حالىقارالىق كورمە — «ءماتو حالىق ونەرى — ۆەنگر مادەنيەتىنىڭ مۇراسى» اشىلادى. وسى مۋزەيدە كەشكى ۋاقىتتا ءانشى ەركەش حاسەن مەن ەرنار اماندىق ونەر كورسەتەدى.
قاستەيەۆ مۋزەيى «مۋزەي ءتۇنىن» 90 جىلدىق مەرەيتويىمەن ۇشتاستىرادى
2025 جىلى قاستەيەۆ مۋزەيى شارانى قازاقتىڭ ۇلى سۋرەتشىسى ءابىلقان قاستەيەۆتىڭ 90 جىلدىعىنا وراي وتكىزەدى.
18 مامىر كۇنگى باعدارلاما ەكىگە بولىنگەن:
- 14:00–16:00 ارالىعىندا بالالارعا ارنالعان «مۋزەي كۇنى» وتەدى: پلەنەرلەر، كۆەست-ويىندار، شەبەرلىك ساباقتارى.
- 16:00–00:00 ارالىعىندا ەرەسەك كورەرمەندەر ءۇشىن: تەاترلاندىرىلعان كورىنىستەر، پەرفورمانستار، ەكسكۋرسيالار مەن دارىستەر.
- 16:00-دە «جاندى مۇرا: ۋاقىتپەن ۇندەسكەن ونەر» كورمەسى اشىلىپ، «قازاقستاننىڭ ساندىك-قولدانبالى ونەرى» كاتالوگى تانىستىرىلادى.
- 17:00-دەن باستاپ ەكسكۋرسيالار قازاق جانە ورىس تىلدەرىندە وتەدى.
- 18:00-دە تانىمال ونەرتانۋشىلارمەن كەزدەسۋ ۇيىمداستىرىلادى.
- 19:00–00:00 ارالىعىندا كونسەرتتىك باعدارلاما وتەدى: كلاسسيكالىق مۋزىكا، بي، ساحنالىق قويىلىمدار مەن كرەاتيۆتى پەرفورمانستارى
ورتالىق مۋزەي شارانى 17 مامىردا وتكىزەدى
17 مامىر كۇنى ساعات 18:00-دەن 23:00-گە دەيىن ورتالىق مەملەكەتتىك مۋزەي سيرەك كورسەتىلەتىن جادىگەرلەردى كوپشىلىك نازارىنا ۇسىنادى. بۇعان قوسا، تەاترلاندىرىلعان كورىنىستەر، شەبەرلىك ساباقتارى، كۆەست-ويىندار مەن كونسەرتتىك باعدارلامالار وتەدى. بارلىق ءىس-شارالارعا كىرۋ تەگىن.
ايتا كەتەيىك، 18 مامىر كۇنى – مۋزەي تۇنىندە جوندەۋ جۇمىستارىن بايلانىستى نۇرعيسا تىلەندييەۆ مۋزەيى جۇمىس ىستەمەيدى.
