تاراز. قازاقپارات - تارازدا قازاق حاندىعىنىڭ 550 جىلدىعىن تويلاۋ كۇندەرى رەسپۋبليكالىق ءمانى بار تاريحي ەسكەرتكىش - «ەجەلگى تاراز» ارحەولوگيالىق ساياباعى اشىلدى.
ساياباق اۋماعىنا كىرەبەرىستە اركا، سونداي-اق بارلاۋ مۇناراسى، دوستىق ءۇيى مەن كونگرەسس-حوللى بار ەتنومادەني ورتالىق، ەتنوگرافيالىق مۇراجاي، «تاراز سازدارى» ستەلاسى، «مىڭبۇلاق» سكۆەرى بار.
العاش رەت كوپشىلىك نازارىنا تاراز قالاشىعىنداعى ارحەولوگيالىق جۇمىستار كەزىندە تابىلعان جادىگەرلەر ۇسىنىلدى. كەشەن قۇرىلىسىنىڭ جالپى قۇنى - 2،5 ملرد. تەڭگە.
كەشەننىڭ اشىلۋ سالتاناتىنا مەملەكەت باسشىسى نۇرسۇلتان نازاربايەۆ، ق ر پارلامەنت سەناتى مەن ءماجىلىس دەپۋتاتتارى، مينيسترلەر، ۇلتتىق كومپانيالار باسشىلارى، قوعام قايراتكەرلەرى، شىعارماشىلىق زيالى قاۋىم مەن جوو وكىلدەرى، ارداگەرلەر، وبلىستىق ءماليحات دەپۋتاتتارى قاتىستى.
«ارتەفاكتىلەر قويىلعان جاڭا مۋزەيدى ارالاۋ كەزىندە پرەزيدەنتتىڭ قوبالجىعانى بايقالدى، - دەدى قازاقپارات حاا تىلشىسىمەن سۇحباتىندا «ەجەلگى تاراز ەسكەرتكىشتەرى» مەملەكەتتىك تاريحي-مادەني قورىق-مۇراجايىنىڭ ديرەكتورى، بەلگىلى جامبىلدىق تاريحشى تاكەن مولداقىنوۆ. - مۇراجايدا پرەزيدەنتتى ءبىز استاناداعى ۇلتتىق مۋزەي ديرەكتورى دارحان مىڭبايمەن بىرگە قارسى الدىق. نۇرسۇلتان ءابىش ۇلى مۋزەي تەرەزەسىنەن ەجەلگى قالاشىقتىڭ قازىلعان ورىندارىن بايقاعان سوڭ، ونى كورۋگە تۇسەدى دەپ تىپتەن ويلاماعان ەدىك».
ت.مولداقىنوۆتىڭ سوزىنشە، مەملەكەت باسشىسى نۇرسۇلتان نازاربايەۆ قازبالاردى كورىپ، تۇسىندىرمەلەردى تىڭداعان سوڭ ەشقانداي جازباشا، كىتاپتارداعى سيپاتتاۋلاردىڭ ەجەلگى مادەنيەتتىڭ بولعانىنا سالماقتى دالەل بولا المايتىنىن ايتقان. مىنە، ناقتى دالەلدەر، دەگەن ن.نازاربايەۆ قازبا نىساندارىن كورسەتىپ، بۇلار ءبىزدىڭ ەلىمىزدىڭ اۋماعىندا جوعارى دامىعان قالالىق مادەنيەتتىڭ بولعانىن دالەلدەيدى. عىلىمي ىزدەنىستەردىڭ راستىعىنىڭ ناقتىلانۋىن كورۋ ءبىر عانيبەت، دەپ قوستى پرەزيدەنت.
«ەجەلگى تاراز» ساياباعى وبلىستىڭ حالىقارالىق تۋريستىك برەندىنە اينالادى دەپ كۇتىلۋدە، بۇل نىسانى ەكسپو-2017 بۇكىلالەمدىك كورمەسىنىڭ قوناقتارى باراتىن قالالار تىزىمىنە ەنگەن.
