وسكەمەن. قازاقپارات - «ءبىزدىڭ زاماندا جىگىت ءۇشىن ماڭىزدىسى - تاڭداعان ماماندىعى بويىنشا ءبىلىم الۋ، قوسىمشا اسكەري ماماندىقتى يگەرۋ، وتان الدىنداعى بورىشىن وتەۋ ءۇشىن اسكەرگە بارۋ، ودان كەيىن مانسابىن وڭ جولعا قويىپ ءۇيلى-باراندى بولۋ».
سۇحبات بەرگەن «ايدىن» ءبىرىنشى رەسپۋبليكالىق اسكەري-پاتريوتتىق جيىنىنىڭ جەڭىمپازى، استانادا وتكەن پاتريوتتار فورۋمىنىڭ دەلەگاتى المات قايىربەكوۆتىڭ سوزدەرى وسىلاي باستالدى. سپيكەرى المات بولعان د.سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ اسكەري كافەدراسى ستۋدەنتتەرىنىڭ كومانداسى قاراعاندى تۇبىندەگى وقۋ پوليگونىنداعى جارىستاردا ەلدىڭ جوو اسكەري كافەدرالارىنىڭ 25 قۇراماسىنىڭ ىشىندە ءبىرىنشى ورىنعا يە بولدى. «ايدىن»  اسكەري-پاتريوتتىق جيىنىنا اسكەري-پاتريوتتىق كلۋبتاردىڭ، «جاس ۇلان» مامانداندىرىلعان ينتەرناتتاردىڭ جانە جوو اسكەري كافەدرالارىنىڭ 50 كومانداسى قاتىستى.  

جەكە سىندا كالاشنيكوۆ اۆتوماتىنان وق اتۋ بويىنشا المات جۇلدەلى ورىنعا يە بولىپ، ءوز جوو اسكەري كافەدراسىنىڭ قازاقستاننىڭ جوعارى ءبىلىم وردالارى ىشىنەن «ۇزدىك اسكەري كافەدرا» اتانۋىنا سەپتەستى.

ءقازىر 21 جاستاعى المات شقمتۋ 4 كۋرسىندا «ءتۇستى مەتاللۋرگيا» ماماندىعى بويىنشا ءبىلىم الىپ جاتىر. ەكىنشى جانە ءۇشىنشى كۋرستا ول جوو اسكەري كافەدراسىندا قوسىمشا برونەتانك جۇيەلەرىنىڭ تەحنيكا-مەحانيكاسى اسكەري ماماندىعىن يگەردى.  ءبىر جىلدان سوڭ ديپلومىن قورعاعاننان كەيىن المات اسكەري بيلەت پەن لەيتەنانت اتاعىنا يە بولادى.

نىساناعا ءدال كوزدەپ اتۋدى قايدان ۇيرەنگەنىن جانە وسىنداي اسكەري ماماندىقتى نەلىكتەن تاڭداعانىن سۇرادىم.

«مەن قاتون-قاراعاي اۋدانىنانمىن، - دەدى المات، - اكەم قورىقشى بولىپ جۇمىس ىستەدى، مەكتەپتە دە باستاپقى اسكەري دايىندىق ساباعى جاقسى جۇرگىزىلدى. نەلىكتەن وسىنداي اسكەري ماماندىقتى تاڭداعانىما كەلەر بولساق، تەحنيكا - مەنىڭ ەكىنشى ءومىرىم. ۇنەمى كولىكتەرمەن اينالىساتىنمىن. قوزعالتقىشتىڭ دىبىسىن جاقسى كورەمىن. ال تانك - بۇل قۋاتتى تەحنيكا، ونىڭ ىشىندە ءوزىڭدى مىقتى ەر جىگىت رەتىندە سەزىنەسىڭ».

-      المات، پاتريوتتار فورۋمىنا قاتىسۋدان قانداي اسەر الدىڭ؟

- پاتريوتتار فورۋمىندا «ايدىن» رەسپۋبليكالىق اسكەري-پاتريوتتىق جيىنىنىڭ قاتىسۋشىلارىمەن كەزدەستىك. سويلەيتىن ءسوزدى بىرگە دايىندادىق. قازاقستاندىق ساياسي ەليتانى - دەپۋتاتتاردى، ماجىلىسمەندەردى، مينيسترلەر مەن بەلگىلى تۇلعالاردى بەتپە-بەت كورگەندە قىسىلىپ قالدىق. الايدا قاتتى قوبالجىمادىق»، - دەدى المات.

- مەكتەپتە وقىعاندا «مەكتەپ پرەزيدەنتى» بولعانمىن. سوندىقتان قوعام الدىندا ءسوز سويلەۋ ماشىعىم بار.

«ماڭگىلىك ەل» - بۇل ەلدىڭ بولاشاعى، جۇزدەگەن ۇلت وكىلى تۇراتىن قوناقجاي  ەلىمىزدىڭ بىرلىگى ەكەنىنە سەنەمىن. قازاقستاندا مەيىرىمدى، اشىق ادامدار ءومىر ءسۇرىپ جاتقانىن كورىپ وتىرمىز. مۇنداي  مەنتاليتەتپەن بىرىككەن حالقىمىزدىڭ بولاشاعى وركەندەۋ مەن ءبىرتۇتاستىققا باعىت الادى. ءبىزدىڭ ەلىمىزدە ءار ادام ۇلتىنا قاراماستان، ۇلكەن جەتىستىكتەرگە قول جەتكىزە الادى. بارلىعى ادامنىڭ قالاۋى مەن دەنساۋلىعىنا بايلانىستى.

- المات، بۇل تاقىرىپ بويىنشا قاتارلاستارىڭمەن ءجيى پىكىر تالاستىراسىڭدار ما؟ سەن ولارعا نە ايتاسىڭ؟

- ءيا، ءبىز بارلىق ماسەلەنى تالقىلايمىز. دوستارىما ايتاتىنىم - ءبىلىم الىپ، ماماندىق يگەرىپ، ەرىنبەي اسكەري ماماندىققا يە بولىپ، مىندەتتى تۇردە وتان الدىنداعى بورىشتى وتەۋ كەرەك.  اسكەردە ەر جىگىتكە ءتان قاسيەتكە يە بولاسىڭ، اسكەردە بالالىق شاقتان ەرەسەك ومىرگە قادام باسىپ، ومىرگە دەگەن كوزقاراسىڭ وزگەرەدى. بۇل - ناعىز ەرلىك مەكتەبى.  

- ينستيتۋتتى ءتامامداعان سوڭ ماماندىعىڭ بويىنشا جۇمىس ىستەيسىڭ بە، الدە كەلىسىمشارت بويىنشا اسكەري قىزمەتتە بولاسىڭ با؟  

- زاۋىتتا ماماندىعىم بويىنشا جۇمىس ىستەۋدى جوسپارلاپ وتىرمىن. الايدا مەن كەز-كەلگەن اسكەري بولىمدە دە قىزمەت ەتە الامىن. ديپلوم العان سوڭ تاڭداۋ جاسايمىن.