اتىراۋدا بەس كۇننەن بەرى باسىلماي جاتقان قامىس ءورتى قالا تۇرعىندارىن تۇنشىقتىرۋدا. قالىڭ كوك ءتۇتىن بۇكىل قالانى باسىپ، جۇرت ەسىك-تەرەزەسىن اشۋدان قالعان. تۇرعىندار دەنساۋلىعىنا الاڭداۋلى، بيلىك ارەكەت ەتۋگە اسىعار ەمەس.
ءتىلسىز جاۋ اقجايىق مەملەكەتتىك تابيعي رەزەرۆاتى اۋماعىندا باستالىپ، 800 گەكتاردان استام جەردى شارپىعان. قىزىل جالىن ءالى تولىق سوندىرىلمەگەن.
ورتپەن كۇرەسكە 100-دەن اسا مامان، 30 تەحنيكا جانە مي-8 تىكۇشاعى تارتىلدى. تىكۇشاق 33 رەت اۋەگە كوتەرىلىپ، 100 توننا سۋ توككەن.
ءقازىر ءورتتىڭ شىعۋ سەبەبى مەن قورشاعان ورتاعا كەلتىرگەن زالالى بويىنشا تەرگەۋ ءجۇرىپ جاتىر. الايدا قالا كوك تۇتىننەن كوز اشپاي وتىر.
