"RES 2026 EXPO" حالىقارالىق كورمەسى استانادا 2026 جىلعى 22-24 ءساۋىر ارالىعىندا ورتالىق ازيانىڭ وڭىرلىك ەكولوگيالىق ءسامميتى - رەس-2026 شەڭبەرىندە وتەدى. ءىس-شارا ورتالىق ازياداعى ورنىقتى دامۋ ماسەلەلەرى بويىنشا ديالوگ ءۇشىن نەگىزگى پلاتفورما بولادى.

رەسمي اشىلۋ سالتاناتىنا قازاقستان رەسپۋبليكاسىنىڭ پرەزيدەنتى قاسىم‑جومارت توقايەۆ پەن ورتالىق ازيا مەملەكەتتەرى باسشىلارىنىڭ قاتىسۋى جوسپارلانىپ وتىر، بۇل كورمەنىڭ حالىقارالىق مارتەبەسى مەن ونىڭ وڭىرلىك ماڭىزدىلىعىن كورسەتەدى.

ۇيىمداستىرۋشى-قازاقستان رەسپۋبليكاسىنىڭ ەكولوگيا جانە تابيعي رەسۋرستار مينيسترلىگى. ءىس-شارانى ۇيىمداستىرۋعا حالىقارالىق جاسىل تەحنولوگيالار جانە ينۆەستيسيالىق جوبالار ورتالىعى (IGTIC) جاردەمدەسەدى. كورمە وپەراتورى - "BusinessFirst" ج ش س.

RES 2026 EXPO-بۇل ەكولوگيالىق ترانسفورماسيانىڭ ناقتى تەحنولوگيالارى مەن يننوۆاسيالىق شەشىمدەرىن كورسەتەتىن كاسىبي پلاتفورما. كورمەگە مەملەكەتتىك ورگانداردىڭ، حالىقارالىق ۇيىمداردىڭ، بيزنەستىڭ، قارجى ينستيتۋتتارىنىڭ، عىلىمي جانە ساراپتامالىق قوعامداستىقتىڭ وكىلدەرى قاتىسادى. 30 ەلدەن 300-دەن استام كومپانيا، 1500-دەن استام دەلەگات جانە 20000-نان استام كەلۋشىلەر قاتىسادى دەپ كۇتىلۋدە.

ەكسپوزيسيادا 8 تاقىرىپتىق ايماق ۇسىنىلعان:

1. جاسىل ەنەرگەتيكا جانە دەكاربونيزاسيا-كومىرقىشقىل گازىنىڭ شىعارىندىلارىن ازايتۋ ءۇشىن كۇن، جەل جانە باسقا دا تازا ەنەرگيا كوزدەرىن پايدالانۋ.

2. سۋ رەسۋرستارى جانە اعىندى سۋلاردى تازارتۋ-سۋدى ۇتىمدى پايدالانۋ، وزەندەر مەن كولدەردى تازارتۋ، ءقاۋىپسىز سۋ جۇيەلەرىن قۇرۋ.

3. دوڭگەلەك ەكونوميكا جانە قايتا وڭدەۋ — قالدىقتاردى قايتا پايدالانۋ جانە قورشاعان ورتانى قورعاۋ ءۇشىن جاڭا ماتەريالدار شىعارۋ.

4. اقىلدى قالالار مەن تۇراقتى ينفراقۇرىلىم-ىڭعايلى جانە ەكولوگيالىق تازا قالالىق ورتا ءۇشىن تەحنولوگيالار مەن شەشىمدەر.

5. كليماتتىق تەحنولوگيالار جانە كومىرتەكتى باسقارۋ-CO₂ شىعارىندىلارىن ازايتۋ جانە يننوۆاسيالىق كليماتتىق شەشىمدەردى ەنگىزۋ.

6. بيوالۋانتۇرلىلىك جانە ەكوجۇيەلەردى قالپىنا كەلتىرۋ-جانۋارلار مەن وسىمدىكتەردىڭ الۋان تۇرلىلىگىن ساقتاۋ، بۇلىنگەن تابيعي اۋماقتاردى قالپىنا كەلتىرۋ.

7. اگروتەحنولوگيا جانە ازىق — تۇلىك جۇيەلەرى-تيىمدى جانە ەكولوگيالىق تازا اۋىل شارۋاشىلىعى، تۇراقتى ازىق-تۇلىك ءوندىرىسىنىڭ جاڭا تەحنولوگيالارى.

8. ESG جانە جاسىل قارجىلاندىرۋ-ەكولوگيا، الەۋمەتتىك جاۋاپكەرشىلىك جانە كورپوراتيۆتىك باسقارۋ پرينسيپتەرىنە نەگىزدەلگەن ينۆەستيسيالار مەن جوبالار.

RES 2026 EXPO اياسىندا نەگىزگى ىسكەرلىك جانە مادەني ءىس شارالار وتەدى:

* GREEN INVEST FORUM — ينۆەستورلار، بيزنەس جانە مەملەكەت ديالوگىنا، "جاسىل" جوبالاردىڭ تۇساۋكەسەرىنە، B2B جانە B2G كەزدەسۋلەرىنە ارنالعان الاڭ.

* ECO STARTUP COMPETITION-ەكولوگيالىق ستارتاپتار مەن يننوۆاسيالىق شەشىمدەردى تانىستىرۋعا ارنالعان كاسىبي پلاتفورما.

* GREEN RUNWAY FASHION SHOW-تۇراقتى ماتەريالداردى، قايتا وڭدەلگەن ماتالاردى جانە تابيعي بوياعىشتاردى قولداناتىن ءسان كورسەتىلىمى.

* ART EXHIBITION-تابيعاتقا، تۇراقتى بولاشاققا جانە ەكولوگيالىق قۇندىلىقتارعا ارنالعان كوركەم ەكسپوزيسيا.

* REGIONAL ECO FILM FESTIVAL-كورمەنىڭ باستى ساحناسىندا كوپشىلىك الدىندا كورسەتىلىمدەرى مەن تالقىلاۋلارى بار ەكولوگيالىق جانە الەۋمەتتىك كينو.

بۇل باستامالار RES 2026 EXPO-نى تەك تەحنولوگيالىق عانا ەمەس، سونىمەن قاتار الەمنىڭ تۇكپىر-تۇكپىرىنەن قاتىسۋشىلاردى بىرىكتىرەتىن مادەني، ءبىلىم بەرۋ جانە الەۋمەتتىك پلاتفورماعا اينالدىرادى.

RES 2026 EXPO ينۆەستيسيالاردى تارتۋ، جاسىل ەكونوميكا ماسەلەلەرى بويىنشا ارىپتەستىك پەن ديالوگتى دامىتۋ ءۇشىن نەگىزگى حالىقارالىق پلاتفورما بولادى.

بۇعان دەيىن قىتايلىق ينۆەستورلار قازاقستاندا ەكى ملرد دوللارعا جەك-جوبالار سالاتىنى تۋرالى حابارلانعان بولاتىن.