قازىرگى كەزەڭدە ەكولوگيالىق پروبلەمالار جاھاندىق سيپاتقا يە بولۋدا. كليماتتىڭ وزگەرۋى، سۋ رەسۋرستارىنىڭ ازايۋى، اۋانىڭ لاستانۋى جانە ءوندىرىس قالدىقتارىنىڭ كوبەيۋى ادامزات الدىندا تۇرعان كۇردەلى ماسەلەلەر بولىپ تابىلادى. سوندىقتان ەكولوگيالىق قاۋىپسىزدىك جانە ورنىقتى دامۋ قاعيداتتارى كەز كەلگەن مەملەكەتتىڭ ستراتەگيالىق باسىمدىقتارىنىڭ بىرىنە اينالۋدا.
تۇراقتى دامۋ ۇعىمى
تۇراقتى دامۋ – بۇل بولاشاق ۇرپاقتىڭ مۇمكىندىكتەرىنە زيان كەلتىرمەستەن قازىرگى ۇرپاقتىڭ قاجەتتىلىكتەرىن قاناعاتتاندىرۋ پرينسيپىنە نەگىزدەلگەن دامۋ مودەلى. ول ەكونوميكالىق ءوسۋ، الەۋمەتتىك ءال-اۋقات جانە قورشاعان ورتانى قورعاۋ اراسىنداعى تەپە-تەڭدىكتى ساقتاۋدى تالاپ ەتەدى.
ەكونوميكالىق جەتىستىك تابيعي رەسۋرستاردى تۇراقسىز پايدالانۋمەن ولشەنبەۋى كەرەك. كەرىسىنشە، رەسۋرستاردى ۇنەمدى پايدالانۋ، قالدىقتاردى ازايتۋ جانە "جاسىل" تەحنولوگيالاردى ەنگىزۋ ۇزاق مەرزىمدى دامۋدىڭ كەپىلى بولىپ تابىلادى.
ەكولوگيالىق مادەنيەتتى قالىپتاستىرۋ
ەكولوگيالىق قاۋىپسىزدىك تەك مەملەكەتتىك ساياساتپەن شەكتەلمەيدى. ءاربىر ازاماتتىڭ تابيعات الدىنداعى جاۋاپكەرشىلىگى ماڭىزدى ءرول اتقارادى. قوقىستاردى سۇرىپتاۋ، سۋ مەن ەنەرگيانى ۇنەمدەۋ، تابيعاتتىڭ لاستانۋى ەمەس-قاراپايىم، ءبىراق ءتيىمدى ارەكەتتەر.
ەكولوگيالىق مادەنيەتتى قالىپتاستىرۋ ءبىلىم بەرۋ جۇيەسىنەن باستالۋى كەرەك. مەكتەپتەن باستاپ تابيعاتتى قورعاۋ قۇندىلىقتارىن ناسيحاتتاۋ-بولاشاقتا سانالى ۇرپاقتى تاربيەلەۋدىڭ نەگىزى.
جاسىل ەكونوميكاعا كوشۋ
جاسىل ەكونوميكا-ەكولوگيالىق تازا ءوندىرىس پەن جاڭارتىلاتىن ەنەرگيا كوزدەرىنە نەگىزدەلگەن دامۋ باعىتى. كۇن، جەل، سۋ ەنەرگياسىن پايدالانۋ قورشاعان ورتاعا زياندى ازايتادى جانە ەنەرگەتيكالىق تاۋەلسىزدىكتى ارتتىرادى.
سونىمەن قاتار، ەكولوگيالىق يننوۆاسيالار جاڭا جۇمىس ورىندارىن قۇرۋعا جانە ەكونوميكانى ءارتاراپتاندىرۋعا مۇمكىندىك بەرەدى. بۇل قورشاعان ورتانى قورعاۋ مەن ەكونوميكالىق ءوسۋدى ۇيلەستىرۋدىڭ ءتيىمدى ءادىسى.
قۇقىقتىق رەتتەۋ جانە جاۋاپكەرشىلىك
ەكولوگيالىق نورمالاردىڭ ساقتالۋىن قامتاماسىز ەتۋ ءۇشىن ءتيىمدى قۇقىقتىق تەتىكتەر قاجەت. زاڭ تالاپتارىن بۇزعانى ءۇشىن جاۋاپكەرشىلىك ناقتى جانە ءادىل بولۋى كەرەك. سونىمەن قاتار، بيزنەستىڭ ەكولوگيالىق جاۋاپكەرشىلىگىن ارتتىرۋ ماڭىزدى.
مەملەكەت، بيزنەس جانە قوعام بىرلەسىپ ارەكەت ەتكەندە عانا ەكولوگيالىق قاۋىپسىزدىككە قول جەتكىزۋگە بولادى.
ەكولوگيالىق قاۋىپسىزدىك تابيعاتتى قورعاۋ ماسەلەسى عانا ەمەس، ول ۇلتتىق قاۋىپسىزدىك پەن قوعامدىق ءال-اۋقاتتىڭ اجىراماس بولىگى بولىپ تابىلادى. تۇراقتى دامۋ قاعيداتتارىن ۇستانۋ ارقىلى عانا ءبىز بولاشاق ۇرپاققا تازا ورتا، ءقاۋىپسىز ءومىر جانە تۇراقتى ەكونوميكا قالدىرا الامىز.
تابيعاتقا جاۋاپكەرشىلىكپەن ءقاراۋ-ار ازاماتتىڭ بورىشى جانە ەلدىڭ بولاشاعىنا قوسقان ۇلەسى.
