استانا. قازاقپارات - رەسپۋبليكالىق «قامقورلىق» ايلىعىنىڭ اياسىندا ەۋرازيالىق توپ (ERG) قۇرامىنا كىرەتىن ەۋروازيالىق ەنەرگەتيكالىق كورپوراسياسى 1300-دەن استام بۇرىنعى قىزمەتكەرلەرىن قۇتتىقتاپ، ولارعا قۇرمەت كورسەتتى.
زەينەتكەرلەر ءۇشىن مەرەكەلىك شارالار ۇيىمداستىرىلىپ، ازىق-تۇلىك پاكەتتەرى بەرىلىپ، ماتەريالدىق كومەك كورسەتىلدى، سونىمەن بىرگە، كورپوراسيانىڭ ساۋىقتىرۋ مەكەنىنە تەگىن جولدامالار سىيعا تارتىلدى. وسى شارالارعا ءوندىرىس ورنى 10 ملن تەڭگەدەن استام جىبەردى، دەپ ەۋرازيالىق ەنەرگەتيكالىق كورپوراسيانىڭ باسپا ءسوز قىزمەتى.  

- كاسىپورنىمىز زەينەتكە شىققان قىزمەتكەرلەرىن ءارقاشان ەستە ساقتايدى، ولارعا كومەك كورسەتەدى. كاسىپوداق كوميتەتى، ارداگەرلەر جانە جاستار كەڭەستەرى، سەحتاردىڭ كاسىپوداق كوميتەتتەرىنىڭ ءتوراعالارى بۇعان زور ۇلەس قوستى. ءبىزدىڭ جۇمىسكەرلەرىمىز ارداگەرلەرگە كەلىپ، ءۇي شارۋاشىلىعىنا قولعابىس جاسايدفى، مەرەكەلەردە قۇتتىقتايدى. ايلىق اياسىندا  جاساپ جۇرگەن ىستەرىمىز - ءبىر جىلدا جۇرگىزىلگەن جۇمىسىنىڭاز عانا بولىگى، - دەيدى «ەەك» اق-نىڭ ۆيسە-پرەزيدەنتى تاتيانا نوساچيەۆا.

كۇزدىڭ باسىندا 200 زەينەتكەر باياناۋىلداعى «جاسىباي» دەمالىس ورنىنان دەمالىپ كەلدى. ولار ءۇشىن ارنايى باعدارلاما ازىرلەنىپ، كونسەرت، سايىستار، ەكسكۋرسيالار وتكىزىلدى.       1343 زەينەتكەر ءۇشىن ەەك ماتەريالدىق كومەك كورسەتىپ، ازىق-تۇلىك پاكەتتەرىن تاراتىپ، كاسىپورىننىڭ بالىق شارۋاشىلىعىنان تۇقى بالىعىن ءبولدى. اقسۋ، ەكىباستۇز جانە پاۆلودار قالالارىنداعى ەەك 70 ارداگەرى كاسىپورىننىڭ ساۋىقتىرۋ ورنىنا تەگىن جولداما الدى. بۇعان كومپانيا تاراپىنان 3،5 ملن تەڭگە ءبولىندى. پەشپەن جىلىناتىن ۇيلەردە تۇراتىن زەينەتكەرلەرگە سەگىز توننا كومىر اقىسىز بەرىلەدى. سونىمەن بىرگە، كاسىپورىن الەۋمەتتىك جاعدايى تومەن پاۆلودار وبلىسىنىڭ تۇرعىندارىنا 1500 توننا كومىر ءبولدى. ەلەكتر ستانسياسى كاسىپوداق كوميتەتىنىڭ قىزمەتكەرلەرى بولىمشەنىڭ 160 زەينەتكەرى مەن ارداگەرى ءۇشىن  «مەيىرىمدىلىك جانە سىيلاستىق كۇنىن» ۇيىمداستىردى، وندا كونسەرتتەر قويىلىپ، سايىس، ويىندار وتكىزدى:

ايلىق اياسىندا جاستار كەڭەسىنىڭ بەلسەندىلەرى ەەك اتىنان اقسۋ ءوڭىرىنىڭ 106 مۇگەدەك-بالاسىنا ءتاتتى ازىق-تۇلىك پاكەتتەرىن تاراتادى. ال كاسىپورىننىڭ كوركەم ونەرپازدارى قارتتار ءۇيىنىڭ قامقورلىعىنداعى ادامداردى جانە اقسۋ قالاسىنىڭ مۇگەدەك ادامدارىنا مەرەكەلىك كەشتەردى ۇيىمداستىرادى. ايلىق شەڭبەرىندە «شىعىس» كەنىشىنىڭ كاسىپوداق كوميتەتى «ءۇمىت» بالالار ءۇيىنىڭ قايىرىمدىلىق اسىنا جانە ت.ب. شارالارىنا ءۇش ءجۇز مىڭنان استام تەڭگە جىبەردى. سونىمەن قاتار، كەنشىلەر ارداگەرلەردىڭ كولىكجايىن جوندەپ، ەكىباستۇز قالاسىنىڭ زەينەتكەرلەرىنە وتىن تاراتتى.  

وسىلاي ەۋرازيالىق ەنەرگەتيكالىق كورپوراسيا بۇرىننان جۇرگىزىلىپ جاتقان قامقورلىق داستۇرلەرىن جالعاستىردى. كاسىپورنىنىڭ ۇلەسى ءوڭىردىڭ الەۋمەتتىك-ەكونوميكالىق جاعدايىنىڭ جاقسارۋىنا ىقپالىن تيگىزىپ، ىسكەرلىك جاۋاپكەرشىلىگىنىڭ دە ۇلگى-ونەگەسى بولماق.

دەرەككوز: قازاقپارات