Sońǵy jańalyqtarǵa  qaraǵanda, Reseıdiń áskerı polısıasy táýelsiz Qazaqstan memleketinde jasaqtalyp  jatyr. Máselen, 05 naýryz  kúni  AZATTYQ radıosy tómendegi aqparatty jarıalady: «Reseıdiń Qazaqstandaǵy áskerı bólimderinde áskerı polısıa bólimsheleri qurylyp jatyr dep habarlaıdy búgin Reseı qorǵanys kúshteri Ortalyq áskerı okrýginiń baspasóz qyzmeti».

     Ýkraınadaǵy jaǵdaı  kórdik. Qyrymdaǵy Reseı áreketi aqylǵa qonymsyz, al, endi keshe ǵana Qazaqstan jerindegi Saryshaǵanda áskerı polıgonda Reseı zymyranyn synady, Shyǵys Qazaqstan oblysyndaǵy orys kazaktarynyń atqa minýi, bizdiń memleket basshysynyń shuǵyl túrde Máskeýge baryp, «Eýroazıalyq odaq» degen "mıfti" shyndyqqa aınaldyrýǵa jantalasa kirisýi - osynyń bári óńimiz be, túsimiz be?.. Reseı endi kelip, Qazaq jerinen uzaq jylǵa jalǵan alǵan ózderiniń áskerı polıgondaryna áskerı polısıa quryp, olardy arnaıy áskerı jabdyqtarmen, saýyt keýdeshemen, travmatıkalyq tapanshamen, rezeńke taıaqtarmen, kisendermen jabdyqtap jatqany týraly AZATTYQ radıosy habarlap otyr. Sonda, Reseıdiń áskerı polısıasy Qazaqstan halqymen kúrespegen de, aıdaladaǵy Ýkraına azatkerlerimen emes, AQSH, Batys elderimen munda qalaı kúrespek? Sonda Qazaqstan búginnen bastap qaıtadan Reseı bodany bolǵany ma? Orys Qazaqstan sıaqty táýelsiz memleketke ózderiniń áskerı polısıasyn nege qurady? Myna onsyz da teksiz, qul-qutan orysqul bıliktegilerimiz - kúlbiltelemeı, jasyryp, jappaı, osy qazir Qazaqtyń "óti jarylyp" ketse de, nege ashshy shyndyqty betine jaıyp salmaıdy? Sonymen, Qazaqstan táýelsizdiginen aırylyp, qaıtadan Reseı otary boldy ma, joq pa?..

Jumash KÓKBÓRİ