EKSPO-ny aıaqtaý úshin 85 mıllıard teńge bólinipti. Keshe ǵana qarapaıym satýshy jigit aıtqan jaı esime túsip ketti. Ol «EKSPO» salyp jatqandarǵa 100 tonna syr (boıaý) satypty. Negizi, qurylysqa lıtri 1500 teńge turatyn sapaly syr qoldaný kerek eken. Órt shyqsa temirdi balqytpaı ustap turatyn, t.b ereksheligi ber. Al, olar bolsa jaı 300 teńgelik syr alǵan da, 1500 diń etıketkasyn japsyra salǵan. 100 tonnadan qansha aqsha jemqordyń qaltasyna ketkenin esepteı berińiz. Al, sapany uryp jatqan eshkim joq... İstep otyrǵan "sýbpodrádchıkter" eken. Odan joǵarǵylaryn bilmedik deıdi.

Sosyn, kádimgi "bolgarkanyń" 4 jáshik júzin (tasyn) satypty bir jigit. Saǵan ótirik maǵan shyn, osy 4 jáshikti 4 ret satyp, 4 ret satyp alyp jatyrmyn depti. Sol baıaǵy urlyq. Satyp aparady da, urlap alyp shyǵyp qaıta satady. Sosyn, «EKSPO-nyń» atynan qaıta satyp alady. 4 ret...

Jaýpsyzdyq, nemquraıdylyq, 150 lıtr rastvordy «Gazelden» laqtyra salǵanda jarylyp, tógilip qalypty. 
Bunyń bári kishkene mysal bolyp kórinýi múmkin. Iá, «EKSPO-nyń» bir ǵana fırmasy jasap jatqan jaǵdaı. Al, ol jerde qansha fırma, kompanıa bar. Olardyń ne istep jatqanyn bir qudaı biledi. Esik ashyq, qurylys alańyna kim kirip shyqsa da tekserý, tekteý álsiz deıdi.

Halyqtyń aqshasyn urlap, jep, jymqyryp, tonap jatyr. Al, oǵan ústi-ústine taǵy bólinýde... «EKSPO» seniń ne teńiń, jyltyrap júrip kóteniń dep amalsyz oılaısyń...

Murat Almasbekulynyń «Feısbýktegi» paraqshasynan alyndy