Qazaqtyń mańdaı aldy aqyndarynyń biri Nurlan Máýkenulynyń sózine jazylǵan «Óliniń qamyn tiri jer» ánin Erkin Shúkiman oryndady, - dep habarlaıdy «Qamshy» portaly.

Ánshi ol týraly óziniń «Feısbýk» áleýmettik jelisindegi paraqshasynda jazady.

«Tursynǵazy aǵamnyń keshiniń qarsańynda el arasyndaǵy kóptegen ánderi jınaqtalyp, sırek aıtylatyn ánderin jas ónerpazdar úırenip, osy festıválda oryndady. Osy ánderdiń ishinde eń úlken olja bolǵany Nurlan Máýkenulynyń sózine jazylǵan "ÓLİNİŃ QAMYN TİRİ JER" áni. Bul án 2001-2002 jyldary jazýshy Talǵat Keńesbaevtyń úıinde shyqqan. Sol kezde birden kameraǵa túsirip, búginge deıin saqtap kelgen. Jalpy bul ánniń shyǵý tarıhy jóninde sóz bólek. Ony Talǵat Keńesbaevtyń ózine qaldyrdyq... Eń bastysy bul ándi Tákeńniń saqtaýy, búginge jetkizýi... Táke, myń alǵys sizge! Alǵash oryndaý bizge buıyrypty... Qabyl alyńyzdar!», - deıdi ánshi.