"Qyrym Joǵarǵy Keńesi avtonomıa retinde Reseı quramyna kirý týraly sheshim qabyldady" dep habarlaıdy Tengrinews.kz RIA Novostı aqparat quralyna silteme jasap. "Qyrym Avtonomıalyq Respýblıkasy Joǵarǵy Keńesi Reseı prezıdenti jáne Reseı Fedarasıasy Federaldyq jıynyna Reseı Federasıasy quramyna RF sýbekti bolyp kirý prosedýrasyn bastaýdy usynady" delingen sheshim mátininde. Sondaı-aq, Qyrym Avtonomıalyq Respýblıkasy statýsy týraly referendým 16 naýryzǵa qaldyryldy. Shara barysynda eki saýal qaralady. "Birinshi - siz Qyrymnyń RF sýbekti bolyp Reseı quramyna kirýin qoldaısyz ba? Ekinshi - siz 1992 jyly qabyldanǵan Qyrym konstıtýsıasyn qalpyna keltirýdi qalaısyz ba?" deıdi Temirǵalıev. 1992 jylǵy Qyrym konstıtýsıasy boıynsha respýblıka Ýkraına memleketiniń quramyna kiredi jáne onymen ara qatynasyn kelisim-sharttar negizinde anyqtaıdy. Eske sala keteıik, buǵan deıin Qyrymnyń avtonomıa mártebesi jónindegi referendým naýryzdyń 30-ynda ótetini habarlanǵan edi. "Qajettilikke baılanysty biz Qyrym Avtonomıalyq Respýblıkasynyń mártebesi týraly referendým ótkizýdi jedeldetýdi uıǵardyq. Referendým 30 naýryzǵa belgilendi", - degen edi sol kezde Qyrym úkimetiniń ókilderi.