Alty Alashtyń kósemi Álıhan Bókeıhannyń ómiri, san qyrly qyzmeti men eńbekteri týraly alashtanýshy Sultan Han Aqqululynyń qazaq, aǵylshyn jáne orys tilderindegi zertteý, maqalalar jáne suhbattar jınaǵynyń «súıinshi» danasy basylyp shyqty, - dep habarlaıdy «Qamshy» portaly.

Jınaqtyń basylýyna «Er Jánibek» halyqaralyq qoǵamdyq qoryny qarjylaı demeýshilik jasaǵan. Kitaptyń jalpy taralymy – 1000 dana.  

Alash taqyrybyna beı-jaı qaramaıtyn qalyń oqyrmanǵa arnalǵan kitap 2 aptanyń ishinde Almaty men Astana qalalarynyń kitap dúkenderinde satylymǵa shyǵady. Satyp alýshylar asyqsyn. Jınaq 1 myń danamen ǵana jaryq kórdi.

«Taıaýda qazaq tilinde Álıhan Bókeıhan týraly tuńǵysh 2 tomdyq monografıa jaryq kóredi. Shyǵarmada tarıhı-muraǵattyq qujattar men derekózder negizinde qazirgi Qazaq eliniń irgetasyn qalaýshy Álıhannyń dúnıege kelgen sátinen 1937 jyly Máskeýde OGPÝ-NKVD-nyń tas qapasynda atý jazasyna kesilgen kúnine deıingi ǵumyrlyq jolynyń beımálim sátteri, san qyrly qyzmetiniń jumbaq bolyp kelgen qyr-syry baıandalady», - deıdi álıhantanýshy Sultan Han Aqqululy.