Aty álemge máshhúr Google kompanıasynda qyzmet etetin bir top qazaq jastarymen Tengrinews.kz tilshisi suhbat qurypty. Google korporasıasynyń túrli qurylymdarynda qyzmet etetin olar kompanıanyń óz jumysshylaryna barynsha jaqsy jaǵdaı jasaıtynyn aıtady, - dep habarlaıdy «Qamshy» portaly.

Serik Beketaev, 24 jasta, AQSH-tyń Kalıfornıa shtatyndaǵy Maýntın-Vú qalasynda ornalasqan Google bas keńsesinde jumys isteıdi.

Jas baǵdarlama jasaýshy kompanıaǵa QBTÝ-da úshinshi kýrs oqyp júrgen kezinen bastap túıindeme jibere bastapty. Sol ýaqytta onyń kompanıada jumys isteıtin tanystary bolypty, jas maman solardan usynys hat jazyp berýdi ótinipti. Osylaısha, ol Google-daǵy birinshi suhbatyn stýdent kezinde ótkizedi. Alaıda sol ýaqytta oǵan saı keletin komanda bolmaǵan eken.

"Suhbattyń birinshi kezeńin sol kezde ótip qoıǵanmyn. Keıin iri kompanıalarda jumys isteýge degen qyzyǵýshylyǵym kemip, startaptardy jasaýǵa aýysyp kettim. Óz startapymdy jasaýdy sheshtim, Sılıkon jazyǵyn aralap, jigittermen kezdestim. Keıin Google ekinshi ret suhbattasýǵa shaqyrdy, men ol kezde magıstratýrada oqyp júrdim. Taǵy baryp, suhbattastym, bul joly men komanda taptym da, olar maǵan usynys jasady. Úshinshi rette men bas tartqym kelmedi, sebebi yńǵaısyz boldy ári iri kompanıada jumys istep, tájirıbe jınaǵym keldi", - dedi Serik. Búginde onyń Google korporasıasynda jumys istep jatqanyna birneshe aı boldy.

Ol startap jobasymen baýyrynyń aınalysyp jatqanyn aıtyp berdi, al ózi bolsa jańa jobamen baılanysty jumystan qol úzdi. Startap "SparcIt" dep atalady. Kompanıa ony damytatyn jańashyldyǵyn baǵalaýmen ári jattyǵýlardy jasaýmen aınalysady. Ol qoldanýshyny tapsyrylǵan jumysty qalypty jolmen sheshýge emes, túrli sheshim joldaryn oılap taýyp, tyń jolmen júrýge shabyttandyrady. Osydan keıin qoldanýshynyń jaýabynyń qaıtalanbastyǵyn, birqılylyǵyn jáne tıimdiligin anyqtaıtyn shkalada baǵalanady.

Serik óz jobasynan nelikten bas tartýǵa májbúr bolǵanyn aıtty. "Munda, iri korporasıaǵa jumysqa turarda olarmen kelisimshartqa otyrasyń, onda basqa jobalaryńnyń bolmaýy kerek ekeni jazylady. Nemese negizgi jumystan tys jasaǵan dúnıeleriń Google menshigine ótip ketýi múmkin. Kez kelgen iri kompanıanyń osyndaı talaby bolady. Sondyqtan bireýdiń isine aralasýǵa tyıym salynady, bul óte qaýipti", - dep atap ótti ol.

"Men iri kompanıalardyń fanaty emespin, sebebi shaǵyn bolsa da óz jobańdy úzdik etýiń kerek. Al úlken kompanıalarda ózińdi joǵaltyp alýyń múmkin. İri korporasıalarǵa naqty bir tájirıbeni alý degen maqsatpen barýyń kerek. Mende osyndaı maqsat paıda boldy jáne sondyqtan olarmen birge jumys isteýge bel býdym. Sen úzdikterdiń úzdigimen birge bastaısyń, sosyn túrli máselelerde olardyń qalaı oılaıtynyn bilý qyzyq bolady. Munda da qosymsha tájirıbe alasyń", - dedi jas maman.

Onyń komandasynda jeti adam jumys isteıdi. Komandasy server bóligimen aınalysady, mobıl devaıstaryna tirkelý joldaryn jeńildetedi. Onyń qyzmeti Software Engineer dep atalady, biraq jas mamannyń aıtýynsha, bul qyzmet 11 dárejege bólinedi. 11-shi dáreje kompanıanyń vıse-prezıdentiniń deńgeıimen birdeı eken. Bul shkala belgilengen bolsa da, jas qyzmetkerdiń aıtýynsha, olar eńbekqorlarǵa jıi yntalandyrý berip otyrady: aksıalar men bonýstar.

"Máselen sen bir áriptesińe kómektesseń, ol seni kompanıa atynan bonýstarmen marapattaı alady, ıaǵnı áriptesiń kompanıanyń aqshasyn saǵan bere alady. Ol budan esh shyǵyndanbaıdy. Onyń qaltasynan nemese jalaqysynan emes. Munda óte ıilgish júıe, tyrysyp jatsań áıteýir jetistikke jetesiń. İri kompanıalarda olar ústińnen altyn jaýdyrady, ol jaqtan sosyn shyqqyń kelmeı qalady. Shyǵý da qıyn, startap jasaý da mańyzdy bolmaı qalady", - dep qorytty sózin Serik.

Al kompanıada jumys isteýdiń tıimsiz jaqtary jaıly sóıleı kele, Serik múmkindiktiń joqtyǵyn atady. "İri korporasıadardy jumys isteı otyryp, jaǵdaıyńyz jaqsy bolady, siz mıllıondaǵan nemese mıllıardtaǵan qarajat taba almaısyz, ondaı joq. Joǵary satylarǵa kóterilý óte qıyn, shyn máninde óte qıyn. Google-dyń 50 myń qyzmetkeri bar jáne olar úzdikterdiń úzdigin tańdaǵandyqtan, siz de sol úzdikterdiń qatarynda bolasyz, sáıkesinshe, qalǵan jigitterden oq boıy ozyp kete almaısyz. Bul básekege toly sala", - dedi Google qyzmetkeri.

Al jaǵymdy jaqtaryn ataǵan Serik oqyǵysy keletinder úshin korporasıanyń aqsha tólep beretinin jetkizdi. Joǵary deńgeıge jetkennen keıin Google jaqsy jalaqy bere bastaıdy eken.

Madıar Aıtbaev, 24 jasta, Google korporasıasynyń Londondaǵy keńsesinde jumys isteıdi, Ulybrıtanıa.

Bul - Madıardyń birinshi jumysy. Onyń londondyq keńsede jumys istep jatqanyna bir jyldan asypty. "Men keńsede Software Engineer, baǵdarlama jasaýshy retinde jumys isteımin. Android komandasyndamyn. Munda qalaı keldim? Men osyǵan deıin Sılıkon jazyǵyndaǵy Imo.im-de tájirıbe jınadym, sol jaqtan men jaıly bilipti. Keıin olar maǵan suhbattasýǵa shaqyrý jiberdi. Barlyq suhbatynan óttim. Mine, osynda keldim", - dedi Madıar.

Ol kompanıada jumys isteýdiń tıimdi tusy dep ıilgish jumys kestesin atady. Aıtýynsha, bastysy jumys isteseń boldy: 24 saǵatqa deıin keńsede qalýyńa ruqsat beredi eken. Kez kelgen ýaqytta kelip, ketip júrýge bolady. Tipti jeksenbide de. Ol sonymen birge alatyn tájirıbe men tegin tamaqty atady.

"Munda ortasha deńgeıden joǵary deńgeıdegi baǵdarlama jasaýshylar isteıdi. Bir jyldyq qana tájirıbem bar, sondyqtan alar asý alda. Bul jumysym ózime unaıdy. Mundaǵy aılyǵymyz Londondaǵy ortasha jalaqydan joǵary, ortashadan aıtarlyqtaı joǵary, ıaǵnı Google-diń barlyq keńsesinde jalaqy ortashadan joǵary bolady. Onyń ústine tegin tamaq, trenıńter. Munda qalaǵanyńnyń bári bar, tipti massaj da bar. Munyń barlyǵy kelisimshartqa kiredi", - dep túsindirdi Madıar.

Erjan Ótkelbaev, 25 jasta. Google korporasıasynyń Polshadaǵy Varshava keńsesinde jumys isteıdi.

Erjan Varshavadaǵy keńsede kóp jumys istemegenin aıtty. "Men Google keńsesinde ótken jyldyń qazanynan bastap jumys isteımin. Meniń de qyzmetim - Software Engineer. (...) Baǵdarlamaý jasaý boıynsha túrli olımpıadalarǵa qatystym. Internet arqyly ótkiziletin kóptegen jarystar bar. Sondyqtan da shyǵar, kompanıa maǵan shaqyrtý jiberdi. Bul birneshe jyl buryn bolǵan oqıǵa. Keıin taǵy da habarlasty. Suhbattasýdan ótýge múmkindigim boldy. Keıin telefon arqyly sóılestik. Maǵan birneshe tapsyrma berdi, ony bir saǵat ishinde oryndadym. Osydan keıin meni Outside round-qa shaqyrdy. Bul jolaqyny, turatyn jerimdi jáne taǵy basqa shyǵyndarymdy ótep, suhbatqa shaqyrý degen sózdi bildiredi. Men Londonǵa baryp, suhbattan óttim. Suhbat shamamen úsh saǵatqa sozyldy. Jalpy tórt suhbattan óttim", - dedi Google-da jumys isteıtin taǵy bir qazaq mamany.

Ol bult tehnologıasymen aınalysatyn komandada jumys isteıtinin naqtylady. Erjannyń aıtýynsha, Google keńsesi jumys isteý úshin barlyq jaǵdaıdy jasaıdy, biraq munyń damýǵa keri áseri de bar eken. "Google kompanıasy barlyq jaǵdaıdy jasaıdy, sodan adam erkinsı bastaıdy. Munda kez kelgen ýaqytta qalaǵan isińmen aınalysa alasyń. Mysaly sharshap qalsań, geım-rýmǵa kirip, oıyn oınaısyń, uıqyń kelse, uıyqtap alasyń. Barlyǵyn birdeı aıtyp bere almaımyn", - dedi Erjan.

Biraq ol osy jaǵdaıdyń barlyǵyn tegin alǵandyqtan, jalqaýlyqqa salynýǵa da bolatynyn aıtty. "Iaǵnı Google-daǵy jaqsy jaǵdaı jasaıdy, al sen óz isińmen aınalysýyń, baǵdarlama jasaýyń ǵana qalady. Damýyńa da múmkindikter óte kóp. Al qalǵanynyń barlyǵyn Google ózi jasaıdy. Al eger startap degenderge kóshseń, munyń aıyrmashylyǵy jer men kókteı. Adam Google-da jumys istese erinshek bolyp ketýi de múmkin", - dedi Ótkelbaev.

Ol kompanıada jumys isteýdiń tıimdi tusy dep medısınalyq shyǵyndardyń Google esebinen óteletinin atady. "Bizde emdelýge arnalǵan jerler kóp", - dedi Erjan.

"Varshavadaǵy keńse óte úlken, biraq ol taıaýda ǵana halyqaralyq boldy. Sonda byltyr bul jer resmı qujattarda da tirkelmegen bolýy múmkin. Sóıtip, bul jer keńeıip, qazir 120 ınjener jumys isteıtin orynǵa aınaldy, adamdar áli de kelip jatyr. Qazir bul keńsede qazaqstandyqtar joq, biraq bilýimshe, birneshe aıdan keıin taǵy bir qazaqstandyq keledi", - dedi Ótkelbaev.

Barlyq úsh suhbattasýshymyz tıimdi tustary dep tegin tamaqty jáne basqa da yńǵaıly jaǵdaılardy atady. Kompanıadaǵy jaqsy múmkindikterge qaramastan, bul másele keńse ornalasqan elge baılanysty eken. Bul ár eldegi túrli salyq saıasaty men zańnamasyna táýeldi.

Serik, Madıar jáne Erjan aldaǵy birneshe jylda otanǵa oralmaıtynyn aıtyp otyr. Sebebi olar qajetti deńgeıde tájirıbe jınamapty. Alaıda olar Qazaqstandy, dostaryn, ulttyq asty saǵynǵanyn moıyndady.