Ústimizdegi jylǵy 12 naýryzda Beıjińdegi Reseı mádenı ortalyǵynda QHR-daǵy QR Elshiliginiń uıymdastyrýymen «Otty ózen» kórkem fılminiń kórsetilimi ótti.

Bul týraly QR SİM baspasóz qyzmeti habarlady.

Sharaǵa QHR Syrtqy ister mınıstriniń orynbasary Chen Gopın, QKP Ortalyq Komıtetiniń Halyqaralyq bólimi basshysynyń orynbasary Chjoý Lı, SHYU Bas hatshysy D.Mezensev, Reseı, Belarýs, Grýzıa, Ózbekstan, Ázerbaıjan, Tájikstan, Vetnam jáne t.b. elder elshilikteriniń basshylary men ókilderi qatysty.

Qytaıdaǵy QR Elshisi Nurlan Ermekbaev «Kóshbasshy joly» kınoepopeıasynyń ekinshi bólimi bolyp tabylatyn «Otty ózen» fılmi jas urpaq úshin eńbekti, Otandy súıý úlgisi ekenin, ultaralyq kelisim ıdeıalaryna tárbıeleıtinin atap ótti.

Sharanyń ashylýynda sóz sóılegen QHR Syrtqy ister mınıstriniń orynbasary Chen Gopın «uly ulttan uly kóshbasshylar týatynyn», sondaı-aq N.Nazarbaev Qazaqstannyń ulttyq kóshbasshysy ǵana emes, álemdegi eń bedeldi saıasatkerlerdiń biri bolyp tabylatynyn atap ótti.

Ol Azıadaǵy ózara yqpaldastyq jáne senim sharalary jónindegi keńes, Álemdik jáne dástúrli dinder kóshbasshylarynyń sezi sıaqty tańdaýly forýmdardy qurý týraly bastamalar N.Nazarbaevtiki ekenin, onyń aktıvindegi jahandyq ıadrolyq qarýsyzdanýdy yntalandyrýǵa qosqan úlken úlesin atap ótti. Qytaılyq dıplomattyń aıtýynsha, osynyń barlyǵy Qazaqstanǵa keń álemdik ataq ákeldi.

Chen Gopın Qazaqstan Prezıdentiniń tulǵa bolyp qalyptasýynyń jolymen, qazaq halqynyń tarıhymen jáne ulttyq dástúrlerimen tereńirek tanys bolýǵa múmkindik beretinin aıtty.

Fılm kórsetiliminde Reseı mádenı ortalyǵynyń dırektory V.Konnov ta sóz sóıledi. Ol «Otty ózen» fılmin Ortalyqtyń qabyrǵasynda kórsetý TMD keńistigindegi mádenı-gýmanıtarlyq baılanystar men dostyqty nyǵaıtýǵa múmkindik beretinin atap ótti.

QazAqparat