«Qazǵarysh» Qazaqstannyńtapsyrysymen jasalǵan qos jerdi qashyqtan zondtaý apparatyn Fransıanyń «Kýrý» ǵarysh aılaǵynan ushyratyn boldy. Bul týraly búgin Almatyda ótken «Ǵarysh: ǵylym jáne tehnologıa» atty keńes barysynda QR Ulttyq ǵarysh agenttiginiń basshysyTalǵat Musabaev aıtty.
«Bıyl Qazaqstan 3 ǵaryshtyq apparat: «KazSat-3» baılanys apparaty men 2 jerdi qashyqtan zondtaý apparatyn ushyrmaq. Atalǵan apparattardy Qazaqstannyń tapsyrysy boıynsha fransýzdyq Defence and Space kompanıasy jasap shyǵarǵan. Jerdi qashyqtan zondtaý apparattary Fransıanyń «Kýrý» ǵarysh aılaǵynan ushyrylady»,- dep málimdedi T. Musabaev.
Onyń aıtýynsha, jerdi baqylaý apparaty keńistikti barlaýda múmkindigi óte joǵary spýtnık bolyp tabylady. Ol tabıǵı jáne aýylsharýashylyq resýrstaryn baqylaýǵa ári kartografıalyq derekterdi jınaýǵa arnalǵan.
«Qazirgi tańda damýshy memleket ǵaryshtyq tehnologıalarǵa ıe bolýy shart. Telearnalar men uıaly baılanys, keń jolaqty ınternet, navıgasıa barlyǵy spýtnıkter arqyly jumys isteıdi. Bizde ǵarysh salasynyń damý qarqyny óte joǵary», - dep qorytyndylady T.Musabaev.
