Qazirgi Batys ǵalymdarynyń (ishinde musylmandary da bar) jetistikteri týraly áńgime shyqsa boldy, "Poı, sol da sóz bop pa? Batys bárin Shyǵystan úırengen. Kezinde halıf Mamýnnyń Báıt ýl-Hıkmasynda eńbek etken ǵulamalarymyzdyń salyp bergen jolyn paıdalanyp jatyr ǵoı bular" deıtinder óte kóp. Osyndaı áńgime aıtatyn keıbir adamdardy sol halıf Mamýnnyń zamanyna aparyp, Báıt ýl-Hıkmanyń ishine kirgizip jiberse, ál-Farabıdi "mýzykalyq aspapqa tabynǵan shırktiń atasy", ál-Bırýnıdi "kápir úndini maqtaǵan qańǵybas dıýana", ál-Horezmıdi "jıhadtan juldyzdy joǵary qoıǵan jarymes", ál-Ǵazalıdi "táýhıdke qarsy shyǵýshy bıdǵanyń basy" dep atap, bárin "Arıstoteldi pir tutqan dinbuzar", "Batystyń qýyrshaqtary" dep jarıalap, reti kelse darǵa asý jazasyn surar edi.  Ǵylym men tehnologıa jańaryp, ózgerip turady. Kertartpanyń minezi ózgermeıdi.