Shynymenen jer satylyp keteme,

Bul synaqtan súrinbeı el óteme.

Jalǵyz sıyr jaıatuǵyn jer tappaı,

Jer saýdasy – túbimizge jeteme?

Mansaptylar, baılar satyp alama,

Sheteldikter qalalaryn salama.

Baqyr tıyn aqshasy joq júrgen el

Eskerýsiz aıdalada qalama?

Kúnde ýaıym, kóńil átteń alań-á,

Urpaq úshin toqymdaı jer qalama.

Altyn, kúmis, munaı ketti.

Jer ketse

Ne qaldyrdym deısiń erteń balańa.

El alańda uıqyń tynysh qanama,

Kól tolqymaı turady dep sanama.

Ata-jurtty qorǵap kelgen qan tógip

Babalarym janyn etken sadaǵa.

Myna tirlik qonbaıdy esh sanaǵa,

Halqymyz júr jumys izdep qalada.

Hanmen qara bir-birimen sanasyp,

Qazaǵymnyń baq juldyzy janama?

Elbasymyz jol tappaıma balama,

Álde shalys qadamdarǵa barama.

Eseńgirep júrgen qaıran qazaqty,

Tajaldardyń talaýyna salama?!

Bar bılyǵyń ketti uship kúl bolyp,

Bıligińniń kózdegeni pul bolyp.

Ketpese eken jat jurttyqqa telmeńdep,

Qymyz kúń, uldarymyz qul bolyp.

Nurbaqyt Baırahmetuly