Aqtóbe oblysynyń Álıa aýylynda belgisiz mal aýrýy beleń aldy. İri qaranyń silekeıi aǵyp, qyzýy kóteriledi eken. Veterınarlar naqty dıagnozy anyqtalmasa da, 450 bas sıyrdy soıyp tastaǵan. İrisin et kombınatyna ótkizip, baspaq-buzaýyn orǵa kómip jatyr, - dep habarlaıdy Qamshy.kz KTK arnasyna silteme jasap,

Al zerthanalyq synama qortyndysy apta sońyna taman ázir bolmaq. Malmen jan baǵyp otyrǵan Álıa aýyly turǵyndarynan birneshe kúnnen beri maza qashqan. Qazir qorasyndaǵy múıizdi iri qarasy men usaq malyn etke ótkizýge májbúr. Óıtkeni bir apta buryn buzaýlardyń silekeıi aǵyp, ystyǵy kóterilgen. Artynsha osyndaı belgiler sıyrlardan da baıqalypty.

İndet taralmas úshin jaıylymdaǵy barlyq Zeńgi baba tuqymyn joq qylý týraly veterınarlar sheshim shyǵarǵan. Alǵashqyda buǵan turǵyndar qarsy bolypty. Keıin ótemaqyǵa kelisip, ony et kombınaty esebinen tólep jatyr.

"Bul mal qaıta óńdeýge jatady dep mamandar bizderge aıtyp jatyr. Osy maqsatta oblystaǵy óńdeý mekemelerimen kelisip, osylar kelip tirileı, etteı kelisin 900 teńgeden alyp jatyr" deıdi Qobda aýdany ákiminiń orynbasary Bolat Qulov.

Pasterellóz ben lesterıoz degen eki arý bolýy m.mkin ekenin, onyń daqty dáleli laboratorıadan keıin belgili bolatynyn aıtady Aqtóbe oblysy aýmaqtyq veterınarlyq baqylaý ınspeksıasy.