Elbasy Nursultan Nazarbaev Úkimet otyrysynda «Jer kodeksine» engen ózgeristerdiń kúshine enýine bir jylǵa maratorıı jarıalady, - dep habarlaıdy Qamshy.kz.
Elbasy jerge qatysty zańnamalarǵa ózgerister engizý men ony túsindirý kezindegi kemshilikterdi synǵa aldy.
«Elge eshqandaı aýylsharýashylyq jeri satylmaıtynyn túsindirý kerek edi. Sondyqtan munda spekýlásıa boldy. Iaǵnı, tıisti toptarǵa bul normalar tolyq jetpedi. Alaıda, zańdy qabyldaý men normalary qoǵamda talqylaýǵa túspedi, adamdardyń qaýiptenýi, dabyl qaǵýy aqtaldy. Eger bizdiń azamattar muny túsinbese, qabyldanǵan sheshimderge senimsizdik tanytsa, ıaǵnı, bul durys bolmaǵany. Biz barlyǵyn adamdar úshin jasap otyr emespiz be? Iaǵnı, qoǵamda osy máselege qatysty zańnamalarǵa engen ózgeristerge kúdik týdy», - dedi Elbasy.
Esterińizge salsaq, búgin Elbasy Nursultan Nazarbaevtyń tóraǵalyǵymen jıyn ótýde. Oǵan Úkimet jetekshisi men músheleri, Prezıdent ákimshiliginiń laýazymdy tulǵalary men basqa da memlekettik organ basshylary qatysýda.
