Gýandýn apelásıalyq sot sheshimi QHR-da isti bolǵan Qazaqstan azamatshasy Aqjarqyn Turlybaıdyń isin birinshi satydaǵy sotqa qaraýǵa jiberdi, dep habarlaıdy Qamshy.kz
Qazaqstannyń syrtqy isteri Mınıstrliginiń baspasóz qyzmetiniń habarlaýynsha, 2016 jyldyń 6 mamyrynda Gýandýn apelásıalyq soty QHR qylmystyq isi boıynsha esirtki kontrabandasymen aıyptalǵan Qazaqstan azamatshasy Aqjarqyn Turlybaıdyń isin bastady.
«Sot Aqjarqyn Turlybaıdyń ómir boıy bas bostandlyǵynan aıyrý úkiminiń kúshin joıdy. Jáne isti qaıtadan qaraý úshin birinshi satydaǵy sotqa jiberdi. Qaýly Gýndýn sotyna shaǵymdanýǵa jáne narazylyq bildirýge jatpaıdy jáne dereý kúshine enedi", - delingen vedomstvonyń habarlamasynda.
Habarlamada aıtylǵandaı, QR syrtyqy ister Mınstrliginiń ókili, Qazaqstan elshiliginiń Qytaıdaǵy konsýly B.Syrlybaev, advokat S.Nurmaǵambetov jáne qytaı advokattary Sáo Chjande men Fen Chjıszán qatysqan.
Esterińizge sala keteıik, Qazaqstandyq 20 jasar stýdent Aqjarqyn Turlybaı 2014 jyldyń naýryz aıynda Gýanchjoý áýejaıynda esirtkimen ustalǵan.
Buǵan deıin habarlanǵandaı, Aqjarqyn Turlybaıdy sáýir aıynda Qazaqstanǵa aýystyrý týraly Qytaımen kelissózder júrgen. Qazaqstandyq stýdent Qytaı sotymen ómir boıyna sottalǵan bolatyn, QR SİM sáýir aıyna apelásıalyq sotqa shaǵymdanǵan.
Esirtki kontrabandasymen aıyptalǵan qyz óziniń belgisiz bireýlerge aldanyp qalǵanyn aıtqan bolatyn.
